ເມື່ອຮູ້ສຶກເບື່ອວຽກ ຕ້ອງມີວິທີກຳຈັດຄວາມຊຳ້ຊາກຈຳເຈ

- advert banner 728 90 728x90 - ເມື່ອຮູ້ສຶກເບື່ອວຽກ ຕ້ອງມີວິທີກຳຈັດຄວາມຊຳ້ຊາກຈຳເຈ

   ມາແລ່ນໜີຄວາມຊຳ້ຊາກຈຳເຈດ້ວຍ 6 ວິທີງ່າຍໆຕໍ່ໄປນີ້ :

- lattana 1 - ເມື່ອຮູ້ສຶກເບື່ອວຽກ ຕ້ອງມີວິທີກຳຈັດຄວາມຊຳ້ຊາກຈຳເຈ

     – ເຮັດໃຫ້ທຸກມື້ເປັນມື້ທ່ອງທ່ຽວ: ລອງມ່ວນກັບຊີວິດປະຈຳວັນໃຫ້ຄື ກັບມື້ທ່ອງທ່ຽວເບິ່ງ ເຊັ່ນ : ປ່ຽນເສັ້ນທາງໄປເຮັດວຽກ ຈາກທີ່ເຄີຍຂັບລົດໃຫຍ່ ລອງປ່ຽນມາຂັບລົດຈັກ ຫລື ລົດຖີບ ຫລື ຈະລອງໃຊ້ບໍລິການລົດໂດຍສານປະຈຳທາງກໍໄດ້, ພົບປະຜູ້ຄົນທີ່ໃຊ້ຊີວິດທີ່ເຮັດວຽກຄືເຮົາ ຫລື ປ່ຽນໄປຂີ່ລົດຖີບແວ່ພັກດື່ມກາເຟລະຫ່ວາງທາງຈັກຈອກກ່ອນຈະຮອດບ່ອນເຮັດວຽກ, ສັ່ງ  ອາຫານ ຫລື ເຂົ້າກ່ອງມາກິນເປັນເຂົ້າສວາຍ ແລະ ໄປລອງກິນອາຫານຮູບແບບແປກໆຮ້ານໃໝ່ໆຫລັງເລີກວຽກ ຮັບຮອງວ່າວິທີນີ້ບໍ່ພຽງຊ່ວຍໃຫ້ເຮົາບໍ່ຕ້ອງຢູ່ກັບຫຍັງຊຳ້ຊາກຈຳເຈແລ້ວ ຍັງເຮັດໃຫ້ເຮົາຮຽນຮູ້ສິ່ງໃໝ່ໆ ຫລື ພົບໝູ່ໃໝ່ລະຫວ່າງທາງນຳອີກ.

- 080904 2019 1024x640 - ເມື່ອຮູ້ສຶກເບື່ອວຽກ ຕ້ອງມີວິທີກຳຈັດຄວາມຊຳ້ຊາກຈຳເຈ

     – ຈັດສັນລະບົບວຽກໃຫ້ດີ : ການເຝົ້າໜ້າຈໍຄອມພິວເຕີ ຫລື ກົ້ມເບິ່ງແຕ່ໂທລະສັບທຸກມື້ ບໍ່ເວັ້ນແຕ່ມື້ພັກ ເປັນໂຕການສຳຄັນທີ່ເຮັດໃຫ້ເຮົາບໍ່ໄດ້ພັກຜ່ອນຢ່າງເຕັມທີ່. ລອງຈັດເວລາ ເຊັ່ນ : ກວດອີເມລແຕ່ຊ່ວງເຊົ້າກ່ອນເລີ່ມວຽກ ແລະ ເລີກວຽກ ໂດຍຕັ້ງຄ່າລະບົບຕອບ – ຮັບອັດຕະໂນມັດທີ່ເຮັດໃຫ້ຄົນຕິດຕໍ່ວຽກເຂົ້າມາຮູ້ວ່າເຮົາຈະກັບມາກວດອີເມລອີກເທື່ອໜຶ່ງຕອນໃດ ພ້ອມທັງຖິ້ມເບີໂທລະສັບຕິດຕໍ່ເລື່ອງດ່ວນໄວ້ ຫລື ລອງຢູ່ໃກ້ໄກໂທລະສັບມືຖືໃນມື້ພັກແດ່ ພຽງເທົ່ານີ້ກໍຊ່ວຍໃຫ້ເຮົາບໍ່ຕ້ອງກະວົນກະວາຍ ເລື່ອງວຽກ ຫລື ຄິດຫລາຍເລື່ອງໃນເວລາດຽວກັນ ເຮັດໃຫ້ເຫລືອເວລາໄປພັກຜ່ອນ ຫລື ຢູ່ກັບສິ່ງທີ່ຮັກຫລາຍຂຶ້ນຕື່ມໄດ້ຫລາຍຊົ່ວໂມງ.

     – ຜ່ອນຄາຍລະຫ່ວາງມື້ : ເມື່ອໃດທີ່ຮູ້ສຶກເມື່ອຍກັບຊີວິດ, ແຕ່ວຽກຍັງວາງຄ້າງເທິງໂຕະເຕັມໄປໝົດ ລອງຕື່ນເຊົ້າກ່ວາປົກກະຕິຈັກ 1 ຊົ່ວໂມງເພື່ອເຮັດກິດຈະກຳມ່ວນໆທີ່ມັກ ເຊັ່ນ : ຍ່າງພາໝາໄປແລ່ນຫລິ້ນ, ຍ່າງເລາະຕະຫລາດ, ປຸງແຕ່ງອາ ຫານກິນເອງ, ສະປາໜ້າ, ສ້າງແຮງບັນດານໃຈໃໝ່ແລ້ວໄປເຮັດວຽກກໍຄືໄດ້ຕື່ມພະລັງງານອີກເທື່ອໜຶ່ງ, ພັກທ່ຽງກິນເຂົ້າແລ້ວລົມກັບເພື່ອນຮ່ວມງານ ຫລື ເຊືອບຫລັບຈັກໜ້ອຍ. ສ່ວນມື້ພັກກໍກຽມໂຕໄປເບິ່ງຮູບເງົາ, ເບິ່ງຄອນເສີດ, ຫລິ້ນເກມ, ນັດໝູ່ເກົ່າໄປກິນເຂົ້າ ຫລື ອ່ານໜັງສືເຫລັ້ມມັກ, ບອກລາກິດຈະວັດຄືກັບຫຸ່ນຈັກທີ່ມີແຕ່ຕື່ນໄປເຮັດວຽກ, ພົບກັບສະພາບການຈະລາຈອນຕິດຂັດ, ອາບນຳ້ ແລະ ເຂົ້ານອນ.

     – ວຽກຈົບ ຄົນຕ້ອງຈົບ : ກ່ອນຈະກຽມກະເປົ໋າໄປທ່ຽວ ຄົນສ່ວນຫລາຍຈະເຮັດລາຍການວຽກທີ່ຕ້ອງເຮັດໄວ້ ແລ້ວເຮັດເທື່ອລະຢ່າງຈົນແລ້ວ ຈາກນັ້ນກໍປິດຄອມພິວເຕີ ເພື່ອຫັນໜ້າທ່ຽວທັນທີ. ລອງເອົາວິທີນີ້ມາໃຊ້ກັບຊີວິດປະຈຳວັນ ຄືເມື່ອໃດທີ່ວຽກໃນແຕ່ລະມື້ຈົບລົງຕາມທີ່ຈົດລາຍການໄວ້ ໃຫ້ຖອດປັກເລື່ອງວຽກ, ວາງທຸກຢ່າງໄວ້ເທິງໂຕະ ແລ້ວລຸກໄປເຮັດຢ່າງອື່ນ.

- 1 1 - ເມື່ອຮູ້ສຶກເບື່ອວຽກ ຕ້ອງມີວິທີກຳຈັດຄວາມຊຳ້ຊາກຈຳເຈ

     – ປຶ້ມບັນທຶກປະຈຳວັນມີສ່ວນຊ່ວຍ : ການຈົດບັນທຶກປະຈຳວັນມີປະໂຫຍດຫລາຍ ພຽງແຕ່ຮູ້ຈັກຈົດບັນທຶກທົບທວນສິ່ງດີໆທີ່ໄດ້ພົບມາໃນແຕ່ລະມື້ ອາດເປັນເລື່ອງເລັກໆນ້ອຍໆ ແຕ່ກໍຊ່ວຍໃຫ້ທຸກມື້ເບິ່ງເປັນມື້ພິເສດຢ່າງເຫລືອເຊື່ອ.

     – ນຳຫາສີຂຽວ : ຈາກການວິໄຈພົບວ່າ ເມື່ອຄົນຍ້າຍເຂົ້າໄປຢູ່ໃນສະຖານທີ່ທີ່ມີສີຂຽວຈາກທຳມະຊາດຫລາຍໆ ຈະຊ່ວຍໃຫ້ສຸຂະພາບທາງໃຈດີຍິ່ງຂຶ້ນ. ກັງກັນຂ້າມ ຄົນທີ່ຍ້າຍເຂົ້າໄປຢູ່ໃນເມືອງທີ່ມີພື້ນທີ່ສີຂຽວໜ້ອຍ ສຸຂະພາບທາງໃຈຈະຖົດຖອຍ. ພຽງແຕ່ທ່ານຫາສີຂຽວມາທາງເທິງໂຕະເຮັດວຽກ ຈະເປັນຕົ້ນໄມ້ນ້ອຍໆ ຫລື ຮູບພາບທຳມະຊາດ ກໍຊ່ວຍໃຫ້ຮູ້ສຶກສົດຊື່ນຂຶ້ນໄດ້ຄືກັນ.