ຜູ້ບໍລິຫານ ບາເຊໂລນາ ກາລັນຕີແລ້ວ ເລື່ອງອະນາຄົດ ຄູຕິນໂຢ

- advert banner 728 90 728x90 - ຜູ້ບໍລິຫານ ບາເຊໂລນາ ກາລັນຕີແລ້ວ ເລື່ອງອະນາຄົດ ຄູຕິນໂຢ

      ​ໂຈ​ເຊບ ມາ​ເຣຍ ບາ​ໂຕ​ເມ​ວ ຜູ້​ບໍລິຫານ​ໃຫຍ່ ບາ​ເຊ​ໂລນາ ຍອດ​ສະ​ໂມ​ສອນ​ບານ​ເຕະ​ໃນ ລາ ລີ​ກາ ສະ​ເປ​ນ ຢືນຢັນ​ວ່າ: ຟິລິບ​ເປ້ ຄູ​ຕິນ​ໂຢ ກອງ​ກາງ​ຕົວ​ບຸກຊາວບຣາຊິນ ຈະ​ບໍ່​ຍ້າຍ​ອອກ​ຈາກ​ຖິ່ນ ຄຳ​ນູ ​ໃນ​ຊ່ວງ​ໜ້າ​ຮ້ອນ​ນີ້​ຢ່າງ​​ແນ່ນອນ ​ເຖິງ​ວ່າ​ນັກ​ເຕະ​ກຳລັງ​ມີ​ຂ່າວ​ກ່ຽວ​ກັບ ​ແມນ​ເຊັສ​ເຕີ ຢູ​ໄນ​ເຕັດ ​ແລະ ​ເຊ​ລຊີ ສອງ​ສະ​ໂມ​ສອນ​ຍັກ​ໃຫຍ່ ພຣີ​ເມຍ​ລີກ ອັງກິດ ກໍ​ຕາມ.

       ຄູ​ຕິນ​ໂຢ ຍ້າຍ​ຈາກ ລິ​ເວີ​ພູລ ມາ​ຮ່ວມ​ທັບ ບາ​ຊາ ດ້ວຍ​ຄ່າ​ຕົວ​ສູງ​ເຖິງ 142 ລ້ານ​ປອນ ​ໃນ​ເດືອນ​ມັງກອນ​ປີ​ກ່ອນ ​ແຕ່​ພັດ​ສ້າງ​ຜົນງານ​ໄດ້​ຕໍ່າ​ກວ່າ​ທີ່​ຄາດ​ຫວັງ ​ເຮັດ​ໃຫ້​ມີ​ກະ​ແສ​ຂ່າວ​ວ່າ​ລາວ​ຈະ​ຫວນ​ກັບ​ໄປ​ຫລິ້ນ​ໃນ ພຣີ​ເມຍ​ລີກ ອີກ​ຄັ້ງ.

      ​ເຖິງ​ຢ່າງ​ໃດ​ກໍ​ຕາມ, ຫລ້າ​ສຸດ ບາ​ໂຕ​ເມ​ວ ລະບຸ​ຈະ​​ແຈ້ງວ່າ: ດາວ​ເຕະ​ທີ​ມຊາດ​ບຣາຊິນ​ໄວ 26 ປີ ຍັງ​ຢູ່​ໃນ​ແຜນການ​ສ້າງ​ທີ​ມຂອງ​ຜູ້​ຈັດການ​ທີ​ມ ບັລ​ເບ​ເດ້ ​ແຕ່​ອາດ​ຈະ​ຍ້າຍ​ອອກ​ຈາກ​ທີ​ມ​ໄດ້ ຖ້າ​ມີ​ສະ​ໂມ​ສອນ​ໃດ​ກ້າ​ທຸ້ມຊື້ຕາມ​ຄ່າ​ຈີກ​ສັນຍາ ​ເຊິ່ງ​ເຊື່​ອກັນ​ວ່າ ອາດ​ຈະ​ຢູ່​ປະມານ 355 ລ້ານ​ປອນ.

- 1 1 - ຜູ້ບໍລິຫານ ບາເຊໂລນາ ກາລັນຕີແລ້ວ ເລື່ອງອະນາຄົດ ຄູຕິນໂຢ
- lattana 1 - ຜູ້ບໍລິຫານ ບາເຊໂລນາ ກາລັນຕີແລ້ວ ເລື່ອງອະນາຄົດ ຄູຕິນໂຢ

      ພ້ອມ​ກັນນັ້ນ ບາ​ໂຕ​ເມ​ວ ຍັງ​ປະຕິ​ເສດ​​ກະ​ແສ​ຂ່າວ​ລື​ທີ່​ວ່າ: ບາ​ຊາ ມີ​ແຜນ​ຈະ​ດຶງ ​ເນຍມາ ດາວ​ຍິງ​ຊຸບ​ເປີ​ສະ​ຕາ​ຊາວບຣາຊິນ ກັບ​ມາ​ຈາກ ປາຣີ ​ແຊງ​ແຊກ​​ແມງ ພ້ອມ​ຍ້ອງ ອຸສມານ ​ເດ​ມ​ເບ​ເລ່ ປີກດາວ​ຮຸ່ງ​ຊາວ​ຝຣັ່ງ ຕອນ​ນີ້​ເກັ່ງ​ກວ່າ ​ເນ​ມາ ອີກ.

error: Content is protected !!