ຢໍໂຄວິດ ຟາດໄມ້ຕີເທັນນິສໃສ່ສະໜາມ

- advert banner 728 90 728x90 - ຢໍໂຄວິດ ຟາດໄມ້ຕີເທັນນິສໃສ່ສະໜາມ

       ​ໂນ​ວັກ ຢໍ​ໂຄ​ວິດ ຟາດ​ໄມ້ຕີ​ເທັນ​ນິສ​ໃສ່​ພື້ນສະໜາມ​ໃນ​ຮອບ​ສອງ​ຂອງ​ການ​ແຂ່ງຂັນ ມອນ​ຕິ ຄາ​ໂລ ​ໂອ​ເພັນ ​ໂດຍສາ​ເຫດ​ເປັນ​ຍ້ອນ​ອາລົມ​ຮ້າຍ​ທີ່​ຕົນ​ເອງ​ຫລິ້ນ​ໄດ້​ໜ້າ​ຜິດ​ຫວັງ.

- lattana 1 - ຢໍໂຄວິດ ຟາດໄມ້ຕີເທັນນິສໃສ່ສະໜາມ

      ​ໂນ​ວັກ ຢໍ​ໂຄ​ວິດ ນັກ​ເທັນ​ນິສຄົນ​ດັງ ອາລົມ​ຮ້າຍ​ຈົນ​ເຖິງ​ຂັ້ນຟາດ​ໄມ້ຕີ​ເທັນ​ນິສ​ໃສ່​ພື້ນສະໜາມ​ແບບ​ເຕັມ​ແຮງ​ລະຫວ່າງ​ລົງ​ຫລິ້ນຮອບ​ສອງ​ຂອງ​ລາຍການ ມອນ​ຕິ ຄາ​ໂລ ​ໂອ​ເພັນ ທີ່​ພົບ​ກັບ ​ຟິລິບ ​ໂຄ​ໄຣ​ເບີ ນັກ​ເທັນ​ນິສຊາວ​ເຢຍລະ​ມັນ ​ໃນ​ວັນ​ທີ 16 ​ເມສາ​ຜ່ານ​ມາ.

      ຢໍ​ໂຄ​ວິດ ​ເຊິ່ງ​ເປັນ​ມື 1 ຂອງ​ໂລກ ​ແລະ ຂອງ​ລາຍການ​ນີ້ ມີ​ທ່າ​ທີ​ວ່າ​ຈະ​ເຂົ້າຮອບ​ສາມ​ໄດ້​ແບບ​ສະບາຍ ຫລັງ​ຈາກ​ໃນ​ເຊັດ​ທຳ​ອິດ​ເອົາ​ຊະນະ ​ໂຄ​ໄຣ​ເບີ ​ໄປ​ກ່ອນ 6-3 ​ແຕ່​ໃນ​ເຊັດ​ສອງ​ອີກ​ຝ່າຍ​ສູ້​ໄດ້​ດີ​ຜິດ​ຄາດ ຈົນ​ເຮັດ​ໃຫ້​ນັກ​ເທັນ​ນິສຊາວ​ເຊີບ​ເສຍ​ໄປ​ໃນ​ເຊັດ​ນີ້ 4-6.

      ທັງ​ນີ້ ​ໃນ​ລະຫວ່າງ​ເຊັດ​ສອງ​ນັ້ນ ມີຢູ່​ຈັງຫວະ​ໜຶ່ງ​ທີ່ ຢໍ​ໂຄ​ວິດ ຕີ​ລູກ​ແບັກ​ແຮນ​ອອກ​ໄປ​ເອງ ຈົນ​ເຮັດ​ໃຫ້​ຖືກ​ອີກ​ຝ່າຍ​ຢຸດ​ເກ​ມ​ເສີ​ບ​ໄດ້ ​ແລະ ​ເຮັດ​ໃຫ້​ຂຶ້ນນຳ 4-2 ​ເຊິ່ງນັກ​ເທັນ​ນິສຊາວ​ເຊີບ​ກໍ​ຜິດ​ຫວັງ​ກັບ​ຟອມຂອງ​ຕົນ​ເອງ ຈົນ​ຟາດ​ໄມ້ຕີ​ເທັນ​ນິສກັບ​ສະໜາມ​ຢ່າງ​ໜັກ.

- 1 1 - ຢໍໂຄວິດ ຟາດໄມ້ຕີເທັນນິສໃສ່ສະໜາມ

     ນອກຈາກ​ນີ້ ຍັງ​ມີ​ຈັງຫວະ​ໜຶ່ງ​ທີ່ ຢໍ​ໂຄ​ວິດ ພະຍາຍາມ​ແລ່ນ​ຕີ​ໃຫ້​ໄດ້ ກ່ອນ​ຈະ​ໂຍນ​ໄມ້ຕີ ຈົນ​ເຮັດ​ໃຫ້​ໄມ້​ລອຍອອກ​ນອກ​ສະໜາມ​ຜູ້​ຊົມ ຍັງ​ດີ​ທີ່​ບໍ່​ມີ​ໃຜ​ໄດ້​ຮັບ​ບາດ​ເຈັບ ​ໂດຍ​ເຊັດ​ສຸດ​ທ້າຍ ຢໍ​ໂຄ​ວິດ ຮຽກ​ຟອມກັບ​ມາ​ໄດ້​ຈົນ​ເອົາ​ຊະນະ​ໄປ​ໄດ້ 6-4 ​ແລະ ​ເຂົ້າສູ່​ຮອບ 3 ​ໄດ້​ສຳ​ເລັດ.