ສ.ເກົາຫລີ ມອດໄຟໄໝ້ປ່າໄດ້ແລ້ວ ຫລັງເຜົາເຮືອນ 400 ຫລັງ

- advert banner 728 90 728x90 - ສ.ເກົາຫລີ ມອດໄຟໄໝ້ປ່າໄດ້ແລ້ວ ຫລັງເຜົາເຮືອນ 400 ຫລັງ

      ກະຊວງ​ພາຍ​ໃນ​ຂອງ ສ.​ເກົາຫລີ ​ເປີດ​ເຜີຍ​ໃນ​ວັນ​ທີ 7 ​ເມສາ​ວ່າ: ​ເຈົ້າໜ້າ​ທີ່​ສາມາດ​ມອດ​ໄຟ​ໄໝ້​ປ່າ​ຢູ່​ເມືອງ​ໂກ​ຊອງ ​ແລະ ​ເມືອງ​ຊົກ​​ໂຊ ​ໄດ້​ໝົດ​ແລ້ວ, ຂະນະ​ທີ່​ສະຖານະ​ການ​ໄຟ​ໄໝ້​ປ່າ​ຢູ່​ເມືອງ​ຄັງ​ນັງ ​ແລະ ​ເມືອງ​ອິນ​ເຈ​ມອດ​ໄດ້​ແລ້ວ​ຫລາຍ​ກວ່າ 80% ພ້ອມ​ສົ່ງ​ເຈົ້າໜ້າ​ທີ່​ປະມານ 7.000 ຄົນ​ເຝົ້າລະວັງ​ໄຟ​ໄໝ້​ທີ່​ມອດ​ແລ້ວ ​ເພ​ື່ອບໍ່​ໃຫ້​ກັບ​ມາ​​ໄໝ້​ອີກ.

- lattana 1 - ສ.ເກົາຫລີ ມອດໄຟໄໝ້ປ່າໄດ້ແລ້ວ ຫລັງເຜົາເຮືອນ 400 ຫລັງ

       ທັງ​ນີ້ ​ໃນ​ໄລຍະ​ເກີດ​ໄຟ​ໄໝ້​ປ່າ ທາງ​ການ ສ.​ເກົາຫລີ ​ໄດ້​ອົບ​ພະຍົບປະຊາຊົນ​ປະມານ 4.000 ຄົນ​ໄປ​ຢູ່​ສູນອາ​ໄສ​ຊົ່ວຄາວ ​ແລະ ຫລັງ​ຈາກ​ຄວບ​ຄຸມ​ໄຟ​ໄວ້​ໄດ້. ລັດຖະບານ ສ.​ເກົາຫລີ ​ເປີດ​ເຜີຍ​ວ່າ: ​ເຮືອນ​ຫລາຍ​ກວ່າ 400 ຫລັງ ​ແລະ ຟາ​ມລ້ຽງສັດ 920 ​ແຫ່ງ ຖືກ​ເຜົາ​ຜານ​ໃນ​ເຫດການ​ໄຟ​ໄໝ້​ປ່າ​ຄັ້ງຮຸນ​ແຮງ​ນີ້​ທີ່​ເກີດ​ຂຶ້ນທາງ​ຕາ​ເວັນ​ອອກ​ຂອງ​ປະ​ເທດ​ໃນ​ທ້າຍ​ອາທິດ​ຜ່ານ​ມາ ​ໂດຍ​ຄົ້ນພົບ​ຄວາມ​ເສຍ​ຫາຍ​ເພີ່ມ​ຂຶ້ນຫລາຍ​ຈຸດ.

      ສະຖານະ​ການ​ໄຟ​ໄໝ້​ປ່າ​ຄັ້ງຮຸນ​ແຮງ​ທີ່​ສຸດ​ຂອງ ສ.​ເກົາຫລີ ​ເລີ່​ມຕົ້ນຂຶ້ນ​ໃນ​ຄືນ​ວັນ​ທີ 4 ​ເມສາ ​ໃນ​ເຂດ​ໂກ​ຊອງ ​ເຊິ່ງຢູ່​ທາງ​ຕາ​ເວັນ​ອອກສຽງ​ເໜືອ​ຂອງ​ນະຄອນຫລວງ​ເຊ​ອຸນປະມານ 160 ກິ​ໂລ​ແມັດ ກ່ອນ​ລຸກລາມ​ຢ່າງ​ວ່ອງ​ໄວ​ໄປ​ເມືອງ ​ແລະ ​ເຂດ​ໃກ້​ຄຽງ ​ເຮັດ​ໃຫ້​​ເນື້ອທີ່​ປ່າ ​ເຊິ່ງມີ​ຂະໜາດ​ປະມານ 742 ​ເທົ່າ​ຂອງ​ສະໜາມ​​ເຕະບານ​ກາຍ​ສະພາບ​ເປັນ​ຂີ້​ເຖົ່າ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 1 ຄົນ.

      ສຳນັກງານ​​ແກ້​ໄຂ​ໄພພິບັດ​ຂອງ​ລັດຖະບານ ສ.​ເກົາຫລີ ​ເປີດ​ເຜີຍ​ວ່າ: ຈຳນວນ​ຜູ້​ເສຍ​ຊີວິດ ​ແລະ ບາດ​ເຈັບ​ຍັງ​ຄື​ເກົ່າ,​​ແຕ່ມີ​ການຄົ້ນພົບ​ຊັບ​ສິນ​ຈຳນວນ​ຫລາຍ​ຂຶ້ນທີ່​ໄດ້​ຮັບ​ຄວາມ​ເສຍ​ຫາຍ​ຈາກ​ເຫດ​ໄຟ​ໄໝ້​ປ່າ​ຄັ້ງນີ້. ຫລ້າ​ສຸດ ມີ​ການ​ຢືນຢັນ​ວ່າ: ​ເຮືອນ 401 ຫລັງ, ຟາ​ມລ້ຽງສັດ 925 ​ແຫ່ງ, ສາງ 77 ​ແຫ່ງ ​ແລະ ອາຄານ 100 ຫລັງ​ຖືກ​ເຜົາ.

- 1 1 - ສ.ເກົາຫລີ ມອດໄຟໄໝ້ປ່າໄດ້ແລ້ວ ຫລັງເຜົາເຮືອນ 400 ຫລັງ