ແມນຢູ ພ້ອມຈ່າຍຄ່າຈີກສັນຍາ ດຶງ ອັລເດີໄວເຣລ ຮ່ວມທັບ

- advert banner 728 90 728x90 - ແມນຢູ ພ້ອມຈ່າຍຄ່າຈີກສັນຍາ ດຶງ ອັລເດີໄວເຣລ ຮ່ວມທັບ

     ກະ​ແສ​ຂ່າວ​ການ​ເສີມ​ທັບ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍັງ​ອອກ​ມາ​ຕໍ່​ເນື່ອງ ​ໂດຍ​ຫລ້າ​ສຸດ ​ເດິ ຊັນ ສື່​ຂອງ​ອັງກິດ ​ເປີດ​ເຜີຍ​ວ່າ: ​ແມນ​ເຊັສ​ເຕີ ຢູ​ໄນ​ເຕັດ ພ້ອມ​ຍື່ນ​ເງິນ​ເທົ່າ​ຄ່າ​ຈີກ​ສັນຍາ​ຂອງ ​ໂທ​ບີ້ ອັລ​ເດີ​ໄວ​ເຣລ ​ແຕ່​ພວກ​ເຂົາ​ຍັງ​ບໍ່​ໄດ້​ຕິດ​ຕໍ່​ໄປ​ຫາ ສະ​ເປີ ພຽງ​ແຕ່​ຄັ້ງດຽວ.

- new3 - ແມນຢູ ພ້ອມຈ່າຍຄ່າຈີກສັນຍາ ດຶງ ອັລເດີໄວເຣລ ຮ່ວມທັບ

      ​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ອັງກິດ ພ້ອມ​ຈະ​ຍື່ນ​ຂໍ້​ສະ​ເໜີ​ຂໍຊື້ ​ໂທ​ບີ້ ອັລ​ເດີ​ໄວ​ເຣລ ກອງ​ຫລັງ ທ໊ອດ​ແນ່​ມ ຮ໊ອດສະ​ເປີ ດ້ວຍ​ເງິນ 25 ລ້ານ​ປອນ ​ເຊິ່ງ​ເທົ່າ​ກັບ​ຄ່າ​ຈີກ​ສັນຍາ​ຂອງ​ລາວ.

      ອັລ​ເດີ​ໄວ​ເຣລ ​ເຄີຍ​ຕົກ​ເປັນ​ຈຸດ​ສົນ​ໃຈ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ​ນັບ​ແຕ່​ຍຸກ​ທີ່​ມີ ​ໂຊ​ເຊ ມູຣິນ​ໂຢ ​ເປັນ​ຜູ້​ຈັດການ​ທີ​ມ​ແລ້ວ ​ເຊິ່ງ ສະ​ເປີ ກໍ​ໃຊ້​ອັອບຊັນ​ຂະຫຍາຍ​ສັນຍາ​ຂອງ​ລາວ 12 ​ເດືອນ ​ໃນ​ເດືອນ​ມັງກອນ​ຜ່ານ​ມາ ​ເພື່ອ​ຫວັງ​ຈະ​ມີ​ເວລາ​ເຈລະຈາ​ເລື່ອງ​ຕໍ່​ສັນຍາ​ຫລາຍ​ຂຶ້ນ ຫລັງ​ຂໍ້​ຕົກລົງ​ສະບັບ​ເກົ່າ​ຈະ​ໝົດ​ລົງ​ໃນ​ຊ່ວງ​ໜ້າ​ຮ້ອນ​ນີ້.

      ​ເຖິງ​ຢ່າງ​ໃດ​ກໍ​ຕາມ ການ​ໃຊ້​ອັອບຊັນ​ດັ່ງກ່າວ​ເຮັດ​ໃຫ້​ເງື່ອນ​ໄຂ​ໜຶ່ງ ຄື​ເລື່ອງ ອັລ​ເດີ​ໄວ​ເຣລ ຈະ​ມີຄ່າ​ຈີກ​ສັນຍາ​ສຸດ​ຖືກ​ພຽງ​ແຕ່ 25 ລ້ານ​ປອນ​ເທົ່າ​ນັ້ນ ​ແລະ ຈົນ​ຮອດ​ຕອນ​ນີ້ ສະ​ເປີ ຍັງ​ບໍ່​ສາມາດ​ເກ້​ຍກ່ອມ​ໃຫ້​ດາວ​ເຕະ​ຊາວ​ເບ​ລຢ້ຽມ​ຂະຫຍາຍ​ສັນຍາ​ໄລຍະ​ຍາວ​ໄດ້.

- lattana 1 - ແມນຢູ ພ້ອມຈ່າຍຄ່າຈີກສັນຍາ ດຶງ ອັລເດີໄວເຣລ ຮ່ວມທັບ

      ຫລ້າ​ສຸດ ​ເດິ ຊັນ ບອກ​ວ່າ: ​ແມນ​ເຊັສ​ເຕີ ຢູ​ໄນ​ເຕັດ ພ້ອມ​ຈະ​ສວຍ​ໂອກາດ​ນີ້​ຍື່ນ​ຂໍ້​ສະ​ເໜີ​ຂໍຊື້ ອັລ​ເດີ​ໄວ​ເຣລ ມາ​ຮ່ວມ​ທີ​ມ ​ແຕ່​ຈົນ​​ເຖິງ​ຕອນ​ນີ້​ພວກ​ເຂົາ​ຍັງ​ບໍ່​ເຄີຍ​ຕິດ​ຕໍ່​ໄປ​ຫາ ສະ​ເປີ ​ແບບ​ເປັນ​ທາງ​ການ​ພຽງ​ແຕ່​ຄັ້ງດຽວ.

error: Content is protected !!