ເຄັດລັບຊີວິດດີໆເລີ່ມງ່າຍໆຈາກ 3 ອ

- advert banner 728 90 728x90 - ເຄັດລັບຊີວິດດີໆເລີ່ມງ່າຍໆຈາກ 3 ອ

   1. ອ – ອາຫານທີ່ດີຕໍ່ສຸຂະພາບ: ຖ້າທ່ານເຄີຍເຈິບັນຫານຳ້ໜັກໂຕທີ່ບໍ່ມີທາງຫລຸດລົງ ຄວນຫັນມາໃຊ້ໝໍ້ ກະທະຫລຸດນຳ້ມັນອັດຕະໂນມັດນະວັດຕະກຳກະທະຫລຸດນຳ້ມັນ ດ້ວຍກະທະໜ່ວຍໃດກໍໄດ້ໃນເຮືອນ ແລ້ວຫລຸດນຳ້ມັນຈາກທີ່ເຄີຍໃຊ້ລົງເຄິ່ງໜຶ່ງ ພຽງເທົ່ານີ້ກໍເປັນການເລີ່ມຕົ້ນສຸຂະພາບດີໂດຍການປັບປ່ຽນພຶດຕິກຳທີ່ເລີ່ມເຮັດໄດ້ງ່າຍໆ ແຕ່ຊ່ວຍໃຫ້ຮ່າງກາຍແຂງແຮງໄດ້ຫລາຍຂຶ້ນ ແລະ ເລືອກກິນອາຫານທີ່ມີປະໂຫຍດ ຕາມສູດ 2 – 1 – 1 ໄດ້ແກ່ : ຜັກ 2 ພາກສ່ວນ ຫລື ປະມານ 400 ກຣາມ, ຊີ້ນສັດ 1 ພາກສ່ວນທີ່ບໍ່ຕິດໄຂມັນ ແລະ ເຂົ້າ ຫລື ແປ້ງບໍ່ຜັດສີ 1 ພາກສ່ວນ.

- lattana 1 - ເຄັດລັບຊີວິດດີໆເລີ່ມງ່າຍໆຈາກ 3 ອ

     2. ອ – ອອກກຳລັງກາຍ : ໂດຍບໍ່ຈຳເປັນຕ້ອງໃຊ້ເງິນໃນການເຂົ້າສູນຟິດເນດ ພຽງແຕ່ໃຊ້ອຸປະກອນທີ່ຫາໄດ້ງ່າຍໆໃນເຮືອນມາເປັນໂຕຊ່ວຍໃນການອອກກຳລັງກາຍ ເຊັ່ນ :

     – ໃຊ້ເລືອກໃຊ້ໄມ້ຖູພື້ນ ຫລື ຟອຍກວາດເຮືອນ ອອກກຳລັງກາຍຖູພື້້ນເຮືອນ 30 ນາທີ ແລ້ວສະຫລັບກັບການອອກກຳລັງກາຍເບົາໆ 5 ຊຸດ.

     – ຍືດເສັ້ນຍືດເອັນໃນຂະນະທີ່ຖູພື້ນເຮືອນ ຫລື ເຮັດອະນາໄມເຮືອນຢູ່ ສະຫລັບຊ້າຍ – ຂວາໃຫ້ສຸດແຂນຂາ. ໝັ່ນເຮັດແບບນີ້ຢ່າງສະໝໍ່າສະເໝີ ບໍ່ວ່າຈະແມ່ນການເຮັດຄວາມສະອາດເຮືອນ ຫລື ກິດຈະກຳຫຍັງກໍຕາມ ໃຫ້ໝູນປ່ຽນເປັນການອອກກຳລັງກາຍໄປນຳ ລວມໄປເຖິງການເຮັດສວນ ຄຽງຄູ່ກັບການອອກກຳລັງກາຍໃຫ້ໄດ້ອາທິດລະ 3 ມື້, ມື້ລະ 30 ນາທີ ເທົ່ານີ້ກໍສາມາດມີສຸຂະພາບດີ ແລະ ຫ່າງໄກພະຍາດໄດ້ບໍ່ຍາກ.

     – ນະວັດຕະກຳກະຕຸກນຳ້ກ້າມແໜ້ນ ໂດຍໃຊ້ກະຕຸກນຳ້ດື່ມຂະໜາດບັນຈຸ 1,5 ລິດ ເປັນດຳເບລໃນການອອກກຳລັງກາຍກ້າມຊີ້ນແຂນ ມື້ລະ 60 ເທື່ອ ໃນລະຫວ່າງທີ່ທ່ານກຳລັງເບິ່ງໂທລະພາບ ຫລື ເຮັດກິດຈະວັດປະຈຳວັນອື່ນໆຢູ່.

     – ນະວັດຕະກຳແກ່ວງຫລຸດພຸງ  ແກ່ວງແຂນໃນຂະນະກຳລັງຍ່າງ ມື້ລະ 30 ນາທີ ເພື່ອຫລຸດພຸງ ໂດຍສາມາດກວດສອບໂດຍໂຕເອງວ່າຢູ່ໃນເກນທີ່ຕຸ້ຍລົງພຸງຫລືບໍ່ ງ່າຍໆໂດຍເອົາສາຍວັດແທກມາແທກຮອບແອວ ໂດຍເສັ້ນຮອບແອວຈະຕ້ອງບໍ່ເກີນລວງສູງຂອງທ່ານຫານໃຫ້ 2.

- 1 1 - ເຄັດລັບຊີວິດດີໆເລີ່ມງ່າຍໆຈາກ 3 ອ

     3. ອ – ອາລົມແຈ່ມໃສ : ໄດ້ໂດຍເຄື່ອງໃຊ້ໄຟຟ້າທີ່ຕ້ອງມີທຸກເຮືອນ ນະວັດຕະກຳພັດລົມສະທ້ອນສະບັດອາລົມ ພຽງແຕ່ປັບລະດັບຄວາມແຮງຂອງພັດລົມຕາມອາລົມທີ່ປັ່ນປ່ວນ ແລ້ວເປັ່ງສຽງອອກມາ ຄື້ນສຽງທີ່ຜ່ານໃບພັດທຳມະດາ ແຕ່ສາມາດເຮັດໃຫ້ຫລັ່ງສານແຫ່ງຄວາມສຸກ ຊ່ວຍໃຫ້ອາລົມດີຂຶ້ນ ຫລື ປັບປ່ຽນໂໝດພັດລົມ ພຽງຮ້ອງເພງໃສ່ໜ້າພັດລົມກໍສາມາດແບ່ງປັນຄວາມສຸກ ສ້າງສຽງຫົວໃຫ້ຄົນໃນຄອບຄົວໄດ້.

     – ເລື່ອງຂອງສະມາທິ ຂໍແນະນຳຕື່ມວ່າ ປະຈຸບັນຄົນສ່ວນຫລາຍຕິດໂທລະສັບມືຖືກັນຫລາຍຂຶ້ນ ຈຶ່ງເຮັດໃຫ້ເກີດອາການທີ່ເຮົາບໍ່ສາມາດສ້າງສະມາທິໄດ້ ເຊິ່ງສະມາທິຈະມີຜົນໃນເລື່ອງຂອງອາລົມອ່າວຫລາຍ ການຝຶກສະມາທິບໍລິຫານສະໝອງນັ້ນເຮັດໄດ້ບໍ່ຍາກ ເປັນການຝຶກສະມາທິງ່າຍໆ ເຮັດໄດ້ທຸກມື້ ໃຫ້ຜູ້ໃຫຍ່ເຮັດຢູ່ເຮືອນໄດ້ ຫລື ເວລາເຮົາເຄັ່ງຄຽດ ຂັບລົດແລ້ວເຈິສະພາບການຈໍລະຈອນຕິດຂັດ ກໍສາມາດຝຶກສະມາທິໃນເວລານັ້ນໄດ້.

     ການຝຶກສະມາທິບໍລິຫານສະໝອງ ເລີ່ມໄດ້ຈາກການວາງໂທລະສັບມືຖືລົງ 1 ນາທີ ແລ້ວບໍລິຫານສະໝອງດ້ວຍທ່າງ່າຍໆ ຍົກມືສອງເບື້ອງຂຶ້ນມາ ໃຫ້ມືເບື້ອງໜຶ່ງເຮັດທ່າຈີບ ນິ້ວຊີ້ແປະນິ້ວໂປ້, ຢຽດນິ້ວມືທີ່ເຫລືອຢຽດຊື່. ສ່ວນມືອີກເບື້້ອງໜຶ່ງໃຊ້ນິ້ວໂປ້ ແລະ ນິ້ວຊີ້ນເຮັດເປັນຮູບໂຕແອລ L ແລະ ຄ່ອຍໆປ່ຽນເບື້ອງທີ່ຈີບມາເປັນຮູບໂຕແອລ ແລະ ເບື້ອງໂຕແອລໃຫ້ປ່ຽນເປັນຈີບ.