ຕ້ອງໄດ້ຕາມຕ້ອງການ ! ແຣຊຟອດ ຢຸດເຈລະຈາຕໍ່ສັນຍາ ແມນຢູ

- advert banner 728 90 728x90 - ຕ້ອງໄດ້ຕາມຕ້ອງການ ! ແຣຊຟອດ ຢຸດເຈລະຈາຕໍ່ສັນຍາ ແມນຢູ

      ​ເດ​ລີ ​ເມລ ສື່​ຂອງ​ອັງກິດ ລາຍ​ງານ​ວ່າ: ມາຣຄັສ ​ແຣຊຟອດ ຫົວ​ຫອກ ​ແມນ​ເຊັສ​ເຕີ ຢູ​ໄນ​ເຕັດ ​ແລະ ນາຍ​ໜ້າ​ຂອງ​ລາວ ຢຸດ​ການ​ເຈລະຈາ​ເລື່ອງ​ສັນຍາ​ສະບັບ​ໃໝ່​ກັບ ​ແມນ​ຢູ ​ໂດຍ​ພວກ​ເຂົາ​ຢາກ​ໃຫ້ ​ແຣຊຟອດ ​ໄດ້​ຄ່າ​ເມື່ອຍ​ເກີນ​ອາທິດ​ລະ 200.000 ປອນ ​ແລະ ຢາກ​ໄດ້​ຮັບ​ການ​ຮັບປະກັນ​ອີກ​ວ່າ: ​ແຣຊຟອດ ຈະ​ເປັນ​ກອງ​ໜ້າ​ຕົວ​ຫລັກ​ຂອງ​ທີ​ມ​ໄປ​ດົນໆ.

     ມາຣຄັສ ​ແຣຊຟອດ ກອງ​ໜ້າ ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ​ເວທີ ພຣີ​ເມຍ​ລີກ ອັງກິດ ​ແລະ ທີ​ມງານ​ຂອງ​ລາວ ຢຸດ​ເລື່ອງ​ການ​ຕໍ່​ສັນຍາ​ກັບ​ທີ​ມອອກ​ໄປ ​ເພາະ​ຕ້ອງການ​ໃຫ້ ​ແມນ​ຢູ ຍອມ​ຈ່າຍ​ຄ່າ​ເມື່ອຍ​ໃນ​ລະດັບ​ຫລາຍ​ກວ່າ 200.000 ປອນ​ຕໍ່​ອາທິດ.

      ​ແຣຊຟອດ ຖື​ເປັນ​ໜຶ່ງ​ໃນ​ຄວາມ​ຫວັງ​ຫລັກ​ຂອງ​ທີ​ມສຳລັບ​ການ​ຍິງ​ປະຕູ​ໃນ​ຕອນ​ນີ້ ​ໂດຍ​ປັດຈຸບັນ​ລາວ​ເປັນ​ດາວ​ຊັລ​ໂວ​ສູງ​ສຸດ​ອັນ​ດັບ 3 ຂອງ​ທີ​ມ ດ້ວຍ​ຈຳນວນ 13 ປະຕູ ຈາກ​ການ​ລົງ​ຫລິ້ນ 42 ນັດ​ໃນ​ທຸກ​ລາຍການ ​ໂດຍ​ອັນ​ດັບ 1 ຄື ປອລ ປ໊ອກບາ ທີ່​ຍິງ​ໄປ 16 ປະຕູ, ສ່ວນ ​ໂຣ​ເມ​ລູ ລູກາ​ກູ ຕາມ​ມາ​ເປັນ​ທີ 2 ​ໃນ​ຈຳນວນ 15 ລູກ.

      ທັງ​ນີ້ ​ແຣຊຟອດ ຈະ​ໝົດ​ສັນຍາ​ກັບ ​ແມນ​ເຊັສ​ເຕີ ຢູ​ໄນ​ເຕັດ ​ໃນ​ຊ່ວງ​ໜ້າ​ຮ້ອນ​ປີໜ້າ ​ໂດຍ ​ແມນ​ຢູ ມີ​ອັອບຊັນ​ຈະ​ຂະຫຍາຍ​ສັນຍາ​ຂອງ​ລາວ​ອອກ​ໄປ 1 ​ປີ ​ແຕ່​ຍອດ​ທີ​ມ​ແຫ່ງ​ຖິ່ນ ​ໂອລ ​ແທຣັບຟອດ ກໍ​ພະຍາຍາມ​ຈະ​ຈັບ​ລາວ​ຕໍ່​ສັນຍາ​ໄລຍະ​ຍາວ​ມາ​ໂດຍ​ຕະຫລອດ ​ແລະ ກ່ອນ​ໜ້າ​ນີ້ ການ​ເຈລະຈາ​ຂັ້ນຕົ້ນລະຫວ່າງ​ທຸກ​ຝ່າຍ​ເປັນ​ໄປ​ໄດ້​ດ້ວຍ​ດີ ຈົນ​ເຮັດ​ໃຫ້ ​ແມນ​ເຊັສ​ເຕີ ຢູ​ໄນ​ເຕັດ ໝັ້ນ​ໃຈ​ວ່າ​ດາວ​ເຕະ​ທີ​ມຊາດ​ອັງກິດ​ອາດ​ຈະ​ຕໍ່​ສັນຍາ​ກັບ​ພວກ​ເຂົາ​ແນ່ນອນ.

- Tiger Head 728x90 - ຕ້ອງໄດ້ຕາມຕ້ອງການ ! ແຣຊຟອດ ຢຸດເຈລະຈາຕໍ່ສັນຍາ ແມນຢູ
- 1 1 - ຕ້ອງໄດ້ຕາມຕ້ອງການ ! ແຣຊຟອດ ຢຸດເຈລະຈາຕໍ່ສັນຍາ ແມນຢູ

      ​ເຖິງ​ຢ່າງ​ໃດ​ກໍ​ຕາມ, ຫລ້າ​ສຸດ ​ເດ​ລີ ​ເມລ ລາຍ​ງານ​ວ່າ: ຝ່າຍ​ຂອງ ​ແຣຊຟອດ ​ເບິ່ງ​ວ່າ​ພວກ​ເຂົາ​ບໍ່​ຈຳ​ເປັນ​ຕ້ອງ​ຮີບ​ຮ້ອນ​ຕົກລົງ​ຕໍ່​ສັນຍາ​ແຕ່​ຢ່າງ​ໃດ ​ແລະ ຕັດສິນ​ໃຈ​ຢຸດ​ການ​ເຈລະຈາ​ເອົາ​ໄວ້​ກ່ອນ ​ເພາະ​ຕອນ​ນີ້​ພວກ​ເຂົາ​ເປັນ​ຝ່າຍ​ໄດ້​ປຽບ​ໃນ​ການ​ເຈລະຈາ​ເລື່ອງ​ສັນຍາ​ສະບັບ​ໃໝ່ ​ໂດຍ​ພວກ​ເຂົາ​ຢາກ​ໃຫ້ ​ແຣຊຟອດ ​ໄດ້​ຄ່າ​ເມື່ອຍ​ຫລາຍ​ກວ່າ​ອາທິດ​ລະ 200.000 ປອນ ຫລັງ​ຈາກ​ເຊື່ອ​ກັນ​ວ່າ​ຕອນ​ນີ້​ສູນ​ໜ້າ​ຊາວ​ອັງກິດ​ຮັບ​ຄ່າ​ເມື່ອຍ​ຢູ່​ທີ່ 80.000 ປອນ​ຕໍ່​ອາທິດ. ນອກຈາກ​ນີ້ ພວກ​ເຂົາ​ກໍ​ຢາກ​ໄດ້​ຮັບ​ການ​ຮັບປະກັນ​ອີກ​ວ່າ: ​ແຣຊຟອດ ຈະ​ຍັງ​ເປັນ​ສູນ​ໜ້າ​ຕົວ​ຫລັກ​ຂອງ​ທີ​ມ​ໃນ​ໄລຍະ​ຍາວ.

      ສຳລັບ ​ແຣຊຟອດ ນັ້ນ ມີ​ຂ່າວ​ວ່າ ບາ​ເຊ​ໂລ​ນາ ​ໃຫ້​ຄວາມ​ສົນ​ໃຈ​ທີ່​ຈະ​ດຶງ​ລາວ​ໄປ​ຮ່ວມ​ທັບ​ໃນ​ຊ່ວງ​ຜ່ານ​ມາ ຫລັງ​ຈາກ ອາ​ຊູ​ລກຣານ່າ ກຳລັງ​ຕ້ອງການ​ດາວ​ຍິງ​ຄົນ​ໃໝ່​ເພື່ອ​ເອົາ​ໄປ​ແທນ ຫລຸຍ ຊົວ​ເຣຊ ​ເຊິ່ງອາຍຸ​ຫລາຍ​ຂຶ້ນຈົນ​ຟອມຕົກ.

error: Content is protected !!