ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ

- advert banner 728 90 728x90 - ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ

ໂດຍ: ທິດກ່ຳ

- lattana 1 - ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ

ປີ ພສ 2562 ກໍຈະກ້າວເຂົ້າມາເຖິງແລ້ວ, ຕາມກົດເກນວັດຕະຈັກໃນປີໜ້າກໍຄືປີຕໍ່ໆໄປ ພວກເຮົາ ຍິ່ງຈະມີຜົນງານ ແລະ ໄຊຊະນະຢ່າງຫລວງ ແລະ ຍິ່ງໃຫຍ່ໄພສານ, ປະເທດລາວເຮົາກໍຈະໄດ້ພົ້ນທຸກກາຍເປັນປະເທດ ທີ່ມີຄວາມສະຫງົບສຸກ, ຮົ່ມເຢັນ, ມັ່ງຄັ່ງ ແລະ ເຕັມໄປດ້ວຍອະລິຍະທຳ ດັ່ງທີ່ໄດ້ກ່າວຂານເອົາໄວ້ໃນພື້ນແຜ່ນຕຳນານ.

ຕະຫລອດ 30 ກວ່າປີທີ່ ໄດ້ມີການຕໍ່ສູ້ເພື່ອປົດປ່ອຍປະເທດຊາດ ແລະ 40 ກວ່າ ປີທີ່ໄດ້ປົກປັກຮັກສາພັດທະ ນາປະເທດຊາດໄດ້ເຮັດໃຫ້ ບ້ານ ເມືອງເຮົາມີການປ່ຽນແປງ ແລະ ພວມກ້າວເດີນໄປບົນເສັ້ນທາງອັນສະຫງ່າ ງາມແຫ່ງຍຸກສະໄໝ.

ອັນສຳຄັນທີ່ສຸດໃນຍຸກ ປັດຈຸບັນແມ່ນປະເທດເຮົາໄດ້ເຊື່ອມໂຍງເປັນພາຄີເກືອບທຸກອົງການຈັດຕັ້ງທີ່ ກ້າວໜ້າ ແລະ ມີສາຍພົວພັນທາງການທູດກັບ 100 ກວ່າປະເທດໃນໂລກ.

ໄລຍະ 40 ກວ່າປີ ຜ່ານມາ ອັນເປັນໄລຍະປົກປັກ ຮັກສາ ແລະ ສ້າງສາປະເທດ ຊາດພາຍໃຕ້ການນຳພາ ຂອງພັກ ແລະ ລັດຖະບານ ເຫັນໄດ້ວ່າປະເທດຊາດເຮົາ ມີການພັດທະນາໄປຢ່າງກ້າວກະໂດດຂັ້ນ ຖ້າທຽບໃສ່ ໄລຍະປະຫວັດສາດນັບແຕ່ ສັດຕະວັດທີ 18 ເປັນຕົ້ນມາ, ສະພາບປັດຈຸບັນເຫັນວ່າ ຄວາມເປັນສະເຖຍລະພາບ ທາງດ້ານການເມືອງກໍນັບ ມື້ໜັກແໜ້ນໝັ້ນຄົງ. ອັດຕາການເຕີບໃຫຍ່ທາງດ້ານ ເສດຖະກິດສະເລ່ຍ 6-7% ຕໍ່ປີ, ສັງຄົມກໍນັບມື້ມີຄວາມ ຈະເລີນຮຸ່ງເຮືອງ, ອັນທີ່ພິເສດ ສະຖາປັດຕະຍະກຳອັນເກົ່າແກ່, ຮີດຄອງປະເພນີ, ວັດທະນະທຳອັນດີງາມ  ຂອງຊາດ ແລະ ຂອງປະຊາຊົນບັນດາເຜົ່າກໍນັບມື້ມີການປັບປຸງ ແລະ ກໍ່ສ້າງຂຶ້ນໃໝ່ຢ່າງເຫັນກັບຕາ. ຂົງ ເຂດປ້ອງກັນຊາດ-ປ້ອງກັນຄວາມສະຫງົບ ກໍນັບມື້ເຂັ້ມ ແຂງທາງດ້ານປະລິມານ ແລະ ຄຸນນະພາບ, ຊີວິດການ ເປັນຢູ່ຂອງປະຊາຊົນບັນດາ ເຜົ່າກໍນັບມື້ດີຂຶ້ນເທື່ອລະກ້າວ. ອັດຕາສະເລ່ຍຍອດ ຜະລິດຕະພັນຕໍ່ຫົວຄົນແມ່ນ 2.500 ໂດລາຂຶ້ນເມືອ.

ການສ້າງສາພັດທະນາພື້ນຖານໂຄງລ່າງນັບແຕ່ຕົວ ເມືອງຫາຊົນນະບົດກໍນັບ ມື້ຂະຫຍາຍຕົວ ແລະ ຕິດ ຈອດກັນໃນທຸກທ້ອງຖິ່ນທົ່ວປະເທດ, ຈຳນວນບ້ານ ແລະ ຄອບຄົວທຸກຍາກກໍນັບມື້ຫລຸດລົງຢ່າງໜ້າເພິ່ງພໍໃຈ.

ທັງໝົດທີ່ໄດ້ກ້າວມານີ້, ແມ່ນຜົນງານລວມຍອດໃນໄລຍະ 40 ກວ່າປີທີ່ເຮົາສາມາດເຮັດໄດ້, ສິ່ງດັ່ງກ່າວ ເປັນໄຊຊະນະອັນໃຫຍ່ຫລວງທີ່ບໍ່ເຄີຍມີມາໃນຍຸກປະຫວັດສາດຂອງຊາດໃນໄລຍະສາມສີ່ຮ້ອຍປີຜ່ານມາ.

- Tiger Head 728x90 - ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ
- 1 1 - ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ

ແຕ່ຄຽງຄູ່ກັນນັ້ນ, ເຖິງ ວ່າພວກເຮົາມີຜົນງານ ແລະ ໄຊຊະນະອັນໃຫຍ່ຫລວງ ຫລາຍດ້ານແຕ່ກໍຍັງມີຫລາຍ ອັນຫລາຍຂອດ ແລະ ຫລາຍຂົງເຂດທີ່ພວກເຮົາຕ້ອງໄດ້ປັບປຸງແກ້ໄຂ ເປັນຕົ້ນບັນຫາການສໍ້ລາດບັງຫລວງ, ບັນຫາການສ້າງບຸກຄະລາກອນໃຫ້ມີຄຸນນະພາບທຽມທັນກັບໂລກ, ການແກ້ໄຂຂອດ ຂັ້ນສິ່ງກົດໜ່ວງຖ່ວງດຶງຄວາມຈະເລີນຂອງຊາດ  ແລະ ບັນຫາປາກົດການຫຍໍ້ທໍ້ ໃນສັງຄົມອື່ນໆ.

ອີກບໍ່ດົນການສ້າງທາງລົດໄຟລາວ-ຈີນ ກໍຈະສຳເລັດ ໃນປີ 2025-2030  ໂຄງການກໍ່ສ້າງເຂື່ອນໄຟຟ້າຫລາຍແຫ່ງຈະກາຍເປັນທ່າແຮງອັນໃຫຍ່ຫລວງຂອງຊາດ, ບັນດາໂຄງການພັດທະນາດ້ານອື່ນໆ ກໍຈະເດີນກ້າວໜ້າ ແລະ ຊີວິດການ  ເປັນ ຢູ່ຂອງປະຊາຊົນບັນດາ ເຜົ່າກໍນັບມື້ດີຂຶ້ນ ເວລານັ້ນ ລະປະເທດຊາດບ້ານເມືອງ ເຮົາກໍຈະໄດ້ພົ້ນທຸກ. ປີເກົ່າ ພວກເຮົາມີຜົນງານອັນໃຫຍ່ຫລວງ, ປີໃໝ່ຍາດເອົາໄຊຊະນະໃໝ່ໃຫ້ຍິ່ງໃຫຍ່ກວ່າ ເກົ່າ.

- 96587 - ປີໃໝ່ຍາດເອົາໄຊຊະນະໃໝ່ຍິ່ງໃຫຍ່ກວ່າເກົ່າ
(ພາບປະກອບ)