ອິນໂດເນເຊຍ-ມາເລເຊຍ ຄັດຄ້ານ EU ຖອດນ້ຳມັນປາມຈາກເຊື້ອໄຟໝູນວຽນ

- advert banner 728 90 728x90 - ອິນໂດເນເຊຍ-ມາເລເຊຍ ຄັດຄ້ານ EU ຖອດນ້ຳມັນປາມຈາກເຊື້ອໄຟໝູນວຽນ

      ປະທານາທິບໍດີ ​ໂຈ​ໂກ ວິ​ໂດ​ໂດ ​ແຫ່ງ​ອິນ​ໂດ​ເນ​ເຊຍ ​ແລະ ທ່ານ ມະຫາ​ເທ ​ໂມ​ຮຳ​ໝັດ ນາຍົກລັດຖະມົນຕີມາ​ເລ​ເຊຍ ​ໄດ້​ລົງ​ນາມ​ໃນ​ຈົດໝາຍ​ຮ່ວມ​ກັນ ​ເພື່ອ​ປະຕິ​ເສດ​ແຜນ​ຂອງ​ສະຫະພາບ​ເອີຣົບ (EU) ທີ່​ຕ້ອງການ​ຈະ​ກຳນົດ​ໃຫ້​ນ້ຳມັນ​ຟາ​ມດິບ​ບໍ່​ຢູ່​ໃນ​ລາຍການ​ວັດຖຸ​ດິບ​ສຳລັບ​ເຊື້ອ​ໄຟ​ຊີວະ​ພາບ.

- new3 - ອິນໂດເນເຊຍ-ມາເລເຊຍ ຄັດຄ້ານ EU ຖອດນ້ຳມັນປາມຈາກເຊື້ອໄຟໝູນວຽນ

      ສຳນັກ​ຂ່າວ​ຊິນ​ຮົວລາຍ​ງານ​ວ່າ: ການ​ເຄື່ອນ​ໄຫວ​ດັ່ງກ່າວ​ເກີດ​ຂຶ້ນຫລັງ​ຈາກ​ຄະນະ​ກຳມາ​ທິການ​ເອີຣົບ​ໄດ້​ຜ່ານ​ກົດໝາຍ​ທີ່​ກຳນົດ​ໃຫ້​ນ້ຳມັນປາ​ມດິບ​ບໍ່​ແມ່ນ​ຜະລິດ​ຕະພັນ​ທີ່​ຍືນ​ຍົງ ​ເຊິ່ງຈະ​ເຮັດ​ໃຫ້​ມີ​ການ​ຍົກ​ເວັ້ນນ້ຳມັນປາ​ມດິບ​ຈາກ​ລາຍການ​ວັດຖຸ​ດິບ​ທີ່​ໃຊ້​ກັບ​ເຊື້ອ​ໄຟ​ສຳລັບ​ການ​ຂົນ​ສົ່ງ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ ​ໂດຍ​ກົດໝາຍ​ສະບັບ​ນີ້​ຈະ​ຖືກ​ສົ່ງ​ໃຫ້​ລັດຖະສະພາ​ເອີຣົບພິຈາລະນາ ​ແລະ ຕັດສິນ​ພາຍ​ໃນ​ໄລຍະ​ເວລາ 2 ​ເດືອນ​ວ່າ: ຈະ​ມີ​ການ​ບັງຄັບ​ໃຊ້​ກົດໝາຍ​ນີ້ ຫລື ບໍ່ ພາຍ​ໃນ​ປີ 2020.

      ລັດຖະມົນຕີ​ຝ່າຍ​ປະສານ​ງານ​ກິດຈະການ​ທາງນ້ຳຂອງ​ອິນ​ໂດ​ເນ​ເຊຍ ກ່າວ​ວ່າ: ​ໃນ​ວັນ​ທີ 8 ​ເມສາ, ປະທານາທິບໍດີ ​ໄດ້​ລົງ​ນາມ​ໃນ​ຈົດໝາຍ​ ​ເພື່ອ​ຄັດຄ້ານ​ຮ່ວມ​ກັນ​ກັບ​ນາຍົກລັດຖະມົນຕີ ມະຫາ​ເທ ກ່ຽວ​ກັບ​ການ​ປະຕິ​ເສດ​ແຜນ​ຂອງ EU ​ໃນ​ການ​ສັ່ງ​ຫ້າມ​ຜະລິດ​ຕະພັນ​ນ້ຳມັນປາ​ມດິບ​ທົ່ວ​ໂລກ ​ແລະ ຈົດໝາຍ​ດັ່ງກ່າວ​ໄດ້​ຖືກ​ສົ່ງ​ໄປ EU ​ແລ້ວ​ໃນ​ທ້າຍ​ອາທິດ​ຜ່ານ​ມາ.

- lattana 1 - ອິນໂດເນເຊຍ-ມາເລເຊຍ ຄັດຄ້ານ EU ຖອດນ້ຳມັນປາມຈາກເຊື້ອໄຟໝູນວຽນ
error: Content is protected !!