ການຊື້ສຽງຍັງເປັນບັນຫາໃຫຍ່ ເລືອກຕັ້ງຢູ່ອິນໂດເນເຊຍ

- advert banner 728 90 728x90 - ການຊື້ສຽງຍັງເປັນບັນຫາໃຫຍ່ ເລືອກຕັ້ງຢູ່ອິນໂດເນເຊຍ

       ຫລາຍ​ຝ່າຍ​ຍອມຮັບ​ວ່າ: ການ​ຊື້ສຽງ​ຍັງ​ຄົ​ງ​ເປັນ​ບັນຫາ​ໃຫຍ່​ຂອງ​ການ​ເລືອກ​ຕັ້ງຢູ່​ອິນ​ໂດ​ເນ​ເຊຍ​ທີ່​ຈະ​ມີ​ຂຶ້ນ​ໃນ​ວັນ​ທີ 17 ​ເມສາ​ນີ້, ຫລ້າ​ສຸດ​ມີ​ສະມາຊິກ​ສະພາ​ທ່ານ​ໜຶ່ງ​ຖືກ​ຈັບ ພ້ອມ​ຊອງ​ຈຳນວນ​ຫລາຍ​ທີ່​ໃສ່​ເງິນ​ລວມ 8.000 ລ້ານຣູ​ເປຍ (ສະກຸນ​ເງິນ​ອິນ​ໂດ​ເນ​ເຊຍ).

- new3 - ການຊື້ສຽງຍັງເປັນບັນຫາໃຫຍ່ ເລືອກຕັ້ງຢູ່ອິນໂດເນເຊຍ

      ນັກວິ​ໄຈ​ຂອງ​ກຸ່ມ​ຕິດຕາມ​ການ​ທຸ​ຈະລິດ​ອິນ​ໂດ​ເນ​ເຊຍ (Indonesia Corruption Watch) ກ່າວ​ເຖິງ​ຄະດີ​ຂອງ​ທ່ານ ​ໂບ​ໂວ ວິ​ດິກ ປັງ​ກາ​ໂຊ ສະມາຊິກ​ສະພາ​ ທີ່​ຖືກ​ຄວບ​ຄຸມ​ໃນ​ເດືອນ​ກ່ອນ ຂໍ້​ຫາສໍ້​ໂກງ​ເງິນ​ບໍລິສັດ​ປຸ໋ຍ ​ແລະ ​ເຈົ້າໜ້າ​ທີ່​ພົບ​ກ່ອງ​ຈຳນວນ​ຫລາຍ​ບັນຈຸ​ຊອງ​ໃສ່​ເງິນ​ວ່າ: ​ເປັນ​ສິ່ງ​ຢືນຢັນ​ວ່າການ​ເມືອງ ​ແລະ ການ​ທຸ​ຈະລິດ​ຍັງ​ມີ​ການ​ກ່ຽວ​ພັນ​ຢ່າງ​ໃກ້ຊິດ, ຜູ້​ສະໝັກທຸ​ຈະລິດ​ຕ້ອງ​ຢາຍ​ເງິນ​ໃຫ້​ຫລາຍ​ທີ່​ສຸດ​ເທົ່າ​ທີ່​ເຮັດ​ໄດ້​ຫວັງ​ຊື້ສຽງ​ປະຊາຊົນ ​ໂດຍ​ມັກ​ເຮັດ​ໃນ​ຄືນ​ກ່ອນ​ວັນ​​ເລືອກ​ຕັ້ງ ຫວັງ​ປ່ຽນ​ໃຈ​ຄົນ​ຮັບ​ເງິນ​ໃຫ້​ລົງ​ຄະ​ແນນ​ໃຫ້. ຜູ້​ສະໝັກ​ບໍ່​ມີ​ຊື່​ສຽງ ​ແລະ ຜູ້​ສະໝັກ​ເຈົ້າຂອງ​ພື້ນທີ່​ເກົ່າ​ທີ່​ບໍ່​ຄ່ອຍ​ພົບ​ປະ​ປະຊາຊົນ​ມັກ​ໃຊ້​ວິທີ​ຊື້ສຽງ​ຫລາຍ​ກວ່າ​ປະຊາສຳພັນ​ຕົນ​ເອງ. ຂະນະ​ທີ່ ປະຊາຊົນ​ເບິ່ງ​ວ່າ: ​ເປັນ​ໂອກາດ​ດຽວ​ທີ່​ຈະ​ໄດ້​ເງິນ ຫລື ​ສິ່ງ​ຂອງ ​ເພາະ​ຫລັງ​ວັນ​ເລືອກ​ຕັ້ງຜູ້​ສະໝັກ​ເຫລົ່າ​ນີ້​ຈະ​ບໍ່​ມາ​ໃຫ້​ເຫັນ​ໜ້າ​ອີກ.

       ສະມາຊິກ​ສະພາ​ໄວ 37 ປີ​ທ່ານ​ໜ່ຶງ​ເປີດ​ເຜີຍ​ວ່າ: ພົບ​ເຫັນ​ເລື່ອງ​ນີ້​ກັບ​ຕົນ​ເອງ​ເມື່ອ​ຕອນ​ລົງ​ເລືອກ​ຕັ້ງຄັ້ງທຳ​ອິດ​ໃນ​ປີ 2014 ປະຊາຊົນ​ຫລາຍ​ຄົນ​ຖາມ​ທ່ານ​ແບບ​ຕົງໆ​ວ່າ: ຈະ​ໃຫ້​ເງິນ​ເທົ່​າ​ໃດ ກະທັ້ງຄອບຄົວ​ນັກການ​ເມືອງ​ຍັງ​ຮຽກ​ຮັບ​ເງິນ​ນຳ​ອີກ ກາຍ​ເປັນ​ສັງຄົມ​ທີ່​ເຮັດ​ຫຍັງ​ຕ້ອງ​ໄດ້​ສິ່ງ​ຕອບ​ແທນ. ມີ​ການ​ຕີ​ລາຄາ​ວ່າ: ການ​ເລືອກ​ຕັ້ງຄັ້ງກ່ອນ ຜູ້​ມີ​ສິດ​ເລືອກ​ຕັ້ງ​ເຖິງ 1 ​ໃນ 3 ຖືກ​ຄົນ​ຂໍຊື້ສຽງ, ຜູ້​ສະໝັກ​ບາງ​ຄົນ​ອ້າງ​ວ່າ​ໃຫ້​ເງິນ​ເພື່ອ​ໃຫ້​ຜູ້​ທີ່​ເປັນ​ຖານ​ສຽງ​ຢູ່​ແລ້ວ​ອອກ​ໄປ​ໃຊ້​ສິດ​ເທົ່າ​ນັ້ນ, ບາງ​ຄົນ​ຍອມຮັບ​ວ່າ: ຈ້າງ​ນາຍ​ໜ້າ​ອິດສະຫລະ​ໄປ​ຊື້ສຽງ​ແກນ​ນຳ​ຖານ​ສຽງ​ຄູ່​ແຂ່ງ​ທີ່​ພ້ອມ​ລົງ​ຄະ​ແນນ​ໃຫ້​ໃຜ​ກໍ​ໄດ້​ທີ່​ຈ່າຍ​ສູງ​ກວ່າ.

- lattana 1 - ການຊື້ສຽງຍັງເປັນບັນຫາໃຫຍ່ ເລືອກຕັ້ງຢູ່ອິນໂດເນເຊຍ

      ການ​ເລືອກ​ຕັ້ງວັນ​ທີ 17 ​ເມສາ​ນີ້ ​ເປັນຄັ້ງທຳ​ອິດ​ໃນ​ປະຫວັດສາດ​ອິນ​ໂດ​ເນ​ເຊຍ​ທີ່​ຈະ​ມີ​ການ​ເລືອກ​ຕັ້ງປະທານາທິບໍດີ​, ຮອງ​ປະທານາທິບໍດີ ​ແລະ ສະມາຊິກ​ສະພາ​ທີ່​ປຶກສາ​ປະຊາຊົນ ​ເຊິ່ງປະກອບ​ມີ​ສະພາ​ຜູ້​ແທນ​ລາຊະ​ດອນ ​ແລະ ສະພາ​ຜູ້​ແທນ​ທ້ອງ​ຖິ່ນ ພ້ອມ​ກັນ, ມີ​ຜູ້​ມີ​ສິດ​ເລືອກ​ຕັ້ງ 192 ລ້ານ​ຄົນ​ຈາກ​ປະຊາກອນ​ທົ່ວ​ປະ​ເທດ​ເກືອບ 269 ລ້ານ​ຄົນ ​ແລະ ມີ​ຜູ້​ສະໝັກ​ຮັບ​ເລືອກ​ຕັ້ງສູງ​ເປັນ​ປະຫວັດສາດ​ເຖິງ 245.000 ຄົນ.

error: Content is protected !!