ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ

- 022305 - ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ
- Untitled design - ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ

ເຫດຜົນທີ່ຕ້ອງໃສ່ແຫວນແຕ່ງດອງນິ້ວນາງເບື້ອງຊ້າຍ ວັດທະນາທຳຕາເວັນຕົກແຫວນແຕ່ງດອງ ຫລື ແຫວນໝັ້ນ ຈະໃສ່ຢູ່ ໃນນິ້ວນາງເບື້ອງຊ້າຍ ແຫວນນີ້ເປັນສັນຍະລັກສະແດງເຖິງຄວາມຊື່ສັດຕໍ່ກັນ ວັດທະນະທຳມອບແຫວນແຕ່ງດອງເຖິງຈະເປັນຂອງຄົນຕາເວັນຕົກ ແຕ່ກໍໄດ້ຮັບຄວາມນິຍົມໄປທົ່ວໂລກ ບໍ່ເວັ້ນແຕ່ໃນປະເທດລາວເຮົາເອງດັ່ງທີ່ເຫັນໆກັນຢູ່.

 

ທີ່ມາຂອງການເລືອກໃຫ້ນິ້ວນາງເບື້ອງຊ້າຍເປັນນິ້ວສຳລັບແຫວນແຕ່ງດອງເກີດຂຶ້ນຍ້ອນຄົນສະໄໝບູຮານເຊື່ອວ່ານິ້ວນາງເບື້ອງຊ້າຍນັ້ນເປັນທີ່ຕັ້ງຂອງເສັ້ນເລືອດແຫ່ງຄວາມຮັກ ທັງນີ້ກ່ອນທີ່ວິທະຍາສາດຈະເຮັດໃຫ້ມະນຸດຮູ້ລະບົບການເຮັດວຽກຂອງລະບົບໄຫລວຽນເລືອດ ຄົນບູຮານເຊື່ອວ່າເສັ້ນເລືອດເທິງນີ້ວນາງເຊື່ອມຕໍ່ໄປຍັງຫົວໃຈ ອັນເປັນສັນຍະລັກຂອງຄວາມຮັກ ໂດຍຄວາມເຊື່ອ ດັ່ງກ່າວມີການອ້າງວ່າມັນເປັນຄວາມເຊື່ອທີ່ເກີດຂຶ້ນໃນອານາຈັກເກລັກບູຮານ ເມື່ອປະມານ 3 ປີກ່ອນ ຄ.ສ ໂດຍການເຊື່ອມໂຍງລະຫ່ວາງ ມື ແລະ ຫົວໃຈ ຈຶ່ງມີການຕັ້ງຊື່ເສັ້ນເລືອດດັ່ງກ່າວວ່າ Vena amori ເປັນພາສາລາແຕັງ ເຊິ່ງມີຄວາມໝາຍວ່າ : ເສັ້ນເລືອດແຫ່ງຄວາມຮັກ (Vein of love) ຕາມຄວາມເຊື່ອດັ່ງກ່າວຜູ້ຄົນຈຶ່ງຍອມຮັບໃຫ້ໃສ່ແຫວນແຕ່ງດອງນິ້ວນາງເບື້ອງຊ້າຍແລະ ການໃສ່ແຫວນແຕ່ງດອງໃນນິ້ວນາງເບື້ອງຊ້າຍນີ້ເອງເປັນສັນຍະລັກບົ່ງບອກວ່າຄູ່ແຕ່ງດອງໄດ້ປະກາດມອບຄວາມຮັກນິລັນດອນໃຫ້ແກ່ກັນ ແລະ ກັນ ຈົນກາຍເປັນປະເພນີປະຕິບັດກັນມາໃນເອີຣົບຈົນເຖິງທຸກວັນນີ້. ໃນສະໄໝກາງໃນ ເອີີຣົບ ພິທີແຕ່ງດອງຂອງຊາວຄຣິສຈະມີການໃສ່ແຫວນແຕ່ງດອງຮຽງກັນມາຕັ້ງແຕ່ນິ້ວຊີ້, ນິ້ວກາງ ແລະ ນິ້ວນາງຂອງມືເບື້ອງຊ້າຍ ເພື່ອສະແດງເຖິງຫລັກຂອງສາສະໜາ ອັນໄດ້ແກ່ : ພະບິດາ,  ພະບຸດ ແລະ ພະຈິດ ກ່ອນທີ່ໃນເວລາຕໍ່ມາ ຄູ່ແຕ່ງດອງຈະໃສ່ພຽງນິ້ວນາງເບື້ອງຊ້າຍພຽງນິ້ວດຽວ.

- Wave100S AD to Website 2020 0 - ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ

ໃນປະເທດຕາເວັນຕົກສ່ວນຫລາຍແຫວນແຕ່ງດອງຈະຖືກໃສ່ເທິງນິ້ວນາງເບື້ອງຊ້າຍ ແນວໃດກໍຕາມ ໃນບາງປະເທດ ເຊັ່ນ : ເຢຍລະມັນ ແລະ ຊິລີ ແຫວນແຕ່ງດອງຈະຖືກໃສ່ຢູ່ນິ້ວນາງເບື້ອງຂວາແທນ, ຊາວຄຣິສນິກາຍອໍທໍດອກ, ເອີຣົບຕາເວັນອອກ ແລະ ຊາວຍິວ ມີທຳນຽມການໃສ່ແຫວນແຕ່ງດອງເບື້ອງຂວາເຊັ່ນກັນ. ຂະນະທີ່ໃນເນເທີແລນ ແລະ ກຸ່ມຊາວຄຣີສນິກາຍຄາທໍລິກ ຈະໃສ່ແຫວນແຫ່ງຄວາມຮັກນີ້ຢູ່ນິ້ວນາງເບື້ອງຊ້າຍ.

- WhatsApp Image 2020 05 27 at 5 - ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ
- WhatsApp Image 2020 05 27 at 5 - ເຫດຜົນການໃສ່ແຫວນແຕ່ງດອງນິ້ວນາງເບື້ອງຊ້າຍ
error: Alert: ເນື້ອຫາຂ່າວມີລິຂະສິດ !!