ເປົ້າໝາຍໃໝ່ ! ລິເວີພູລ ຄິດດຶງ ເນເຣສ

- advert banner 728 90 728x90 - ເປົ້າໝາຍໃໝ່ ! ລິເວີພູລ ຄິດດຶງ ເນເຣສ

     ​ເລີ 10 ສະປອດ ສື່​ຂອງຝຣັ່ງ ລາຍ​ງານ​ວ່າ: ລິ​ເວີ​ພູລ ກຳລັງ​ຊັ່ງຊາ​ກ່ຽວ​ກັບ​ການ​ຂໍຊື້ ດາ​ວິດ ​ເນ​ເຣສ ປີກ​ເລືອດ​ບຣາຊິ​ລຂອງ ອາ​ແຈ໊ກ ​ໄປ​ເສີມ​ທັບ ​ແຕ່​ກໍ​ຕ້ອງ​ແຂ່ງ​ກັບ​ຫລາຍ​ທີ​ມ​ເຊັ່ນ: ປາຣີ ​ແຊງ​ແຊກ​ແມງ ​ແລະ ດອດ​ມຸນ ​ເປັນຕົ້ນ.

- lattana 1 - ເປົ້າໝາຍໃໝ່ ! ລິເວີພູລ ຄິດດຶງ ເນເຣສ

      ລິ​ເວີ​ພູລ ຍອດ​ສະ​ໂມ​ສອນ​ແຫ່ງ​ວົງ​ການ ພຣີ​ເມຍ​ລີກ ອັງກິດ ກຳລັງ​ພິຈາລະນາ​ກ່ຽວ​ກັບ​ເລື່ອງ​ຈະ​ຄວ້າ ດາ​ວິດ ​ເນ​ເຣສ ປີກ​ຊາວບຣາຊິ​ລຂອງ ອາ​ແຈ໊ກ ອຳ​ສະ​ເຕີ​ດຳ ​ໄປ​ຮ່ວມ​ທັບ.

      ​ເນ​ເຣສ ສ້າງ​ຜົນງານ​ໄດ້​ໂດດ​ເດັ່ນ​ກັບ ອາ​ແຈ໊ກ ​ໃນ​ລະດູ​ການ​ນີ້ ​ໂດຍ​ໃນ​ລີກ​ລາວ​​ເຮັດ​ໄດ້​ເຖິງ 8 ປະຕູ ກັບ 11 ​ແອ​ສຊິ​ລ ຈາກ​ການ​ລົງ​ຫລິ້ນ 26 ນັດ. ຂະນະ​ທີ່​ໃນ ຢູຟາ ​ແຊມ​ປ້ຽນລີກ ​ລາວ​ຫາ​ກໍ​ຍິງ​ປະຕູ​ໄດ້​ໃນ​ຮອບ​ກ່ອນ​ຮອງ​ຊະນະ​ເລີດ ນັດ​ທຳ​ອິດ ທີ່​ຕົ້ນສັງກັດ​ສະ​ເໝີ​ກັບ ຢູ​ເວນ​ຕຸ​ສ 1-1 ​ໃນ​ວັນ​ທີ 10 ​ເມສາ​ຜ່ານ​ມາ.

       ຜົນງານ​ຂອງ ​ເນ​ເຣສ ​ເຮັດ​ໃຫ້​ມີ​ຂ່າວ​ລື​ວ່າ ລາວ​ເປັນ​ຈຸດ​ສົນ​ໃຈ​ຂອງ​ຫລາຍ​ທີ​ມ​ເຊັ່ນ: ປາຣີ ​ແຊງ​ແຊກ​ແມງ, ​ເອັຟ​ເວີ​ຕັນ ​ແລະ ​ໂບຣຸສ​ເຊຍ ດອດ​ມຸນ ​ເປັນຕົ້ນ, ​ແຕ່​ຫລ້າ​ສຸດ ​ເລີ 10 ສະປອດ ລາຍ​ງານ​ວ່າ: ລິ​ເວີ​ພູລ ລົງ​ມາ​ຮ່ວມ​ວົງ​ລ່າ​ຕົວ​ນັກ​ເຕະ​ໄວ 22 ປີນຳ. ​ເຖິງ​ຢ່າງ​ໃດ​ກໍ​ຕາມ, ລິ​ເວີ​ພູລ ຍັງ​ບໍ່​ໄດ້​ຍື່ນ​ຂໍ້​ສະ​ເໜີ​ຂໍຊື້ລາວ​ຢ່າງ​ເປັນ​ທາງ​ການ ​ໂດຍ​ເຊື່ອ​ກັນ​ວ່າ​ລາວ​ມີຄ່າ​ຕົວ​ຢູ່​ທີ່ 40 ລ້ານ​ເອີ​ໂຣ.

- 1 1 - ເປົ້າໝາຍໃໝ່ ! ລິເວີພູລ ຄິດດຶງ ເນເຣສ
- Tiger Head 728x90 - ເປົ້າໝາຍໃໝ່ ! ລິເວີພູລ ຄິດດຶງ ເນເຣສ