ການບັງຄັບໃຊ້ກົດໝາຍສັດນ້ຳ-ສັດປ່າແມ່ນຄວາມຈໍາເປັນຮີບດ່ວນ

- advert banner 728 90 728x90 - ການບັງຄັບໃຊ້ກົດໝາຍສັດນ້ຳ-ສັດປ່າແມ່ນຄວາມຈໍາເປັນຮີບດ່ວນ

ການສະຫລຸບລາຍງານຄວາມຄືບໜ້າໂຄງການສ້າງຄວາມເຂັ້ມແຂງໃນການບັງຄັບໃຊ້ກົດໝາຍສັດນ້ຳ-ສັດປ່າ ໄດ້ຈັດຂຶ້ນໃນວັນທີ 5 ເມສານີ້ທີ່ແຂວງຄຳມ່ວນ, ໂດຍການເປັນປະທານຂອງທ່ານຫົວໜ້າພະແນກກະສິກໍາ ແລະ ປ່າໄມ້ແຂວງ, ມີກອງກວດກາປ່າໄມ້ແຂວງຄຳມ່ວນ, ບໍລິຄຳໄຊ, ຫົວພັນ ແລະ ຜູ້ ຕາງໜ້າກອງທຶນປົກປັກຮັກສາສິ່ງແວດລ້ອມເຂົ້າຮ່ວມນໍາດ້ວຍ.

- new3 - ການບັງຄັບໃຊ້ກົດໝາຍສັດນ້ຳ-ສັດປ່າແມ່ນຄວາມຈໍາເປັນຮີບດ່ວນ

   ໃນກອງປະຊຸມຫົວໜ້າກອງກວດກາປ່າໄມ້ແຂວງຄຳມ່ວນ ໄດ້ຍົກໃຫ້ເຫັນ ວ່າ: ໂຄງການສ້າງຄວາມເຂັ້ມແຂງໃນການບັງຄັບໃຊ້ກົດໝາຍສັດນ້ຳ-ສັດປ່າແຂວງຄຳມ່ວນ ແມ່ນໄດ້ເລີ່ມຈັດຕັ້ງປະຕິບັດແຕ່ປີ 2015 ຜ່ານມາ ລວມມີງົບປະມານທັງໝົດ 444.620 ໂດລາສະຫະລັດ ແລະ ຈະສິ້ນສຸດລົງໃນປີ 2020. ສະເພາະປີ 2018 ຜ່ານມານີ້, ແມ່ນໄດ້ເຄື່ອນໄຫວຕິດຕາມ ແລະ ສ້າງບັນຊີເຄືອຂ່າຍຜູ້ລັກລອບຊື້-ຂາຍສັດນ້ຳ ແລະ ສັດປ່າໄດ້ 6 ບັນຊີ, ມີ 75ເປົ້າໝາຍ, ກວດກາຟາມລ້ຽງສັດປ່າຢູ່ແຂວງຕ່າງໆ, ຕິດຕາມ, ກວດກາ ແລະ ດຳເນີນຄະດີຜູ້ບຸກລຸກລັກລອບເຂົ້າເຂດປ່າສະຫງວນລ່າເນື້ອມີ 9 ເລື່ອງ, ມີຜູ້ຖືກຫາ 12 ຄົນ, ໃນນັ້ນ ມີຄົນຕ່າງດ້າວ 9 ຄົນ ແລະ ອຸປະກອນລ່າສັດອີກຈຳນວນໜຶ່ງ, ຢຶດສັດປ່າໄດ້ 784 ໂຕ ລວມນ້ຳໜັກ 952 ກິໂລ, ສ້າງຕັ້ງເຄືອຂ່າຍບັງຄັບໃຊ້ກົດໝາຍສັດນ້ຳ-ສັດປ່າຂັ້ນເມືອງໄດ້ 10 ຕົວເມືອງ, ລົງກວດກາ ແລະ ອອກໃບຢັ້ງຢືນ ເພື່ອຕິຕາມຟາມ ແລະ ບຸກຄົນທີ່ນຳສັດປ່າມາລ້ຽງປະເພດເສືອໂຄ່ງ, ເສືອດາວ, ໝີຄວາຍ, ສິງ, ກວາງ, ກວາງດາວ, ຟານ, ນົກຍຸງ, ນົກກົກຄໍເອີມ, ໄກ່ຂວາ, ນົກສາລີກາ ແລະ ໝູປ່າ, ລົງເຜີຍແຜ່ລະບຽບກົດໝາຍໃຫ້ແກ່ປະຊາຊົນໄດ້ 9 ຄັ້ງ ມີຜູ້ເຂົ້າຮ່ວມ 700 ກວ່າຄົນ.

   ໃນໂອກາດດັ່ງກ່າວຍັງໄດ້ຮັບຟັງການລາຍງານຄວາມຄືບໜ້າໂຄງການສ້າງຄວາມເຂັ້ມແຂງໃນການບັງຄັບໃຊ້ກົດໝາຍສັດນ້ຳ-ສັດປ່າຂອງແຂວງບໍລິຄຳໄຊ ແລະ ແຂວງຫົວພັນ, ຊຶ່ງແມ່ນຄວາມຈໍາເປັນຍິ່ງທີ່ຈະຕ້ອງໄດ້ມີມາດຕະການປະຕິບັດກົດໝາຍດັ່ງກ່າວມີຜົນສັກສິດ.

- lattana 1 - ການບັງຄັບໃຊ້ກົດໝາຍສັດນ້ຳ-ສັດປ່າແມ່ນຄວາມຈໍາເປັນຮີບດ່ວນ
error: Content is protected !!