ບາດຄ້ອນຂອງ ກິມ ຈ໋ອງອຸນ

ບາດຄ້ອນຂອງ ກິມ ຈ໋ອງອຸນ - advert banner 728 90 728x90 - ບາດຄ້ອນຂອງ ກິມ ຈ໋ອງອຸນ

      ພາຍຫລັງການພົບປະຂອງສອງຜູ້ນຳຄັ້ງທີສອງຢູ່ຮ່າໂນ້ຍ ວັນທີ 27-28/2 ບໍ່ສຳເລັດ, ຜູ້ນຳ ສປປ ເກົາຫລີ ກິມ ຈ໋ອງອຸນ ໄດ້ຕອບໂຕ້ຕໍ່ພວກອິດທິກຳລັງປໍລະປັກປິດລ້ອມເສດຖະກິດຕໍ່ປະເທດຂອງເຂົາດ້ວຍວິທີການຫັນມາ: ເພິ່ງຕົນເອງ ກຸ້ມຕົນເອງທາງດ້ານເສດຖະກິດໃນແຂງແກ່ນຂຶ້ນ. ທ່ານກ່າວຢູ່ໃນກອງປະຊຸມກຳມະການສູນກາງພັກ ແຮງງານໃນວັນທີ 10/4 ວ່າ: “ພວກເຮົາຕ້ອງໂມ້ງບາດຄ້ອນໜັກໆໃສ່ບັນດາອິດທິກຳລັງປໍລະປັກທີ່ຫວັງໂຄ່ນລົ້ມ ພວກເຮົາດ້ວຍການປິດລ້ອມທາງດ້ານເສດຖະກິດ. ຢາກເຮັດໄດ້ຄືແນວນັ້ນ, ພວກເຮົາຈະຕ້ອງຍູ້ແຮງການພັດທະນາ ປະເທດຊາດໃຫ້ສູງຂຶ້ນດ້ວຍກຳລັງແຮງຂອງຕົນເອງ, ສອດຄ່ອງກັບສະພາບຄວາມເປັນຈິງຂອງປະເທດຊາດ, ອີງໃສ່ ກຳລັງແຮງທີ່ເຮົາມີ, ເຕັກໂນໂລຊີ ແລະ ທ່າແຮງທີ່ພວກເຮົາມີຢູ່”.

ບາດຄ້ອນຂອງ ກິມ ຈ໋ອງອຸນ - new3 - ບາດຄ້ອນຂອງ ກິມ ຈ໋ອງອຸນ

      ໃນໄລຍະມໍ່ໆມານີ້, ທ່ານ ກິມ ຈ໋ອງອຸນ ມັກຈະເວົ້າເຖິງການພັດທະນາເສດຖະກິດຂອງປະເທດໃນສະພາບຖືກປິດ ລ້ອມເສດຖະກິດຢູ່ສະເໝີ.

      ສື່ໂທລະພາບຂອງ ສປປ ເກົາຫລີ ໄດ້ເຜີຍແຜ່ພາບການເຄື່ອນໄຫວເປັນເວລາ 5 ວັນ ຂອງທ່ານ ກິມ ຈ໋ອງອຸນ ຢ້ຽມຢາມບັນດາໂຄງການເສດຖະກິດຕ່າງໆ, ໃນນັ້ນ ມີທັງສູນການຄ້າ, ສະຖານທີ່ພັກຜ່ອນການບໍລິການການທ່ອງ ທ່ຽວ ແລະ ເຂດເສດຖະກິດຕິດກັບຊາຍແດນຂອງຈີນ.

ບາດຄ້ອນຂອງ ກິມ ຈ໋ອງອຸນ - lattana 1 - ບາດຄ້ອນຂອງ ກິມ ຈ໋ອງອຸນ

       ຈາກຄຳເວົ້າ ແລະ ພຶດຕິກຳການເຄື່ອນໄຫວຂອງເຂົາຢູ່ພາຍໃນປະເທດໄລຍະຜ່ານມາ ສະແດງໃຫ້ເຫັນວ່າ: ເຂົາໝົດຄວາມອົດກັ້ນຕໍ່ການເຈລະຈາທີ່ບໍ່ປະສົບຜົນສຳເລັດ ແລະ ການປິດລ້ອມເສດຖະກິດທີ່ບໍ່ມີຄວາມຫວັງຈະຍົກ ເລີກນັ້ນອີກຕໍ່ໄປ, ທ່ານຈຶ່ງຫັນທິດມາເພິ່ງຕົນເອງ ກຸ້ມຕົນເອງທາງດ້ານເສດຖະກິດ ໂດຍອີງໃສ່ກຳລັງແຮງ ແລະ ຄວາມອາດສາມາດທີ່ຕົນມີຢູ່. ອັນນີ້ເອີ້ນວ່າແມ່ນການໂມ້ງບາດຄ້ອນຂອງທ່ານ ກິມ ຈ໋ອງອຸນ ໃສ່ພວກອິດທິກຳລັງປໍລະປັກປິດລ້ອມເສດຖະກິດຕໍ່ປະເທດຂອງທ່ານ.

error: Content is protected !!