ກະຊວງ​ການ​ຕ່າງປະ​ເທດ ລາວ-ເຢຍລະມັນ ຮ່ວມ​ຫາລື​ສອງ​ຝ່າຍ​ເປັນຄັ້ງປະຖົມ​ມະ​ລືກ

- advert banner 728 90 728x90 - ກະຊວງ​ການ​ຕ່າງປະ​ເທດ ລາວ-ເຢຍລະມັນ ຮ່ວມ​ຫາລື​ສອງ​ຝ່າຍ​ເປັນຄັ້ງປະຖົມ​ມະ​ລືກ

ກອງປະຊຸມປຶກສາຫາລືສອງຝ່າຍ ລະຫວ່າງ ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ສສ ເຢຍລະມັນ ຄັ້ງປະຖົມມະລື ​ໄດ້​ໄຂ​ຂຶ້ນ​ໃນ​ວັນ​ທີ 5 ​ເມສາ​ນີ້ ທີ່​ນະຄອນຫລວງ​ວຽງ​ຈັນ ໃນລະດັບຫົວໜ້າກົມ ​ເພື່ອເປັນການຜັນຂະຫຍາຍຜົນການຢ້ຽມຢາມເຢຍລະມັນຢ່າງເປັນທາງການຄັ້ງປະຫວັດສາດຂອງທ່ານນາຍົກລັດຖະມົນຕີທອງ​ລຸນ ສີ​ສຸ​ລິດ ເມື່ອຕົ້ນເດືອນມີນາຜ່ານມາ, ​ໂດຍການເປັນປະທານຮ່ວມຂອງທ່ານ ພົມມາ ຄໍາມະນີຈັນ ຫົວໜ້າກົມເອີຣົບ-ອາເມລິກາ ແລະ ທ່ານ ນາງ ອີນາ ເລີແປນ (Ina LEPEL) ຫົວໜ້າກົມອາຊີ ແລະ ປາຊີຟິກ ກະຊວງການຕ່າງປະເທດເຢຍລະມັນ.

- lattana 1 - ກະຊວງ​ການ​ຕ່າງປະ​ເທດ ລາວ-ເຢຍລະມັນ ຮ່ວມ​ຫາລື​ສອງ​ຝ່າຍ​ເປັນຄັ້ງປະຖົມ​ມະ​ລືກ

       ກອງ​ປະຊຸມ​ຄັ້ງ​ນີ້ ສອງ​ຝ່າຍ​ໄດ້ຕີ​ລາຄາຄືນ​​ການ​ພົວພັນ​ຮ່ວມ​ມື​ທີ່​ດີມີມາຍາວນານ ລະຫວ່າງສອງປະເທດ ນັບ​ແຕ່​ໄດ້​ສ້າງຕັ້ງ​ສາຍ​ພົວພັນ​ການ​ທູດ​ນຳ​ກັນ ແຕ່​ປີ 1958 ເປັນຕົ້ນ​ມາ, ການຈັດຕັ້ງປະຕິບັດບັນດາໂຄງການຮ່ວມມື ແລະ ການຊ່ວຍເຫຼືອສລະຫວ່າງ​ສອງ​ຝ່າຍ. ພ້ອມ​ນັ້ນ ​ຍັງ​ໄດ້​ແລກປ່ຽນຄວາມຄິດເຫັນກ່ຽວກັບການຮ່ວມມືໃນຂອບອີຢູ, ອາຊຽນ ແລະ ສປຊ ກໍຄື​ບັນຫາ​ພາກ​ພື້ນ ແລະ ບັນຫາ​ສາກົນອື່ນໆ ເຊິ່ງ​ຕ່າງ​ຝ່າຍຕ່າງມີ​ຄວາມ​ສົນໃຈ ແນໃສ່​ຊຸກຍູ້​ການ​ພົວພັນ​ຮ່ວມ​ມື​ລະຫວ່າງ​ສອງ​ປະເທດໃຫ້​ແໜ້ນ​ແຟ້ນ ແລະ ແຕກດອກອອກຜົນ​ຍິ່ງໆ​ຂຶ້ນ.

ໃນໄລຍະຜ່ານມາ, ລັດຖະບານເຢຍລະມັນ ​ໄດ້ໃຫ້ການຊ່ວຍເຫຼືອແກ່ ສປປ ລາວ ໂດຍສຸມໃສ່ສອງຂະແໜງການບູລິມະສິດຄື: ການຮ່ວມມືທາງດ້ານເຕັກນິກ ຜ່ານອົງການຮ່ວມມືສາກົນ ເພື່ອການພັດທະນາຂອງເຢຍລະມັນ (GIZ) ແລະ ການຮ່ວມມືທາງດ້ານການເງິນຜ່ານທະນາຄານສິນເຊື່ອ ເພື່ອການພັດທະນາຂອງເຢຍລະມັນ (KFW) ຊຶ່ງສອດຄ່ອງກັບເປົ້າໝາຍລວມຂອງແຜນພັດທະນາເສດຖະກິດ-ສັງຄົມຂອງປະ​ເທດ ເປັນຕົ້ນເນັ້ນໃສ່ການພັດທະນາຊົນນະບົດ, ວຽກງານອາຊີວະສຶກສາ, ການພັດທະນາຊັບພະຍາກອນມະນຸດ, ການອະນຸລັກສິ່ງແວດລ້ອມ, ກໍ່ສ້າງ ແລະ ປັບປຸງເສັ້ນທາງຄົມມະນາຄົມ ແລະ ສົ່ງເສີມທຸລະກິດຂະໜາດກາງ ແລະ ຂະໜາດນ້ອຍ. ການຊ່ວຍເຫຼືອຂອງເຢຍລະມັນແກ່ ສປປ ລາວ ໃນໄລຍະປີ 2018-2020 ມີມູນຄ່າປະມານ 50 ລ້ານເອີໂຣ, ໃນນັ້ນ 10 ລ້ານເອີໂຣ ແມ່ນຊ່ວຍເພື່ອບັນເທົາທຸກໃຫ້ແກ່ປະຊາຊົນຜູ້ປະສົບໄພນໍ້າຖ້ວມຢູ່ແຂວງອັດຕະປື ແລະ ໃນຂອບເຂດທົ່ວປະເທດ. ໃນໂອກາດດັ່ງກ່າວ, ຫົວໜ້າຄະນະຝ່າຍລາວ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈຕໍ່ການຊ່ວຍເຫຼືອອັນລໍ້າຄ່າຂອງລັດຖະບານ ແລະ ປະຊາຊົນເຢຍລະມັນທີ່ມີຕໍ່ ສປປລາວ ຊຶ່ງໄດ້ປະກອບສ່ວນອັນສໍາຄັນເຂົ້າໃນການສ້າງສາພັດທະນາປະເທດຊາດ ກໍຄືການປັບປຸງຊີວິດການເປັນຢູ່ຂອງປະຊາຊົນລາວບັນດາເຜົ່າໃຫ້ດີຂຶ້ນຢ່າງບໍ່ຢຸດຢັ້ງ.

- Tiger Head 728x90 - ກະຊວງ​ການ​ຕ່າງປະ​ເທດ ລາວ-ເຢຍລະມັນ ຮ່ວມ​ຫາລື​ສອງ​ຝ່າຍ​ເປັນຄັ້ງປະຖົມ​ມະ​ລືກ
- 1 1 - ກະຊວງ​ການ​ຕ່າງປະ​ເທດ ລາວ-ເຢຍລະມັນ ຮ່ວມ​ຫາລື​ສອງ​ຝ່າຍ​ເປັນຄັ້ງປະຖົມ​ມະ​ລືກ
error: Content is protected !!