ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນ

- advert banner 728 90 728x90 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນ

ພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດຂຶ້ນເມື່ອບໍ່ດົນມານີ້ທີ່ກະຊວງດັ່ງກ່າວ.

- lattana 1 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນ

  ໃນພິທີໄດ້ຜ່ານບົດສະຫລຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງກະຊວງ ປທສ ໃນໄລຍະຜ່ານມາ, ຊຶ່ງຄະນະໜ່ວຍພັກໄດ້ມີຄວາມເອົາໃຈໃສ່ໃນການຊີ້ນຳ-ນຳພາຕໍ່ວຽກງານທີ່ພັກ-ລັດໄດ້ມອບໝາຍໃຫ້, ໂດຍຖືເອົາວຽກງານສຶກສາອົບຮົມການເມືອງ-ແນວຄິດເປັນຕົ້ນຕໍ ເຮັດໃຫ້ສະມາຊິກພັກສ່ວນຫລາຍຍັງຮັກສາຄຸນທາດການເມືອງໄດ້ຢ່າງໜັກແໜ້ນ, ມີອຸດົມການ ແລະ ມີນໍ້າໃຈປະຕິວັດສູງ, ໂດຍປະຕິບັດຕາມແນວທາງຂອງພັກ, ລະບຽບກົດໝາຍຂອງລັດ, ມີການເຄື່ອນໄຫວຕາມແບບແຜນທີ່ໄດ້ກຳນົດໄວ້ ແລະ ສືບຕໍ່ປັບປຸງໜ່ວຍພັກຂອງຕົນໃຫ້ມີຄວາມໜັກແໜ້ນ, ເຂັ້ມແຂງເທື່ອລະກ້າວ, ພ້ອມກັນຕັ້ງໜ້າປະຕິບັດວຽກງານການເມືອງ-ແນວຄິດ ຕິດພັນກັບວຽກງານວິຊາສະເພາະ ທີ່ໄດ້ຮັບມອບໝາຍຢ່າງມີຜົນສຳເລັດ, ຄະນະໜ່ວຍພັກ ແລະ ສະມາຊິກພັກແຕ່ລະສະຫາຍໄດ້ສຸມໃສ່ວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕາມ 5 ດ້ານ: ນຳພາດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນວິທີນຳພາ ແລະ ປະຕິບັດໜ້າທີ່ການເມືອງ, ສາມາດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຈຳນວນ 17 ໜ່ວຍພັກ.

  ໃນພິທີຍັງໄດ້ມອບໃບຍ້ອງຍໍຜົນງານການປະຕິບັດວຽກງານປະຈຳປີ 2018 ໃຫ້ພະນັກງານ-ລັດຖະກອນ ແລະ ມອບຫລຽນກາທີ່ລະນຶກວັນສະເຫລີມສະຫລອງເມືອງວຽງໄຊ ຖານທີ່ໝັ້ນການປະຕິວັດລາວຄົບຮອບ 50 ປີ.

- 1 1 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນ