ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ

- 56842863 445676469511411 4183987445605335040 n - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ
- AGL banner - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ

ໂດຍ: ຄຳພຸດ ເທບພະນົມ

ເມື່ອກ້າວເຂົ້າສູ່ເທສະການປີໃໝ່ລາວ ຊາວລາວນັບແຕ່ເໜືອຕະຫຼອດໃຕ້ໄດ້ມີການຈັດສະເຫຼີມສະຫຼອງຢ່າງຍິ່ງໃຫຍ່ ແລະເຕັມໄປດ້ວຍບັນຍາກາດຄຶກຄື້ນມ່ວນຊື່ນ ແລະຄຽງຄູ່ກັນນັ້ນ ກໍມີຫຼາກຫຼາຍກິດຈະກຳ ແລະປະເພນີຢູ່ໃນເທສະການດັ່ງກ່າວນີ້ ໂດຍສະເພາະປະເພນີການບາສີສູ່ຂວັນ ເນື່ອງໃນວັນຂຶ້ນປີໃໝ່.

ຊາວລາວເມື່ອເຖິງເທສະການນີ້ມາຍາມໃດ ຜູ້ຢູ່ໃກ້ຢູ່ໄກກໍມັກເດີນທາກັບບ້ານເກີດພູມລຳເນົາຂອງຕົນເອງເພື່ອໄປສຸມມາຄາລະວະຜູ້ມີພະຄຸນ ແລະໄດ້ຈັດພິທີບາສີສູ່ຂວັນຂຶ້ນ ແຕ່ຫຼາຍຄົນຮູ້ບໍ່ວ່າ “ຂວັນ” ໝາຍເຖິງຫຍັງ ?

ຄໍາວ່າ “ຂວັນ” ໃນພາສາລາວເຮົານັ້ນກົງກັນກັບຄໍາວ່າ “spirital” ໃນພາສາອັງກິດ ແລະ ກົງກັບຄໍາວ່າ “ຈິດ” “ວິນຍານ” ໃນພາສາບາລີ.

- Wave100S AD to Website 2020 0 - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ

“ຂວັນ” ຄໍານີ້ມີຄວາມໝາຍຕໍ່ກັບຄົນລາວເຮົາໃນທຸກແງ່ທຸກມູມ ເຊັ່ນ ໃນຄວາມເຊື່ອ ຄົນລາວເຮົາເຊື່ອວ່າທຸກຄົນນັ້ນລ້ວນແຕ່ ມີຂວັນຢູ່ໃນຕົວ ສະແດງໃຫ້ເຫັນໃນຄໍາສູ່ຂວັນວ່າ “32 ຂວັນໃຫ້ແລ່ນມາເຕົ້າ 92 ຂວັນໃຫ້ແລ່ນມາໂຮມ, ທັງຂວັນແຄ່ງແລະຂວັນຂາ ຂວັນຕາແລະຂວັນຄິ້ວ…” ດັ່ງນີ້ເປັນຕົ້ນ. ໃນເວລາຕື່ນຕົກໃຈ ຄົນລາວເຮົາມັກເວົ້າວ່າ “ກູກຂວັນກູມາ” ເພາະຢ້ານຂວັນໜີ.  ຖ້າຂາດຂວັນ ກໍສໍ່າກັບຂາດຈິດໃຈໄປ ຂວັນບໍ່ຢູ່ກໍສໍ່າກັບວ່າຕາຍແລ້ວ ຄືດັ່ງ ບ່າງລົ້ວມາເອີ້ນເອົາຂວັນນາງງາໄປ ເຮັດໃຫ້ນາງງາຕາຍຈາກທ້າວກໍ່າພ້າ ໃນເລື່ອງກໍ່າພ້າຜີນ້ອຍ ແນວໃດ ກໍແນວນັ້ນແລ.

ຄໍາວ່າ “ຂວັນ” ເປັນຄໍານາມ ເຊິ່ງສາມາດໄປປະສົມກັບຄໍາອື່ນໆ ເພື່ອໃຫ້ເກີດຄວາມໝາຍຢ່າງຫລວງຫລາຍ ເຊັ່ນ
-ເປັນຊື່ຄົນ : ຂວັນໃຈ, ຂວັນໄຊ, ມິ່ງຂວັນ
-ເປັນວັດຖຸ: ຂອງຂວັນ
-ເປັນອາການ : ຫົວຂວັນ
-ໃນຄວາມເຊື່ອ : ຂວັນໜີ, ກ່ອງເຂົ້າຂວັນ, ເອີ້ນຂວັນ, ສູ່ຂວັນ, ແຮກນາຂວັນ
– ຂວັນມີຢູ່ທຸກບ່ອນ: ຂວັນເຂົ້າ, ຂວັນນາ, ຂວັນລົດ, ຂວັນຄວາຍ, ຂວັນບ້ານ, ຂວັນເຮືອນ, ຂວັນເມືອງ…
– ຄໍາໂຕງໂຕຍ : ຂະໝ່ອມຈອມຂວັນ

ດັ່ງນັ້ນ, ຂໍໃຫ້ທຸກທ່ານທຸກຄົນທີ່ຍັງມີສຸຂະພາບກາຍທີ່ເຂັ້ມແຂງ ຈົ່ງຮັກສາສຸຂະພາບໃຈໃຫ້ເຂັມແຂງໄປນຳ ເຊິ່ງໃນນັ້ນກໍໝາຍເຖິງການຮັກສາຂວັນໃຫ້ຢູ່ກັບເນື້ອກັບຕົວເຮົາ, ເຮັດສິ່ງໜຶ່ງສິ່ງໃດກໍໃຫ້ມີຄວາມລະມັດລະວັງ ບໍ່ໂລດໂຜນເກີນຄວາມພໍດີ, ມີຄວາມຕັ້ງໝັ້ນຕໍ່ໜ້າທີ່ການງານ ແລະເຮັດດ້ວຍຮູ້ຈັກຕັ້ງສະຕິທຸກຄັ້ງທີ່ລົງມືທຳ ອັນນີ້ຄືສິ່ງສຳຄັນທີ່ຈະເຮັດໃຫ້ຂວັນໄດ້ຢູ່ກັບເຮົາຕະຫຼອດໄປ.

- WhatsApp Image 2020 05 27 at 5 - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ
- WhatsApp Image 2020 05 27 at 5 - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ
- WhatsApp Image 2020 05 27 at 5 - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ
- WhatsApp Image 2020 05 27 at 5 - ເວົ້າເລື່ອງຄວາມສຳຄັນຂອງ “ຂວັນ” ແລະການສູ່ຂວັນ
error: Alert: Content is protected !!