ເພີ່ມທະວີສະກັດກັ້ນອັກຄີໄພໃນສະພາບອາກາດຮ້ອນ

- advert banner 728 90 728x90 - ເພີ່ມທະວີສະກັດກັ້ນອັກຄີໄພໃນສະພາບອາກາດຮ້ອນ

ກົມໃຫຍ່ຕໍາຫລວດໄດ້ອອກແຈ້ງການເຕືອນໃຫ້ສັງຄົມເພີ່ມທະວີຄວາມເອົາໃຈໃສ່ສະກັດກັ້ນ ແລະ ຕ້ານອັດຄີໄພໃນສະພາບອາກາດຮ້ອນແຮງນີ້, ຊຶ່ງຈະກໍໃຫ້ເກີດອັກຄີໄພໄດ້ງ່າຍຄື: ສະເພາະເດືອນເມສານີ້, ໄດ້ເກີດໄຟໃໝ້ໃນຫລາຍຈຸດ, ຊຶ່ງຮຸນແຮງກວ່າໝູ່ແມ່ນເຫດການໄຟໃໝ້ຫ້ອງແຖວພະນັກງານຢູ່ເຂດບ້ານດົງໂດກເມືອງໄຊທານີ ອັນໄດ້ຮັບຄວາມເສຍຫາຍເປັນຈໍານວນຫລາຍ ແລະ ອີກເຫດການໜຶ່ງແມ່ນໄຟໃໝ້ສາງເກັບມ້ຽນເຄື່ອງຢູ່ເຂດບ້ານໂຄກສີວິໄລໃນເມືອງໄຊທານີນະຄອນຫລວງວຽງຈັນ. ຕໍ່ສະພາບທີ່ບໍ່ປາດຖະໜາດັ່ງກ່າວ, ເຈົ້າໜ້າທີ່ມອດໄຟຈຶ່ງໄດ້ເຕືອນໃຫ້ສັງຄົມມີສະຕິໃນການຊົມໃຊ້ຟື້ນໄຟ, ໂດຍສະເພາະແມ່ນໃຫ້ເອົາໃຈໃສ່ປະຕິບັດຕາມມາດຕະການປ້ອງກັນລ່ວງໜ້າ ຄື: ເອົາໃຈໃສ່ກວດກາລະບົບໄຟຟ້າ, ອຸປະກອນເຄື່ອງໃຊ້ໄຟຟ້າຕ່າງໆໃຫ້ຢູ່ໃນສະພາບສົມບູນ, ຖ້າເຫັນວ່າມີສະພາບເກົ່າແກ່ເປ່ເພບໍ່ຮັບປະກັນຕ້ອງປ່ຽນໃໝ່ ແລະ ທຸກຄັ້ງທີ່ໃຊ້ອຸປະກອນເຄື່ອງໃຊ້ໄຟຟ້າສໍາເລັດແລ້ວຕ້ອງປິດ ແລະ ຖອດປັກສຽບໃຫ້ລະອຽດ, ການໄຕ້ທູບທຽນບູຊາຕ້ອງຮັບປະກັນ, ຮ້ານບູຊາຕ້ອງເຮັດດ້ວຍວັດຖຸທີ່ໃໝ້ຍາກ, ຫ່າງໄກຈາກບ່ອນມີເຊື້ອໄຟ, ເມື່ອສໍາເລັດການບູຊາແລ້ວຕ້ອງມອດທູບທຽນທັນທີ ແລະ ຫ້າມຈູດຂີ້ເຫຍື້ອຊະຊາຍ ແລະ ເມື່ອມີໄຟໃໝ້ຢູ່ໃສຕ້ອງຮີບຮ້ອນ ແຈ້ງເຈົ້າໜ້າທີ່ມອດໄຟໝາຍເລກໂທລະສັບ 1190 ໄດ້ຕະຫລອດ 24 ຊົ່ວໂມງ.  

- 1 1 - ເພີ່ມທະວີສະກັດກັ້ນອັກຄີໄພໃນສະພາບອາກາດຮ້ອນ
- Tiger Head 728x90 - ເພີ່ມທະວີສະກັດກັ້ນອັກຄີໄພໃນສະພາບອາກາດຮ້ອນ
- lattana 1 - ເພີ່ມທະວີສະກັດກັ້ນອັກຄີໄພໃນສະພາບອາກາດຮ້ອນ