ຊົມ​ເຊີຍ​ອົງການ ຄບຕ

ຊົມ​ເຊີຍ​ອົງການ ຄບຕ - advert banner 728 90 728x90 - ຊົມ​ເຊີຍ​ອົງການ ຄບຕ

ໂດຍ: ທ່ຽງ​ທຳ

ຊົມ​ເຊີຍ​ອົງການ ຄບຕ - lattana 1 - ຊົມ​ເຊີຍ​ອົງການ ຄບຕ

ສະບາຍດີ, ເພື່ອນຜູ້ອ່ານ ທີ່ຮັກແພງ, ໃນໂອກາດສະ ເຫລີມສະຫລອງບຸນປີໃໝ່ ລາວປີນີ້, ສຳລັບຢູ່ນະຄອນ ຫລວງວຽງຈັນເຮົາ, ກໍນັບວ່າ ມີຄວາມພາກພູມໃຈເປັນຢ່າງຍິ່ງຕໍ່ການປະຕິບັດພາ ລະບົດບາດ ແລະ ໜ້າທີ່ຂອງ ອົງການຄຸ້ມຄອງ ແລະ ບໍລິ ການຕົວເມືອງວຽງຈັນ (ຄບຕ), ໂດຍ ສະເພາະແມ່ນຄວາມຂະຫຍັນອະນາໄມປັດ ກວາດ ແລະ ຈັດເກັບຂີ້ເຫຍື້ອ ໃນໄລຍະວັນບຸນດັ່ງກ່າວ.

ເຖິງວ່າບໍ່ທັນໄດ້ 100% ແຕ່ກໍ ເປັນຕົວແບບໃໝ່ຂອງການກຳຈັດຂີ້ເຫຍື້ອໃນຕົວເມືອງຫລວງໄລຍະວັນບຸນ ສຳຄັນຕ່າງໆ ເມື່ອທຽບກັບ ໄລຍະຫລາຍປີຜ່ານມາ, ອັນໄດ້ປະປ່ອຍໃຫ້ເສດຂີ້ເຫຍື້ອໃນຍາມບຸນປິວໄງ່ທົ່ວເສັ້ນທາງຕ່າງໆ  ແລະ ປະປ່ອຍໃຫ້ຖົງຂີ້ເຫຍື້ອຂອງປະຊາຊົນຕາມຄຸ້ມບ້ານຕ່າງໆເໝັນເໝົ່າໄປຢ່າງບໍ່ມີໃຜຮັບຜິດຊອບ.

ແຕ່ກົງກັນຂ້າມໃນໄລຍະມື້ບຸນສົງການປີນີ້ຖືວ່າ  ສິ່ງດັ່ງກ່າວມີປາກົດໃຫ້ເຫັນ ໜ້ອຍລົງ-ແຕ່ເຊົ້າມືດຂອງທຸກມື້ ຈະມີພະນັກງານປັດກວາດຂີ້ເຫຍື້ອຂອງອົງການ ດັ່ງກ່າວອອກມາອະນາໄມ ປັດກວາດ  ແລະ ເກັບມ້ຽນຂີ້ເຫຍື້ອ, ເສດຖົງຢາງຢູ່ຕາມສາຍທາງຫລັກຂອງມວນ ຊົນອອກມາສະຫລອງປີ  ໃໝ່, ດັ່ງເສັ້ນທາງສາມແສນໄທ, ເສດຖາທິລາດ, ເຈົ້າອານຸ, ມີໄຊ ແລະ ເຂດເສັ້ນທາງແຄມຂອງ ຢ່າງມີຄວາມຮັບຜິດ ຊອບອັນເຮັດໃຫ້ສາຍທາງ ດັ່ງກ່າວມີຄວາມສະອາດຈົບງາມຕະຫລອດໄລຍະປີໃໝ່.

ອັນນີ້ໄດ້ກາຍເປັນຕົວ ແບບທີ່ດີໃນການຈັດຕັ້ງປະຕິບັດໜ້າທີ່ວຽກງານຂອງອົງການດັ່ງກ່າວ ແລະ ຖ້າວ່າທຸກ  ອົງການຫາກມີຄວາມຕື່ນ    ຕົວເປັນເຈົ້າການແບບນີ້ ກໍຈະ ຊ່ວຍເຮັດໃຫ້ການພັດທະນາ ບ້ານເມືອງເຮົາມີຄວາມຈະ ເລີນສີວິໄລໄວຂຶ້ນ.

ເຊິ່ງມັນກົງກັນຂ້າມກັບ  ຫລາຍພາກສ່ວນໃນສັງຄົມ ຕໍ່  ການປະຕິບັດຂໍ້ຫ້າມຕ່າງໆ ຂອງອຳນາດການປົກຄອງ ເຊັ່ນ: ວ່າຫ້າມບໍ່ໃຫ້ເອົານ້ຳໃສ່ ຖົງຢ່າງດຶກແກວ່ງໃສ່ກັນແຕ່  ກໍຍັງປາກົດເຫັນຢ່າງຫລວງຫລາຍ, ຫ້າມບໍ່ໃຫ້ເອົານ້ຳຂຶ້ນລົດຫົດສາດໃສ່ກັນແຕ່ກໍຍັງ  ມີຢູ່, ຫ້າມບໍ່ໃຫ້ເອົາສາຍໂຕ ໂຍຕໍ່ນ້ຳອອກມາຫົດລົດຫົດນ້ຳຕາມສາຍທາງຕ່າງໆ ນັ້ນ ກໍມີຢູ່ຢ່າງຫລວງຫລາຍໄປ ທາງໃດກໍພົບເຫັນ ແລະ ໃນ ຂະນະດຽວກັນນັ້ນກໍບໍ່ເຫັນເຈົ້າໜ້າທີ່ຜູ້ໃດອອກມາຕັກ ເຕືອນສະກັດກັ້ນ.

ຊົມ​ເຊີຍ​ອົງການ ຄບຕ - 1 1 - ຊົມ​ເຊີຍ​ອົງການ ຄບຕ

ການນຸ້ງນ້ອຍນຸ່ງໜ້ອຍ, ນຸ່ງເຂີນຂອງຍິງສາວຢ່າງ ຍົວະຍວນນັ້ນກໍປາກົດເຫັນຫລາຍ ແລະ ພ້ອມນັ້ນກໍແມ່ນການຕັ້ງວົງເຫລົ້າວົງເບຍ ອອກມາດື່ມກັນຢູ່ຕາມແຄມ ທາງບ້ານເຮືອນຕ່າງໆ ກໍມີນັບບໍ່ຖ້ວນ, ສິ່ງນີ້ພວກເຮົາລອງມາຕັ້ງຄຳຖາມນຳກັນ ອີກເບິ່ງວ່າ: ໃນຕໍ່ໜ້ານີ້ເຮົາຍັງ  ຈະສັ່ງຫ້າມອີກບໍ່? ຫລືຄວນມີມາດຕະການແນວໃດໃຫ້ເໝາະສົມ, ໄດ້ທັງຄວາມເບີກ ບ້ານມ່ວນຊື່ນ ແລະ ຄວາມ ເປັນລະບຽບຮຽບຮ້ອຍຂອງສັງຄົມ, ພ້ອມເປັນການສົ່ງ ເສີມວັດທະນະທຳອັນດີງາມ ຂອງບ້ານເມືອງເຮົາ./.

ຊົມ​ເຊີຍ​ອົງການ ຄບຕ - 674 1 - ຊົມ​ເຊີຍ​ອົງການ ຄບຕ

ຊົມ​ເຊີຍ​ອົງການ ຄບຕ - 58 - ຊົມ​ເຊີຍ​ອົງການ ຄບຕ