ສ.ເກົາຫລີ ນຳໃຊ້ເຄືອຂ່າຍ 5G ເປັນປະເທດທຳອິດໃນໂລກ
# ລູກເມືອງພວນ
ອີງຕາມຂ່າວເວັບໄຊ https://viettime.vn ລົງວັນທີ 4 ເມສາ ໃຫ້ຮູ້ວ່າ: 3 ບໍລິສັດຍັກໃຫຍ່ຂອງ ສ.ເກົາຫລີ SK Telecom, KT ແລະ LG Uplus ໄດ້ເປີດນຳໃຊ້ເຄືອຂ່າຍ 5G ມືຖືລຸ້ນທີຫ້າ (5G) ເຂົ້າໃນການຄ້າເປັນປະເທດທຳອິດຂອງໂລກ ໃນວັນທີ 1/12/2018 ຜ່ານມາ ດ້ວຍວິທີການສົ່ງສັນຍານ 5G ເປັນຄັ້ງທຳອິດຢູ່ ສ.ເກົາຫລີ.
ເຖິງວ່າຫາກໍເກີດໄພພິບັດກັບສາຂາ Ahyeon ຂອງ KT ຢູ່ເຊອຸນ ອັນໄດ້ເຮັດໃຫ້ການເປີດໂຕ 5G ຖືກຍົກເລີກໄປກໍຕາມ, ແຕ່ 3 ເຄືອຂ່າຍຍັກໃຫຍ່ກໍຍັງໃຫ້ຄຳໝັ້ນສັນຍາວ່າຈະຍັງຮັກສາລາຍການເປີດໂຕ 5G ທັງໝົດໄວ້ຄືເກົ່າ.
ໃນເດືອນ 12/2018, ບັນດາບໍລິສັດເຄືອຂ່າຍທັງຫລາຍກໍໄດ້ມີແຜນການໃຫ້ການບໍລິການ 5G ເປັນຄັ້ງທຳອິດ ດ້ວຍວິທີການນຳໃຊ້ເຂົ້າໃນເຄືອຂ່າຍຂອງມືຖື ແລະ ບັນດາອຸປະກອນທີ່ສາມາດເຊື່ອມຕໍ່ກັບ wifi ໄດ້ ຫາກບໍ່ແມ່ນສະມາດໂຟນ. ການໃຫ້ບໍລິການເຄືອຂ່າຍ 5G ໃຫ້ສະມາດໂຟນນັ້ນ ຈະໄດ້ເປີດນຳໃຊ້ໃນເດືອນ 3 ປີໜ້າ.
5G ແມ່ນເຄືອຂ່າຍມືຖືທີ່ຖືກສືບທອດມາຈາກ 4G ແຕ່ຖືກອອກແບບມາໃຫ້ມີຄວາມໄວກວ່າ 4G LTE ໃນປັດຈຸບັນຕັ້ງ 10 ເທົ່າ ເຊິ່ງສາມາດດາວໂຫລດໄດ້ເຖິງ 20 Gigabyte ໃນແຕ່ລະວິນາທີ ແລະ ໄລຍະເວລາຕອບກັບຕໍ່າກວ່າ 0,0001 ວິທີນາ. ຍ້ອນມີຄວາມສາມາດເກັບຮັກສາເອກະສານເປັນຈຳນວນມະຫາສານ ແຕ່ມີຄວາມໄວສູງ 5G ຖືກອອກແບບຂຶ້ນມາເພື່ອເປັນພື້ນຖານໃຫ້ແກ່ການບໍລິການຫລາຍຢ່າງ ເຊິ່ງຮຽກຮ້ອງໃຫ້ມີການເຊື່ອມຕໍ່ເຄືອຂ່າຍໃສ່ກັນທັງໝົດ ແລະ ຈະບໍ່ຖືກລ໊ອກເຄືອຂ່າຍລະຫວ່າງຄົນນຳໃຊ້ກັບອຸປະກອນ.
ບໍລິສັດເຄືອຂ່າຍ SK Telecom (SKT) ໄດ້ມີແຜນການຂະຫຍາຍການບໍລິການ 5G ຢູ່ໃນວົງລັດສະໝີຂອງນະຄອນຫລວງເຊອຸນ ແລະ 6 ຕົວເມືອງໃຫຍ່ໆຂອງ ສ.ເກົາຫລີ ລວມທັງ Basan, Incheon, Daegu, Daejeon, Ulsan ແລະ Gwangju, ເບື້ອງຕົ້ນແມ່ນຈະຕອບສະໜອງເຄືອຂ່າຍໃຫ້ແກ່ບັນດາລູກຄ້າທີ່ເປັນຫົວໜ່ວຍທຸລະກິດການຜະລິດ. ລູກຄ້າຄົນທຳອິດຂອງບໍລິສັດ SK Telecom ແມ່ນບໍລິສັດ Myunghwa Ind ແລະ ບໍລິສັດຜະລິດຊິ້ນສ່ວນລົດໂອໂຕ. ບັນດາບໍລິສັດເຫລົ່ານີ້ຈະນຳໃຊ້ວິທີການ 5G-AI ຂອງ SKT ເພື່ອເກັບກຳ ແລະ ສົ່ງຮູບພາບທີ່ມີຄວາມຄົມຊັດສູງຈາກຂະບວນການຜະລິດສົ່ງໄປຍັງສູນລວມ ເພື່ອກວດເບິ່ງຂໍ້ຜິດພາດຜ່ານການຄຳນວນເລກແບບສະຫລາດ.
ເພື່ອຮັບປະກັນໃຫ້ມີຄວາມປອດໄພສູງສຸດ, SKT ຈະຂະຫຍາຍລະບົບລະຫັດແບບ Quant um Cryptography, ກ່ອນອື່ນໝົດແມ່ນຈະນຳໃຊ້ຢູ່ໃນຂອບເຂດຂອງນະຄອນຫລວງ Seul-Ansan ເທົ່ານັ້ນ,ຫລັງຈາກນັ້ນກໍຈະນຳໃຊ້ໃຫ້ສູນລວມຂອງລູກຄ້າ. ບໍລິສັດດັ່ງກ່າວມີຄວາມພາກພູມໃຈທີ່ໄດ້ມີເຄືອຂ່າຍ AI ທີ່ມີຄວາມຮັບປະກັນທາງດ້ານຄວາມປອດໄພໃນການລຳລຽງຈັດສົ່ງເອກະສານທີ່ວ່ອງໄວ.
5G ເປັນວົງຈອນໜຶ່ງທີ່ເຊື່ອມຕໍ່ລະຫວ່າງຄົນກັບອຸປະກອນ ແລະ ລະຫວ່າງອຸປະກອບກັບອຸປະກອນອື່ນໆທີ່ຢູ່ໃນຍຸກການປະຕິວັດອຸດສາຫະກຳເທື່ອທີສີ່, ສ່ວນວ່າ AI ໄດ້ກາຍເປັນປັດໄຈໃຈກາງຂອງການແກ້ງແຍ້ງຂອງ SKT. ຫົວໜ້າບໍລິຫານຂອງບໍລິສັດ SKT Park joug-ho ໃຫ້ຮູ້ວ່າ: ຜ່ານມາໄດ້ມີການແບ່ງປັນກັນລະຫັດດັ່ງກ່າວອອກໄປຢ່າງກວ້າງຂວາງຢູ່ໃນບໍລິສັດ.
ພ້ອມດຽວກັນນັ້ນ, ບໍລິສັດ LG Uplus ກໍຈະໃຫ້ການບໍລິການ 5G ຢູ່ໃນຂອບເຂດເທສະບານນະຄອນ Seul ເຊັ່ນດຽວກັນ ແລະ ຕົວເມືອງໃຫຍ່ອື່ນໆຂອງ ສ.ເກົາຫລີ ແລະ ໄດ້ເລີ່ມຕອບສະໜອງແພັກເກດຊຸດໃຫ້ແກ່ເຄືອຂ່າຍ 5G ແລະ ແພັກເກດຊຳລະເປັນເງິນໃຫ້ແກ່ wifi ມືຖື 5G. ບໍລິສັດນີ້ກໍຈະຕິດຕັ້ງສະຖານີ 5G ຫລາຍກວ່າ 7.000 ແຫ່ງໃນ ສ.ເກົາຫລີ ທ້າຍເດືອນ 12 ຈະມາເຖິງ ແລະ ຈະສ້າງພື້ນຖານໂຄງລ່າງ 5G ໃຫ້ທົ່ວເຖິງບັນດາຕົວເມືອງໃຫຍ່ໆ ກ່ອນທີ່ຈະໃຫ້ບໍລິການ 5G ໃຫ້ສະມາດໂຟນໃນເດືອນ 3 ປີໜ້າ.
ເຖິງວ່າບໍລິສັດ KT ບໍ່ທັນມີຄວາມສະຫງົບຕໍ່ກັບໄພພິບັດທີ່ເກີດຂຶ້ນ ອັນໄດ້ເຮັດໃຫ້ເສຍຊື່ສຽງໃນການບໍລິການມືຖື ທັງໄດ້ສ້າງຄວາມເປັນຫ່ວງເປັນໄຍຕໍ່ກັບຄວາມກັບຄືນມາເປັນປົກກະຕິຂອງບໍລິສັດ. ເຖິງຢ່າງໃດກໍດີ, ບໍລິສັດກໍຍັງມີຄວາມພະຍາຍາມທີ່ຈະໃຫ້ການບໍລິການ 5G ຢ່າງມີສະຖຽນລະພາບ. KT ມີແຜນຈັດຕັ້ງເຫດການໃໝ່ຂຶ້ນຢູ່ສູນຄວບຄຸມເຄືອຂ່າຍສະຫລາດ ຢູ່ Gwacheon ແຂວງ Gyeongi ເພື່ອເປັນຂີດໝາຍໃຫ້ແກ່ການໃຫ້ບໍລິການ 5G ຂອງບໍລິສັດ.
ກ່ອນໜ້າທີ່ຈະມີການໃຫ້ບໍລິການ 5G, KT ໄດ້ປຸກລະດົມໃຫ້ບັນດາຫົວໜ້າບໍລິສັດ ຈົ່ງເພີ່ມທະວີການພົວພັນ ແລະ ສ້າງກຳລັງແຮງສັງລວມລະຫວ່າງໜ່ວຍງານຕ່າງໆທີ່ກ່ຽວຂ້ອງໃນການໃຫ້ບໍລິການ 5G.
