ແມນຢູ ໂລ່ງ ! ຣີລ ມາດຣິດ ໄດ້ເປົ້າໝາຍໃໝ່ແທນ ເດເຄອາ

- advert banner 728 90 728x90 - ແມນຢູ ໂລ່ງ ! ຣີລ ມາດຣິດ ໄດ້ເປົ້າໝາຍໃໝ່ແທນ ເດເຄອາ

      ທີ​ມທອກ ສື່​ຂອງ​ອັງກິດ ​ເປີດ​ເຜີຍ​ຂ່າວ​ທີ່​ໜ້າ​ສົນ​ໃຈ​ວ່າ: ປັດຈຸບັນ ​ຣີລ ມາດຣິດ ບໍ່​ສົນ​ໃຈ ດາ​ບິດ ​ເດ ​ເຄອາ ມື​ກາວ ​ແມນ​ເຊັສ​ເຕີ ຢູ​ໄນ​ເຕັດ ອີກ​ຕໍ່​ໄປ ​ແລະ ຫັນ​ໄປ​​ໄລ່​ລ່າ ​ເກປາ ອາຣີຊາ​ບາ​ລາ​ກ້າ ຜູ້​ຮັກສາ​ປະຕູ ​ເຊ​ລຊີ ​ແທນ ​ໂດຍ​ພ້ອມ​ຈະ​ຍື່ນ​ເງິນ​ຄ່າ​ຕົວ​ໃຫ້ 50 ລ້ານ​ປອນ. ຂະນະ​ທີ່​ຜູ້​ບໍລິຫານ​ຂອງ ​ເຊ​ລຊີ ​ເລີ່​ມພິຈາລະນາ​ທີ່​ຈະ​ຂາຍ​ລາວ​ຄື​ກັນ.

- new3 - ແມນຢູ ໂລ່ງ ! ຣີລ ມາດຣິດ ໄດ້ເປົ້າໝາຍໃໝ່ແທນ ເດເຄອາ

     ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ​ວົງ​ການ ລາ ລີ​ກາ ສະ​ເປ​ນ ພ້ອມ​ຈະ​ຍື່ນ​ຂໍ້​ສະ​ເໜີ​ເປັນ​ເງິນ 50 ລ້ານ​ປອນ ​ເພື່ອ​ຂໍຊື້ ​ເກປາ ອາຣີຊາ​ບາ​ລາ​ກ້າ ຜູ້​ຮັກສາ​ປະຕູ ​ເຊ​ລຊີ ​ໄປ​ຮ່ວມ​ທັບ​ໃນ​ໜ້າ​ຮ້ອນ​ນີ້.

      ຣີລ ມາດຣິດ ຍັງ​ຕົກ​ເປັນ​ຂ່າວ​ກ່ຽວ​ກັບ​ການ​ເສີມ​ທັບ​ໃນ​ຕຳ​ແໜ່​ງຜູ້​ຮັກສາ​ປະຕູ​ຢູ່ ​ເຖິງ​ວ່າ​ພວກ​ເຂົາ​ຈະ​ມີ ​ເກ​ລໍ ນາ​ບາສ ກັບ ຕິ​ໂບ ກູ​ຕົວ ​ໃຫ້​ໃຊ້​ກໍ​ຕາມ ​ເຊິ່ງວ່າ​ກັນ​ວ່າ​ພວກ​ເຂົາ​ກັບ​ມາ​ໃຫ້​ຄວາມ​ສົນ​ໃຈ ດາ​ບິດ ​ເດ ​ເຄອາ ຜູ້​ຮັກສາ​ປະຕູ ​ແມນ​ເຊັສ​ເຕີ ຢູ​ໄນ​ເຕັດ ອີກ.

       ​ເຖິງ​ຢ່າງ​ໃດ​ກໍ​ຕາມ ຫລ້າ​ສຸດ ທີ​ມທອກ ລາຍ​ງານ​ວ່າ: ຣີລ ມາດຣິດ ຍົກ​ເລີກ​ແຜນ​​ລ່າ​ຕົວ ​ເດ ​ເຄອາ ​ຮຽບຮ້ອຍ​ແລ້ວ ​ເພາະ​ເບິ່ງ​ວ່າ​ຄ່າ​ຕົວ​ກັບ​ຄ່າ​ເມື່ອຍ​ຂອງ​ລາວ​ສູງ​ເກີນ​ໄປ ​ໂດຍ ​ແມນ​ເຊັສ​ເຕີ ຢູ​ໄນ​ເຕັດ ຕັ້ງຄ່າ​ຕົວ​ຂອງ​ລາວ​ໄວ້​ທີ່ 100 ລ້ານ​ປອນ, ຂະນະ​ທີ່ ຜູ້​ຮັກສາ​ປະຕູ​ຊາວ​ສະ​ເປ​ນກໍ​ຕ້ອງການ​ຄ່າ​ເມື່ອຍ​ອາທິດ​ລະ 400.000 ປອນ.

- lattana 1 - ແມນຢູ ໂລ່ງ ! ຣີລ ມາດຣິດ ໄດ້ເປົ້າໝາຍໃໝ່ແທນ ເດເຄອາ

       ຈາກ​ເລື່ອງ​ດັ່ງກ່າວ ​ເຮັດ​ໃຫ້​ຕອນ​ນີ້ ຣີລ ມາດຣິດ ຫັນ​ໄປ​ສົນ​ໃຈ ອາຣີຊາ​ບາ​ລາ​ກ້າ ​ແທນ ຫລັງ​ຈາກ​ອະນາຄົດ​ຂອງ​ລາວ​ກັບ ​ເຊ​ລຊີ ບໍ່​ໝັ້ນຄົງ​ຈາກ​ການ​ທີ່​ລາວ​ເຄີຍ​ບໍ່​ຍອມ​ຍ່າງ​ອອກ​ຈາກ​ສະໜາມ ທັງ​ທີ່ ​ເມົາຣິຊິ​ໂອ ຊາຣີ ​ເຄີຍ​ສັ່ງ​ປ່ຽນ​ຕົວ​ລາວ ​ໃນ​ເກ​ມ ຄາ​ລາ​ບາ​ວ ຄັບ ນັດ​ຊີງ​ຊະນະ​ເລີດ ​ໂດຍ ທີ​ມທອກ ລາຍ​ງານ​ອີກ​ວ່າ: ຜູ້​ບໍລິຫານ​ຂອງ ​ເຊ​ລຊີ ພ້ອມ​ຈະ​ຮັບ​ຟັງ​ທຸກ​ຂໍ້​ສະ​ເໜີ​ທີ່​ຂໍຊື້ອະດີດມື​ກາວ ​ແອດ​ເລ​ຕິກ ບິ​ລ​ເບົາ ນຳ​ອີກ ຖ້າ​ໄດ້​ເງິນ​ທີ່​ສົມນ້ຳສົມ​ເນື້ອ.

       ​ເຖິງ​ຢ່າງ​ໃດ​ກໍ​ຕາມ, ຖ້າ ​ເຊ​ລຊີ ຍອມ​ຂາຍ​ໃນ​ລາຄາ 50 ລ້ານ​ປອນ​ແທ້ ຈະ​ຖື​ວ່າ​ພວກ​ເຂົາ​ຂາດທຶນ​ຫລາຍ​ສົມຄວນ ຫລັງ​ຈາກ​ຍອດ​ທີ​ມ​ແຫ່ງ​ຖິ່ນ ສະ​ແຕມ​ຟອດ ບຣິດ ຈ່າຍ​ໄປ 72 ລ້ານ​ປອນ ​ເພື່ອ​ດຶງ ອາຣີຊາ​ບາ​ລາ​ກ້າ ມາ​ເຝົ້າປະຕູ​ແທນ ກູ​ຕົວ ​ໃນ​ປີ​ກ່ອນ.

error: Content is protected !!