ໄນກີ້ ຮັບຊັບ ຫລັງ ໄທເກີ ວູດ ຄວ້າແຊ້ມ

- advert banner 728 90 728x90 - ໄນກີ້ ຮັບຊັບ ຫລັງ ໄທເກີ ວູດ ຄວ້າແຊ້ມ

       ​ເອ​ເພັກ ມາ​ເກັດ​ຕິງ ລະບຸ​ວ່າ: ​ໄຊຊະນະ​ໃນ​ວັນ​ທີ 14 ​ເມສາ ຂອງ ​ໄທ​ເກີ ວູດ ຖື​ເປັນ​​ໄຊຊະນະ​ຂອງ ​ໄນ​ກີ້ ຜູ້​ຜະລິດ​ເສື້ອຜ້າ ​ແລະ ອຸປະກອນ​ກິລາ​ລາຍ​ໃຫຍ່​ຂອງ​ໂລກ​ນຳ ​ໂດຍ​ໃນ​ການ​ແຂ່ງຂັນ ​ເດິ​ມາສ​ເຕີ 2019 ນີ້ ​ໄນ​ກີ້ ມີ​ລາຍ​ໄດ້ປະມານ 22.540.000 ​ໂດ​ລາ.

      ​ໄທ​ເກີ ວິດ ນັກກ໊ອຟ​ເຊື້ອສາຍ​ໄທ-ອາ​ເມ​ລິ​ກາ ຄວ້າ​ແຊ້ມ ​ເດິ ມາສ​ເຕີ 2019 ​ໂດຍ ​ໄທ​ເກີ ວູດ ລົງ​ແຂ່ງ​ໃນ​ວັນ​ທີ 4 ​ເຊິ່ງ​ເປັນ​ວັນ​ສຸດ​ທ້າຍ ມີ​ຄະ​ແນນ​ລວມ -11 ຕາມ​ຜູ້ນຳ​ຄື ຟຣານ​ເຊ​ສ​ໂກ ​ໂມ​ລິ​ນາຣີ ຢູ່ 2 ສະ​ໂຕກ ​ແລະ ​ເຮັດ​ເບີ​ດີ້​ເພີ່ມ​ອີກ 6 ຂຸມ ​ແລະ ​ໂບກີ້ 4 ຂຸມ ​ເຮັດ​ຄະ​ແນນ​ເພີ່ມ -2 ​ເຮັດ​ໃຫ້​ຈົບ 4 ວັນ​ໄດ້​ຄະ​ແນນ​ລວມ -13 ຊະນະ​ນັກກ໊ອຟອີກ​ສາມ​ຄົນ​ທີ່​ໄດ້​ອັນ​ດັບ​ສອງ​ຮ່ວມ​ກັນ​ໄປ​ພຽງ 1 ສະ​ໂຕກ.

      ​ໄທ​ເກີ ວູດ ​ຖື​ເປັນ​ແຊ້ມ​ເດິ ມາສ​ເຕີ ທີ່​ອາຍຸ​ຫລາຍ​ທີ່​ສຸດ​ໃນ​ຮອບ 33 ປີ ຄື​ນັບ​ແຕ່​ປີ 1986 ທີ່ ​ແຈັກ ນິກຄອດ ຄວ້າ​ແຊ້ມຄັ້ງທີ 6 ​ໃນ​ໄວ 46 ປີ, ​ແຕ່ ​ໄທ​ເກີ ວູດ ຍັງ​ມີ​ເວລາ​ທີ່​ຈະ​ສ້າງ​ສະຖິຕິ​ທຽບ​ເທົ່າ​ກັບ​ທີ່ ນິກຄອດ ​ເຮັດ​ໄວ້​ໃນ​ລາຍການ​ນີ້ ທັງ​ໃນ​ສ່ວນ​ຂອງ​ອາຍຸ ​ແລະ ຈຳນວນ​ຄັ້ງທີ່​ຄວ້າ​ແຊ້ມ ​ເຊິ່ງ ນິກຄອດ ​ເຮັດ​ໄວ້ 6 ຄັ້ງ. ອີກ​ທັງ ​ໄທ​ເກີ ວູດ ຍັງ​ຕາມ​ຫລັງ​ຈຳນວນ​ແຊ້ມ​ເມ​ເຈີ​ຫລາຍ​ທີ່​ສຸດ​ໃນ​ວົງ​ການກ໊ອຟ ​ເຊິ່ງ ນິກຄອດ ​ເຮັດ​ໃຫ້ 18 ລາຍການ.

- 1 1 - ໄນກີ້ ຮັບຊັບ ຫລັງ ໄທເກີ ວູດ ຄວ້າແຊ້ມ
- Tiger Head 728x90 - ໄນກີ້ ຮັບຊັບ ຫລັງ ໄທເກີ ວູດ ຄວ້າແຊ້ມ

       ສ່ວນ ​ໄນ​ກີ້  ​ເຊິ່ງ​ເປັນ​ຜູ້​ສະໜັບສະໜູນ​ເສື້ອ, ​ໂສ້ງ, ​​ເກີບ ​ແລະ ໝວກ​ທີ່ ​ໄທ​ເກີ ວູດ ​ໃສ່ ຮັບ​ຜົນ​ປະ​ໂຫຍ​ດ​ໄປ​ເຕັມໆ​ຈາກ​ໄຊຊະນະ​ຄັ້ງນີ້​ຂອງ​ລາວ ​ໂດຍ​ເສື້ອຜ້າ ​ແລະ ໝວກ​ແບບ​ ​ໄທ​ເກີ ວູດ ​ໃສ່​ຊ່ວງ​ລົງ​ສະໜາມ​ແຂ່ງ​ຂາຍ​ໝົດ​ໃນ​ເວລາ​ວ່ອງ​ໄວ​ທາງ​ເວັບ​ໄຊ​ຂອງ ​ໄນກີ້.

      ນອກຈາກ​ນີ້, ​ເອ​ເພັກ ມາ​ເກັດ​ຕິງ ຍັງ​ຕີ​ລາຄາ​ວ່າ: ມອນ​ສະ​ເຕີ ອີ​ເນີ​ຢີ ​ໄດ້​ເງິນ​ຈາກ​ການ​ເປັນ​ຜູ້​ສະໜັບສະໜູນ​ຖົງ​ກ໊ອຟ​ໃຫ້ ​ໄທ​ເກີ ວູດ ​ໄປ​ປະມານ 958.333 ​ໂດ​ລາ, ສ່ວນ ບຣິດສະ​ໂຕນ ມີ​ລາຍ​ໄດ້​ໃນ​ຖານະ​ເປັນ​ຜູ້​ສະໜັບສະໜູນ​ລູກກ໊ອຟ​ໃຫ້ ​ໄທ​ເກີ ວູດ ປະມານ 134.167 ​ໂດ​ລາ.

error: Content is protected !!