ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ

- advert banner 728 90 728x90 - ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ

ໂດຍ: ວິເສດ ສະແຫວງສຶກສາ

- lattana 1 - ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ

ເພື່ອໃຫ້ເຂົ້າກັບບັນຍາກາດປີໃໝ່ ຫລື ບຸນນ້ຳທີ່ພວກ ເຮົາທຸກຄົນມີໂອກາດປຽກຫລາຍກວ່າແຫ້ງ, ຈານແຫຍ່ ໄດ້ສັນຫາມາເລົ່າເລື່ອງທີ່ ພົວພັນກັບ “ນ້ຳ” ແຕ່ເປັນນ້ຳຍ່ຽວ! ເຄີຍໄດ້ອ່ານພົບຊວນ ຫົວບົດໜຶ່ງທີ່ເວົ້າເລື່ອງຍ່ຽວ ຍາມບຸນປີໃໝ່ລາວໂດຍມີ ຕົວລະຄອນໃນບົດຖາມກັນ ວ່າຈຸດເດັ່ນຂອງບຸນປີໃໝ່ ລາວນັ້ນແມ່ນຫຍັງ? ຄຳ ຕອບຈາກບາງຄົນກໍວ່າ:  ໄດ້ມີໂອກາດໄປສົງພະຄົບ ເກົ້າວັດ, ບາງຄົນກໍວ່າແມ່ນ ມ່ວນນ້ຳການຕົບປະທວາຍ ຫລື ກໍ່ຫາດຊາຍຢູ່ຕາມເກາະດອນ.

ບາງຄົນວ່າໄດ້ກຳໄລ ສາຍຕາເວລາເຫັນຜູ້ສາວນຸ່ງໂສ້ງເສື້ອປຽກຕິດໂຕ.   ແຕ່ມີຜູ້ໜຶ່ງຕອບວ່າ: “ຍາມ ບຸນປີໃໝ່ລາວນີ້ສາມາດຍ່ຽວໃສ່ໂສ້ງ- ສິ້ນໄດ້ສະບາຍເພາະໃຜກໍຄິດວ່າ“ປຽກນ້ຳ” ບໍ່ ແມ່ນປຽກຍ່ຽວ!  ບັດນີ້ຂໍເຂົ້າເລື່ອງທີ່ແປຮຽບຮຽງມາຈາກໜັງສືພິມ The Nation ສະບັບເມື່ອປະມານ  3 ປີກ່ອນ (26 ກໍລະກົດ 2016) ຂຽນໂດຍຜູ້ຊື່ຊັນຊີ (Sunxi) ທີ່ປຶກສາປະຈຳ ສະຖາບັນນະໂຍບາຍກ່ຽວ ກັບນ້ຳ, ມະຫາວິທະຍາໄລ ແຫ່ງຊາດສິງກະໂປບົດນີ້ອ່ານ ແລ້ວຜູ້ຂຽນ ບໍ່ຄິດຢາກໄປ ລອຍນ້ຳຢູ່ສະລອຍນ້ຳເພາະ ມີສະຖິຕິລະດັບໂລກບອກວ່າ ຜູ້ໄປລອຍນ້ຳຢູ່ສະນັ້ນ ສ່ວນໃຫຍ່ສວຍໂອກາດຍ່ຽວໃສ່ນ້ຳເລີຍ! ທ່ານ Sunxi ເຈົ້າຂອງບົດມີຕົວເລກມາ ອ້າງອີງວ່າຜ່ານການສຳພາດຜູ້ໄປລອຍນ້ຳຢູ່ສະລອຍນ້ຳຈຳນວນ 9.500 ຄົນ ທີ່ອາເມລິກາເໜືອ, ເອີ ຣົບ, ອາຊີ-ປາຊີຟິກ ໄດ້ພົບວ່າ ຄົນ ສ. ອາເມລິກາ ຈຳນວນ 64%, ການາດາ 58%, ອັງກິດ 46%, ເຢຍລະມັນ 44% ເຄີຍສວຍໂອກາດຍ່ຽວໃສ່ ສະລອຍນ້ຳແບບໜ້າຕາເສີຍ. ສ່ວນຄົນຈີນນັ້ນມີ  ຈຳນວນອ່າວນ້ອຍຄື 41% ຕົວເລກເປີເຊັນນີ້ ແມ່ນເກັບຈາກຈຳນວນຜູ້ຖືກສຳພາດ ເຊິ່ງທັງໝົດເປັນນັກທ່ອງທ່ຽວ.

ທ່ານ Sunxi ຍັງຢັ້ງຢືນ ໃນບົດຄວາມຂອງທ່ານວ່າ ການຍ່ຽວຊະຊາຍຕາມສະຖານທີ່ສາທາລະນະນັ້ນມີ ທົ່ວໄປໃນບັນດາປະເທດກຳລັງພັດທະນາ ແລະ ບັນດາ ປະເທດທີ່ຈະເລີນພັດທະນາ ແລ້ວ.  ສາເຫດກໍແມ່ນຍ້ອນ ຈຳນວນຫ້ອງນ້ຳສາທາລະນະມີບໍ່ພຽງພໍ.

ຕົວຢ່າງຢູ່ມະຫານະຄອນນິວຢອກ ສ. ອາເມລິກາ, ຫ້ອງການສານໄດ້ຮຽກຄົນຈຳນວນ 94,150 ຄົນຂຶ້ນ ສານລະຫວ່າງເດືອນມັງກອນ 2011 ຫາເດືອນກໍລະກົດ 2014 ຍ້ອນມີຄວາມຜິດຖານໄດ້ຍ່ຽວຊະຊາຍແຕ່ການຕິດຕັ້ງຫ້ອງນ້ຳສາທາລະນະ ຢູ່ນະຄອນໃຫຍ່ແຫ່ງນີ້ນັ້ນມີພຽງ 8 ບ່ອນເທົ່ານັ້ນ (ນັບແຕ່ປີ 2008 – 2016) ເລື່ອງຄົນສວຍໂອກາດຍ່ຽວໃສ່ສະລອຍນ້ຳນັ້ນໄດ້ກາຍເປັນບັນຫາໃຫຍ່ ເພາະບ່ອນ ບໍລິການສະລອຍນ້ຳແຕ່ລະ ບ່ອນນັ້ນ, ມີຫ້ອງນ້ຳ, ມີຫ້ອງອາບນ້ຳລ້າງເຫື່ອໄຄກ່ອນລົງສະ ແລະ ກ່ອນຖ່າຍເຄື່ອງ ກັບເຮືອນແລ້ວເຫດໃດຄົນ ຈຶ່ງເລືອກຍ່ຽວໃສ່ສະລອຍນ້ຳ?. ຄຳຕອບຈາກນັກລອຍນ້ຳບາງຄົນບອກວ່າມັນເປັນຍ້ອນອຸນຫະພູມຂອງນ້ຳໃນ ສະພາບໃຫ້ປວດຍ່ຽວດຸ.

ສ່ວນສະມາຊິກທິມກິລາລອຍນ້ຳແຫ່ງຊາດຂອງ ສ.ອາເມລິກາບອກວ່ານັກ ລອຍນ້ຳທີ່ເຂົ້າແຂ່ງຂັນລອຍ ນ້ຳຈຳນວນເກືອບ 100% ຍ່ຽວຢອດອອກມາເວລາເລີ່ມໂດດແຂ່ງ ເມື່ອໄດ້ຍິນສຽງ “ເຢີກ!” ຍ່ຽວມັນຍອດອອກ ມາຍ້ອນຄວາມຕື່ນເຕັ່ນ.

ເຈົ້າຂອງບົດບອກວ່າ ຜູ້ລົງສະລອຍນ້ຳເພື່ອເພີດເພິນ, ເພື່ອພັກຜ່ອນນັ້ນບໍ່ຄວນເອົາ ຕົວຢ່າງຂອງນັກກິລາ ລອຍ ນ້ຳທີ່ມີໜ້າທີ່ແຂ່ງຂັນ. ທ່ານ ວ່າຄົນໃນເກນອາຍຸເປັນຜູ້ ໃຫຍ່ແລ້ວບໍ່ຄວນເຮັດແນວ ໜ້າລັງກຽດນີ້ເລີຍຖ້າເປັນ ເດັກນ້ອຍຍັງພໍອະນຸໂລມໄດ້ ຖ້າພວກເຂົາຍ່ຽວ ຫລື ຂີ້ໃສ່ ສະລອຍນ້ຳ ເພາະເດັກນັ້ນມີ ແຮງກັ້ນບໍ່ເກ່ັງຄືຜູ້ໃຫຍ່.

- Tiger Head 728x90 - ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ
- 1 1 - ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ

ຈານແຫຍ່ ແປບົດນີ້ ໄປນຳ ແລະ ຍິ້ມຫົວຜູ້ດຽວໄປນຳ. ຢາກຫົວທີ່ສຸດແມ່ນ ບ່ອນເຈົ້າຂອງບົດຂຽນວ່າ: ຖ້າສະລອຍນ້ຳຫາກເປັນ ບ່ອນຍ່ຽວບ່ອນຂີ້ແລ້ວກໍແປວ່າຜູ້ລອຍນ້ຳໃນສະກຳລັງລອຍຢູ່ອ່າງວິດຖ່າຍ!

ເລື່ອງຍ່ຽວໃສ່ໂສ້ງ-ສິ້ນ ເພື່ອພາງຕາຄົນອື່ນວ່າປຽກນ້ຳນັ້ນອາດບໍ່ເສຍຫາຍສ່ຳຍ່ຽວໃສ່ສະລອຍນ້ຳແຕ່ຂໍຖາມແດ່ວ່າຜູ້ເຮັດນັ້ນກໍສະບາຍໃຈຢູ່ບໍ່ທີ່ສາມາດຕົບຕາຄົນອື່ນໄດ້?./.

- 897 - ບັນຫາເບົາໆ ແຕ່ເໝັນອົບເອົ້າ ໃນສະລອຍນ້ຳ
(ພາບປະກອບ)