ໂຊລຊາ ໝັ້ນໃຈ ແມນຢູ ຍັງມີລຸ້ນພິກເຂົ້າຮອບ

- advert banner 728 90 728x90 - ໂຊລຊາ ໝັ້ນໃຈ ແມນຢູ ຍັງມີລຸ້ນພິກເຂົ້າຮອບ

      ​ໂອ​ເລ ກຸນ​ນາ ​ໂຊ​ລຊາ ຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ໝັ້ນ​ໃຈ ​ແມນ​ຢູ ຍັງ​ມີ​ລຸ້ນພິກ​ກັບ​ມາ​ເຂົ້າຮອບ​ຮອງ​ຊະນະ​ເລີດ ​ແຊມ​ປ້ຽນລີກ ​ເຖິງ​ວ່າ​ຈະ​ຕົກ​ເປັນ​ຝ່າຍ​ປະລາ​ໄຊ​ໃຫ້ ບາ​ເຊ​ໂລ​ນາ ຈາກ​ສະ​ເປ​ນ ຫວຸດ​ຫວິດ 0-1 ຄາ​ບ້ານ ​ໂອລ ​ແທຣັບຟອດ ​ໃນ​ເກ​ມຮອບ​ກ່ອນ​ຮອງ​ຊະນະ​ເລີດ ນັດ​ທຳ​ອິດ ​ໃນ​ວັນ​ທີ 10 ​ເມສາ​ຜ່ານ​ມາກໍ​ຕາມ.

- lattana 1 - ໂຊລຊາ ໝັ້ນໃຈ ແມນຢູ ຍັງມີລຸ້ນພິກເຂົ້າຮອບ

      ​ໂຊ​ລຊາ ​ເຊື່ອ​ວ່າ: ຖ້າ ​ແມນ​ເຊັສ​ເຕີ ຢູ​ໄນ​ເຕັດ ສາມາດ​ບຸກ​ໄປ​ຊະນະ ບາ​ເຊ​ໂລ​ນາ ​ແລະ ພິກ​ກັບ​ມາ​ເຂົ້າຮອບ​ໄດ້​ແທ້​ກໍ​ຕ້ອງ​ຖື​ເປັນຄວາມ​ສຳ​ເລັດ​ທີ່​ຍິ່ງ​ໃຫຍ່​ກວ່າ​ຄັ້ງທີ່​ພວກ​ເຂົາ​ບຸກ​ໄປ​ຊະນະ ປາຣີ ​ແຊງ​ແຊກ​ແມງ ​ເຖິງ​ບ້ານ 3-1 ພ້ອມ​ພິກ​ກັບ​ມາ​ເຂົ້າຮອບ 8 ທີ​ມສຸດ​ທ້າຍ​ໄດ້​ສຳ​ເລັດ ທັງ​ທີ່​ຖືກ​ທຸບ​ຄາ​ບ້ານ​ໄປ​ກ່ອນ 2-0 ​ໃນ​ນັດ​ທຳ​ອິດ​ອີກ.

      “​ໄຊຊະນະ​ເໜືອ ​ເປ​ແອ​ສ​ເຊ ມອບ​ຄວາມ​ຫວັງ ​ແລະ ຄວາມ​ເຊື່ອ​ວ່າ​ພວກ​ເຮົາ​ສາມາດ​ເຮັດ​ໄດ້, ​ແຕ່​ເຮົາ​ຮູ້​ດີ​ວ່າ ​ເຮົາ​ກຳລັງ​ສູ້​ກັບ​ຕົວ​ເຕັງ​ປະຈຳ​ລະດູ​ການ, ການ​ໄປ​ຫລິ້ນຢູ່​ຄຳນູ ຄື​ຄວາ​ມທ້າ​ທາຍ ມັນ​ຈະ​ເປັນຄວາມ​ສຳ​ເລັດ​ທີ່​ຍິ່ງ​ໃຫຍ່​ກວ່າ​ເກົ່າ ດ້ວຍ​ປະຫວັດສາດ​ຂອງ ບາ​ເຊ​ໂລ​ນາ ພວກ​ເຂົາ​ບໍ່​ຄ່ອຍ​ເສຍ​ຄາ​ບ້ານ ​ແຕ່​ພວກ​ສາມາດ​ເຮັດ​ໄດ້ ບໍ່​ຕ້ອງ​ສົງ​ໄສ” ​ໂຊ​ລຊາ ກ່າວ.

- 1 1 - ໂຊລຊາ ໝັ້ນໃຈ ແມນຢູ ຍັງມີລຸ້ນພິກເຂົ້າຮອບ