ກັນຍາ ແກ້ວມະນີ ຍິງລາວຄົນທຳອິດ ຖືກເລືອກໃຫ້ເປັນ ຄະນະກຳມະການລະດັບສູງບານເຕະຍິງອາຊີ

- advert banner 728 90 728x90 - ກັນຍາ ແກ້ວມະນີ ຍິງລາວຄົນທຳອິດ ຖືກເລືອກໃຫ້ເປັນ ຄະນະກຳມະການລະດັບສູງບານເຕະຍິງອາຊີ

       ​ໃນວັນ​ທີ 6 ​ເມສາ​ນີ້, ກອງ​ປະຊຸມ​ໃຫຍ່ ຄັ້ງທີ 29 ຂອງ​ສະຫະພັນ​ບານ​ເຕະ​ອາຊີ ຫລື AFC ຢູ່​ສຳນັກງານ​ໃຫຍ່ AFC ​ເຊິ່ງຕັ້ງຢູ່​ນະຄອນ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໄດ້​ປະກາດ​ຜົນ​ເລືອກ​ຕັ້ງຄະນະ​ກຳມະການ​ລະດັບ​ສູງ​ຂອງ​ສະຫະພັນ​ບານ​ເຕະ​ອາຊີ​ຫລາຍ​ຕຳ​ແໜ່​ງ ​ເປັນຕົ້ນປະທານ​ສະຫະພັນ​ບານ​ເຕະ​ອາຊີ ຄວບ​ຕຳ​ແໜ່​ງຮອງ​ປະທານ​ສະຫະພັນ​ບານ​ເຕະ​ນາໆ​ຊາດ ຫລື FIFA.

- lattana 1 - ກັນຍາ ແກ້ວມະນີ ຍິງລາວຄົນທຳອິດ ຖືກເລືອກໃຫ້ເປັນ ຄະນະກຳມະການລະດັບສູງບານເຕະຍິງອາຊີ

       ​ແຕ່​ບັນຫາ​ທີ່​ໜ້າ​ສົນ​ໃຈ​ຄື: ການ​ເລືອກ​ຕັ້ງຄະນະ​ກຳມະການ​ລະດັບ​ສູງ​ຂອງ​ບານ​ເຕະ​ຍິງ​ອາຊີ (AFC Female Executive Committee Members) ມີ​ແມ​່ຍິງ 1 ດຽວ​ຈາກ ສປປ ລາວ ກໍ​ຄື​ນາງ ກັນຍາ ​ແກ້ວມະນີ ​ເລຂາທິການ​ສະຫະພັນ​ບານ​ເຕະ​ແຫ່ງ​ຊາດ​ລາວ ຖືກ​ເລືອກ​ໃຫ້​ເປັນ 4 ຄະນະ​ກຳມະການ​ລະດັບ​ສູງ​ຂອງ​ບານ​ເຕະ​ຍິງ​ທະວີບອາຊີ​ຊຸດ​ນີ້ ວາລະ​ການ​ດຳລົງ​ຕຳ​ແໜ່​ງປີ 2019-2023 ກາຍ​ເປັນ​ແມ່ຍິງ​ລາວ​ຄົນ​ທຳ​ອິດ​ກ້າວ​ສູ່​ຕຳ​ແໜ່​ງນີ້ ​ໂດຍ​ນາງ ກັນຍາ ​ແກ້ວມະນີ ຮັບ​ໜ້າ​ທີ່​ເປັນ​ຕົວ​ແທນ​ຂອງ​ພາກພື້ນອາ​ຊຽນ, ສ່ວນ​ອີກ 3 ທ່ານ​ເປັນ​ຕົວ​ແທນ​ຂອງ​ອາຊີ​ຕາ​ເວັນ​ຕົກ, ອາຊີ​ຕາ​ເວັນ​ອອກ ​ແລະ ອາ​ຊີ​ໃຕ້.

      ສ່ວນ​ສະມາຊິກ​ສະພາ FAFI ຕົວ​ແທນ​ຈາກ​ອາຊີ 6 ທ່ານ​ມາ​ຈາກ ສປ ຈີນ, ອິນ​ເດຍ, ຍີ່ປຸ່ນ, ຟີ​ລິບ​ປິນ, ກາ​ຕ້າ ​ແລະ ບັງ​ກະລາ​ເດດ. ຂະນະ​ທີ່ ຮອງ​ປະທານ​ສະຫະພັນ​ບານ​ເຕະ​ອາຊີ 5 ພາກພື້ນ (ອາຊີ​ຕາ​ເວັນ​ຕົກ, ຕາ​ເວັນ​ອອກ, ອາຊີ​ກາງ, ອາຊີ​ໃຕ້ ​ແລະ ອາ​ຊຽນ) ປະກອບ​ມີ: ກາ​ຕ້າ, ອີຣານ, ປາ​ກິດ​ສະຖານ, ມຽນມາ ​ແລະ ມົງ​ໂກ​ລີ. ດ້ານ​ຄະນະ​ກຳມະການ​ລະດັບ​ສູງ​ຂອງ AFC (AFC Executive Committee) ປະກອບ​ມີ 10 ທ່ານ​ຈາກ 5 ພາກພື້ນ (ອາຊີ​ຕາ​ເວັນ​ຕົກ, ຕາ​ເວັນ​ອອກ, ອາຊີ​ກາງ, ອາຊີ​ໃຕ້ ​ແລະ ອາ​ຊຽນ) ສະ​ເພາະ​ອາ​ຊຽນ 3 ທ່ານ: ມາ​ເລ​ເຊຍ, ຫວຽດນາມ ​ແລະ ອົດ​ສະຕຣາລີ (ມາ​ຮ່ວມ​ໃນ​ເຂດ​ອາ​ຊຽນ).

- 1 1 - ກັນຍາ ແກ້ວມະນີ ຍິງລາວຄົນທຳອິດ ຖືກເລືອກໃຫ້ເປັນ ຄະນະກຳມະການລະດັບສູງບານເຕະຍິງອາຊີ