ດື່ມກາເຟແນວໃດບໍ່ໃຫ້ຕຸ້ຍ ?

- advert banner 728 90 728x90 - ດື່ມກາເຟແນວໃດບໍ່ໃຫ້ຕຸ້ຍ ?

   ຢາກຈະດື່ມກາເຟ ແຕ່ຢ້ານຕຸ້ຍ ຄວນເຮັດແນວໃດ ? ມາໄຂຂໍ້ຂ້ອງໃຈ ດື່ມຍາມໃດ ? ຮ້ອນ ຫລື ເຢັນ ? ແລ້ວໄປສຸກໃຈກັບກາເຟຈອກມັກກັນໄດ້ເລີຍ.

- new3 - ດື່ມກາເຟແນວໃດບໍ່ໃຫ້ຕຸ້ຍ ?

     ກາເຟ ເປັນເຄື່ອງດື່ມທີ່ຫລາຍຄົນໃຊ້ເປັນໂຕຊ່ວຍໃນການປຸກສະໝອງຂອງເຮົາໃຫ້ຕື່ນໂຕ, ເພີ່ມຄວາມຮູ້ສຶກສົດຊື່ນຫ້າວຫັນ ດັ່ງທີ່ເຮົາຮູ້ກັນດີຢູ່ແລ້ວວ່າສ່ວນປະກອບທີ່ສຳຄັນຂອງກາເຟກໍແມ່ນ ກາເຟອີນ ເຊິ່ງເປັນສານທີ່ມີຜົນຕໍ່ການກະຕຸ້ນປະສາດ, ຫລຸດອາການເຫງົານອນ ແລະ ຄວາມອິດເມື່ອຍອ່ອນເພຍ, ແຕ່ສຳລັບຄົນທີ່ກຳລັງຫລຸດນຳ້ໜັກຢູ່ກໍອາດຈະກັງວົນກ່ຽວກັບການດື່ມກາເຟຢູ່ ຍ້ອນກ່ວານຳ້ໜັກຈະຫລຸດລົງໄດ້ 1 ກິໂລ ກໍເຮັດໃຫ້ເມື່ອຍບໍ່ແມ່ນຂອງງ່າຍ ດັ່ງນັ້ນ ຄົນມັກດື່ມກາເຟທີ່ຫ່ວງສຸຂະພາບ ຈຶ່ງມີເລື່ອງຕ້ອງຮູ້ ດັ່ງນີ້ :

- 040904 2019 1024x680 - ດື່ມກາເຟແນວໃດບໍ່ໃຫ້ຕຸ້ຍ ?

     – ປະລິມານຕ້ອງເໝາະສົມ : ເຖິງວ່າກາເຟຈະມີລິດທີ່ເຮັດໃຫ້ຮ່າງກາຍຮູ້ສຶກຕື່ນໂຕ, ແຕ່ປະລິມານທີ່ເໝາະສົມຕາມທີ່ອົງການອາຫານ ແລະ ຢາຂອງສະຫະລັດອາເມລິກາ ແນະນຳແມ່ນບໍ່ຄວນເກີນ 3 – 4 ຈອກຕໍ່ມື້ ຫລື ປະມານ 400 ມິນລີກຣາມ ແລະ ບໍ່ຄວນເກີນ 200 ມິນລີກຣາມຕໍ່ເທື່ອ ເນື່ອງຈາກກາເຟ 1 ຈອກ ຈະມີຄ່າສະເລ່ຍຂອງກາເຟອີນຢູ່ 65 ມິນລີກຣາມ ຫາກດື່ມພຽງ 2 ຈອກ ຮ່າງກາຍກໍຈະໄດ້ຮັບກາເຟອີນໃນປະລິມານທີ່ພໍດີ. ໄດ້ມີການວິໄຈຫລາຍເທື່ອທີ່ກ່າວເຖິງປະໂຫຍດຂອງການດື່ມກາເຟໃນປະລິມານທີ່ພໍດີວ່າຊ່ວຍກະຕຸ້ນການເຮັດວຽກຂອງລະບົບເຜົາຜານໃນຮ່າງກາຍໄດ້ດີຍິ່ງຂຶ້ນ ເນື່ອງຈາກກາເຟອີນມີສ່ວນຊ່ວຍໃນການກະຕຸ້ນການເຜົາຜານລະບົບເມຕາບໍລິຊຶມເພີ່ມຂຶ້ນເຖິງ 11%.

     – ດື່ມຮ້ອນ ຫລື ເຢັນຈະດີກ່ວາກັນ ?

- lattana 1 - ດື່ມກາເຟແນວໃດບໍ່ໃຫ້ຕຸ້ຍ ?
- 030904 2019 - ດື່ມກາເຟແນວໃດບໍ່ໃຫ້ຕຸ້ຍ ?

     ໃນມື້ທີ່ອາກາດຮ້ອນໆ ຫລາຍຄົນອາດເທໃຈໃຫ້ກາເຟເຢັນແນ່ນອນ ຍິ່ງຫວານໆມັນໆ ທັງແຊບ ແລະ ສົດຊື່ນ, ແຕ່ຮູ້ຫລືບໍ່ວ່າສິ່ງເຫລົ່ານັ້ນຕ້ອງແລກມາດ້ວຍນຳ້ໜັກທີ່ເພີ່ມຂຶ້ນ ເພາະບໍ່ວ່າຈະເລືອກແບບຫວານໜ້ອຍ ຫລື ຫລຸດປະລິມານຄຣີມທຽມ ຫລື ນົມຂຸ້ນຫວານ ແນວໃດກໍຍັງຕຸ້ຍໄດ້. ສ່ວນຄົນທີ່ກຳລັງຫລຸດນຳ້ໜັກແນະນຳເປັນການດື່ມກາເຟຮ້ອນແທນຈະດີກ່ວາ ເຖິງຈະບໍ່ຖືກໃຈເທົ່າກາເຟເຢັນ ແຕ່ກໍສາມາດປ້ອງກັນການສະສົມໄຂມັນໃນຮ່າງກາຍໄດ້ ເຊິ່ງອາດຈະເປັນເອສເປຣສໂຊ ຫລື ອາເມຣິກາໂນຮ້ອນກໍໄດ້ ເພາະທັງ 2 ລາຍການນີ້ມີປະລິມານກາລໍຣີບໍ່ເຖິງ 15 ກາລໍຣີ ຈຶ່ງດື່ມໄດ້ຢ່າງສະບາຍໃຈ ບໍ່ຕ້ອງຢ້ານຕຸ້ຍ.

ຊ່ວງເວລາທີ່ແມ່ນ ບໍ່ເຮັດໃຫ້ຕຸ້ຍ : ການເລືອກຊ່ວງເວລາໃນການດື່ມກໍສຳຄັນ ໂດຍປົກກະຕິແລ້ວ ຊ່ວງເວລາທີ່ເໝາະສົມກັບການດື່ມກາເຟຈະຢູ່ໃນເວລາປະມານ 9:30 – 11:30 ໂມງ. ສ່ວນເວລາທີ່ກາເຟອີນໃນກາເຟຈະມີປະສິດທິພາບດີທີ່ສຸດແມ່ນ 10:30 ໂມງ. ສຳລັບຄົນທີ່ຕ້ອງການດື່ມເພື່ອໃຫ້ໄດ້ປະສິດທິພາບໃນເລື່ອງຂອງການຫລຸດນຳ້ໜັກ ເວລາທີ່ເໝາະສົມທີ່ສຸດແມ່ນ ຫລັງຈາກກິນເຂົ້າສວາຍແລ້ວ ປະມານ 30 – 60 ນາທີ ເພາະຈະຊ່ວຍໃນເລື່ອງຂອງການເຜົາຜານໄຂມັນໃນຮ່າງກາຍ ເນື່ອງຈາກກາເຟອີນຈະເຂົ້າໄປລະລາຍໄຂມັນທີ່ເຮົາກິນເຂົ້າໄປໃຫ້ແຕກໂຕໄດ້ງ່າຍຂຶ້ນ, ແຕ່ຂໍຍຳ້ວ່າຕ້ອງເປັນກາເຟດຳເທົ່ານັ້ນ. ສ່ວນ ຄົນທີ່ອອກກຳລັງກາຍຄວນດື່ມກາເຟກ່ອນຈະເລີ່ມການອອກກຳລັງກາຍ ປະມານ 30 ນາທີ ແລະ ຂໍໃຫ້ດື່ມພຽງແຕ່ 1 ຈອກເທົ່ານັ້ນ.

error: Content is protected !!