ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ

- Capture999 - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ
- Untitled design - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ

- Capture999 300x199 - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກລັດຖະບານໄດ້ມີຂໍ້ຫ້າມບໍ່ໃຫ້ບັນດາກະຊວງແລະອົງການຈັດຕັ້ງລັດນັນທັງສູນກາງຮອດທ້ອງຖິ່ນນໍາໃຊ້ງົບປະມານຂອງລັດ,​ ເງິນກອງທຶນແລະວິສາຫະກິດຂອງລັດເພື່ອຈັດຊື້ເຄື່ອງດື່ມທີ່ມີລາຄາແພງຈາກຕ່າງປະເທດ, ໂດຍສະເພາະແມ່ນເຫລົ້າສໍາລັບຮັບໃຊ້ງານລ້ຽງຫລືງານຕ້ອນຮັບແຂກ. ການຫ້າມຄືດັ່ງກ່າວ, ຖືເປັນມາດຕະການໜຶ່ງໃນປະຕິບັດນະໂຍບາຍປະຢັດແຫ່ງຊາດໃຫ້ມີປະສິດທິຜົນເຂັ້ມງວດ, ໂດຍໄດ້ມີການກໍານົດໃນຄໍາສັ່ງເລກທີ 09/ນຍລົງວັນທີ 19 ພຶດສະ ພາ 2017 ຂອງນາຍົກລັດຖະມົນຕີແຫ່ງສປປລາວວ່າດ້ວຍການປະຢັດລາຍຈ່າຍງົບປະມານ, ໂດຍລັດຖະບານເຫັນວ່າໃນໄລຍະຜ່ານມາງົບປະມານລັດຈໍານວນບໍ່ໜ້ອຍຖືກນໍາໃຊ້ແບບຟູມເຟືອຍໃນຂອດບໍລິຫານ, ຈັດຊື້ໃໝ່ ແລະອື່ນໆ, ແຕ່ຂາດປະສິດທິຜົນແລະບໍ່ສາມາດກວດສອບໄດ້.

ນອກນີ້ໃນຄໍາສັ່ງດັ່ງກ່າວຍັງລະບຸກ່ຽວກັບການນໍາໃຊ້ງົບປະມານເພື່ອຈັດກອງປະຊຸມ, ສໍາມະນາແລະຝຶກອົບຮົມຕ່າງໆ ແມ່ນໃຫ້ນໍາໃຊ້ສະຖານທີ່ປະຊຸມຂອງສໍານັກງານ-ອົງການຂອງຕົນເພື່ອຈໍາກັດການໄປເຊົ່າສະຖານທີ່ປະຊຸມໃນໂຮງແຮມທີ່ມີຄ່າໃຊ້ຈ່າຍສູງແລະໃຫ້ຈັດຕາມຄວາມຈໍາເປັນຂອງວຽກງານໂດຍໄດ້ຮັບອະນຸຍາດຈາກລັດຖະບານ, ເລືອກເຟັ້ນເປົ້າໝາຍຜູ້ເຂົ້າຮ່ວມ, ຄັດເລືອກສະເພາະຂະແໜງການທີ່ຕິດພັນກັບວຽກຕົວຈິງແລະໃຫ້ມີລັກສະນະປະຢັດງົບປະມານ, ການຕ້ອນຮັບແຂກພາຍໃນແລະຕ່າງປະເທດຕ້ອງປະຕິບັດລະບຽບຢ່າງເຄັ່ງຄັດ, ການຊື້ຂອງຂວັນໃຫ້ແຂກຕ້ອງນໍາໃຊ້ຜະລິດຕະພັນພາຍໃນເປັນຕົ້ນຕໍ.ສໍາລັບການໄປເຄື່ອນໄຫວທາງລັດຖະການຢູ່ພາຍໃນຫລືຕ່າງປະເທດຕ້ອງຢຸດເຊົາການຊື້ປີ້ຍົນແບບຊະຊາຍສີ້ນເປືອງງົບປະມານຫລວງຫລາຍ, ເຂດໃດຫລືປະເທດໃດທີ່ມີສາຍການບິນລາວໄປເຖິງແມ່ນໃຫ້ໃຊ້ສາຍການບີນລາວບົນພື້ນຖານລາຄາທີ່ຖືກກວ່າ, ພ້ອມນີ້ກໍໃຫ້ນໍາໃຊ້ເຄື່ອງຫ້ອງການ, ວັດຖຸ, ອຸປະກອນແລະເຟີນີເຈີທີ່ມີຢູ່ແລ້ວຢ່າງຄຸ້ມຄ່າແລະເກີດປະໂຫຍດສູງສຸດ, ໂດຍຈໍາກັດການຊື້ໃໝ່ທີ່ບໍ່ຈໍາເປັນ, ໃນກໍລະນີມີຄວາມຈໍາເປັນຊື້ໃໝ່ຕ້ອງນໍາໃຊ້ຜະລິດຕະພັນທີ່ຜະລິດຢູ່ພາຍໃນທີ່ມີຄຸນນະພາບໃນລາຄາເໝາະສົມ, ບໍ່ໃຫ້ເປັນປະເພດຫລູຫລາ, ຟູມເຟືອຍແລະມີລາຄາສູງແລະນັບແຕ່ປີ 2018 ເປັນຕົ້ນໄປແມ່ນໃຫ້ໂຈະຊົ່ວຄາວການຈັດຊື້ພາຫະນະໃໝ່ເພື່ອມາຮັບໃຊ້ບໍລິຫານລັດຈົນກວ່າລັດຖະບານຈະມີແຈ້ງການໃໝ່ອອກມາແລະໃຫ້ຈັດສັນພາຫະນະທີ່ມີຢູ່ແລ້ວຮັບໃຊ້ໃນວຽກງານລັດຖະການ.

- Wave100S AD to Website 2020 0 - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ
- WhatsApp Image 2020 05 27 at 5 - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ
- WhatsApp Image 2020 05 27 at 5 - ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ
error: Alert: ເນື້ອຫາຂ່າວມີລິຂະສິດ !!