ເຜີຍພາບຂຸມດຳຄັ້ງທຳອິດໃນປະຫວັດສາດ

- advert banner 728 90 728x90 - ເຜີຍພາບຂຸມດຳຄັ້ງທຳອິດໃນປະຫວັດສາດ

      ຄະນະ​ນັກວິທະຍາສາດ​ນາໆ​ຊາດ ປະກາດ​ຜົນສຳ​​ເລັດ​ຄັ້ງ​ໃຫຍ່​ຂອງ​ວົງ​ການ​ດາລາສາດ​ຟີ​ຊິກ ​ໃນ​ວັນ​ທີ 10 ​ເມສາ ດ້ວຍ​ການ​ເຜີຍ​ແຜ່​ພາບ​ຂຸມ​ດຳ​ຂອງ​ແທ້​ເປັນຄັ້ງທຳ​ອິດ ຖື​ເປັນ​ການ​ພິສູດ​ການ​ມີ​ຢູ່​ຂອງ​ມັນ​ໂດຍ​ກົງ​ທີ່​ສຸດ.

- lattana 1 - ເຜີຍພາບຂຸມດຳຄັ້ງທຳອິດໃນປະຫວັດສາດ

     ສຳນັກ​ຂ່າວ AFP ​ແລະ ຣອຍ​ເຕີ ລາຍ​ງານ​ຈາກ​ນະຄອນຫລວງ​ປາຣີ ປະ​ເທດ​ຝຣັ່ງ ​ໃນ​ວັນ​ທີ 10 ​ເມສາ​ວ່າ: ຄະນະ​ນັກວິທະຍາສາດ​ນາໆ​ຊາດ ຖະ​ແຫລ​ງຂ່າວ​ພ້ອມ​ກັນ​ໃນ 6 ​ເມືອງ​ທົ່ວ​ໂລກ ປະກອບ​ມີ: ນະຄອນຫລວງ​ວໍ​ຊິງ​ຕັນ ສະຫະລັດ​ອາ​ເມ​ລິ​ກາ, ນະຄອນຫລວງ​ບຣຸກ​ແຊນ ​​ແບນ​ຊິກ, ນະຄອນຫລວງ​ຊັນ​ຕິ​ອາ​ໂກ ຊີ​ເລ, ​ເມືອງ​ຊຽງ​ໄຮ້ ສປ ຈີນ, ນະຄອນຫລວງ​ໄທ​ເປ ​ໄຕ້​ຫວັນ ​ແລະ ນະຄອນຫລວງ​ໂຕ​ກຽວ ຍີ່ປຸ່ນ ​ເປີດ​ເຜີຍ​ຮູບ​ຖ່າຍ​ຂຸມ​ດຳ ທີ່​ຮວບ​ຮວມຈາກ​ເຄືອ​ຂ່າຍ​ກ້ອງ​ໂທລະພາບ​ວິທະຍຸ 8 ​ແຫ່ງ​ທົ່ວ​ໂລກ ທີ່​ເອີ້ນ​ວ່າ: ອີ​ເວນ ຮໍ​ໄຣ​ເຊິ​ນ ​ເທ​​ເລ​ສ​ໂຄບ ຫລື EHT ​ເຊິ່ງສະ​ແດງ​ໃຫ້​ເຫັນ​ຂຸມ​ດຳ​ທີ່​​ເປັນ​ຈຸດ​ດຳ​ທາງ​ກາງ ​ແລະ ​ແສງ​ສີ​ແດງ​ສົ້ມອ້ອມ​ຂ້າງ.

      ຮູບ​ຂຸມ​ດຳ​ທີ່​ເປີດ​ເຜີຍ​ຄັ້ງທຳ​ອິດ ​ເປັນ​ຮູບ​ທີ່​ບັນທຸກ​ຈາກ​ຈຸດ​ທີ່​ເອີ້ນ​ວ່າ: ​ເມສຊິ​ເຢ 87 ຫລື H87 ກາ​​ແລັກ​ຊີ​ຂະໜາດ​ມະຫຶມາ​ໃນ​ກຸ່ມກາ​ແລັກ​ຊີ​ເວີ​ໂກ ທີ່ຢູ່​ໃກ້​ຄຽງ ​ແລະ ຢູ່​ຫ່າງ​ຈາກ​ໂລກ​ອອກ​ໄປ​ປະມານ 54 ລ້າ​ນປີ​ແສງ. ທ່ານ ຟຣານ ຄາ​ສ​ໂດ​ວາ ຜູ້ອຳນວຍການ​ມູນ​ນິທິ​ວິທະຍາສາດ​ແຫ່ງ​ຊາດ​ອາ​ເມ​ລິ​ກາ (USNSF) ກ່າວ​ວ່າ: ວັນ​ນີ້​ເປັນ​ວັນ​ອັນ​ຍິ່ງ​ໃຫຍ່​ຂອງ​ວົງ​ການ​ດາ​ລາ​ສາດ​ຟີ​ຊິກ, ຊາວ​ໂລກ​ໄດ້​ເຫັນ​ສິ່ງ​ທີ່​ບໍ່​ເຄີຍ​ເຫັນ​ມາ​ກ່ອນ, ຂໍ້​ແທ້​ຈິງ​ທີ່​ວ່າ ຂຸມ​ດຳ​ບໍ່​ອະນຸຍາດ​ໃຫ້​ແສງ​ຫລົບໜີ ​ເຮັດ​ໃຫ້ການ​ແນມ​ເຫັນ​ຍາກ​ລຳບາກ.

      ​ໂຄງການ EHT ​ເລີ່​ມ​ໃນ​ປີ 2013 ​ເພື່ອ​ພະຍາຍາມ​ສັງ​ເກດ​ໂດຍ​ກົງ​ຕໍ່​ສິ່​ງ​ແວດ​ລ້ອມ​ໃນ​ປັດຈຸບັນ​ຂອງ​ຂຸມ​ດຳ ​ໂດຍ​ໃຊ້​ເຄືອ​ຂ່າຍ​ກ້ອງ​ໂທລະພາບ​ທົ່ວ​ໂລກ. ຄະນະ​ນັກວິ​ໄຈ​ຂອງ​ໂຄງການ​ໄດ້​ຮັບ​ຂໍ້​ມູນ​ຄັ້ງທຳ​ອິດ​ໃນ​ເດືອນ​ເມສາ 2017 ຈາກ​ກ້ອງ​ໂທລະພາບ​ໃນ​ລັດ​ແອຣິ​ໂຊ​ນາ ​ແລະ ລັດ​ຮາ​ວາ ຂອງ​ສະຫະລັດ​ອາ​ເມ​ລິ​ກາ ລວມທັງ​ຢູ່​​ເມັກ​ຊິກ, ຊີ​ເລ, ​ແອັສປາຍ ​ແລະ ທະວີບ​ອັງ​ຕາກ​ຕິກ.

- 1 1 - ເຜີຍພາບຂຸມດຳຄັ້ງທຳອິດໃນປະຫວັດສາດ