ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ

ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ - advert banner 728 90 728x90 - ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ

ຄື​ພວກ​ເຮົາ​ຮູ້​ນຳ​ກັນ​ວ່າ, ການສະເຫລີມສະຫລອງບຸນປີ​ໃໝ່​ລາວ ພສ 2562 ໄດ້ຜ່ານພົ້ນໄປດ້ວຍບັນຍາກາດເບີກບານມ່ວນຊື່ນ ແລະ ເປັນລະບຽບຮຽບຮ້ອຍໂດຍພື້ນຖານ, ສິ່ງທີ່ຊົມເຊີຍນັ້ນກໍແມ່ນວ່າປະຊາຊົນບັນດາເຜົ່າໄດ້ສືບຕໍ່ປົກປັກຮັກສາວັດທະນະທໍາ, ຂະນົບທໍານຽມ, ຮີດຄອງປະເພນີອັນດີງາມຂອງຊາດ ແລະ ເສີມຂະຫຍາຍມູນເຊື້ອຄວາມສາມັກຄີເປັນປືກແຜນແໜ້ນໜາຂອງຕົນ,ໄປຄຽງຄູ່ກັບສິ່ງທີ່ຕັ້ງໜ້ານັ້ນກໍເຫັນວ່າມີບາງດ້ານທີ່ພວກເຮົາຕ້ອງໄດ້ເບິ່ງຄືນເພື່ອຖອດຖອນເປັນບົດຮຽນໃນຕໍ່ໜ້າ, ໂດຍສະເພາະປາກົດການຫລີ້ນກິນຂອງສັງຄົມຍັງເຫັນວ່າມີລັກສະນະຟູມເຟືອຍ, ໂດຍສະເພາະແມ່ນການຈັດງານລ້ຽງສັງສັນຂອງບັນດາອົງການ, ສໍານັກງານ, ບໍລິສັດຫ້າງຮ້ານຕ່າງໆຍັງໜັກໄປທາງການກິນດື່ມມືນເມົາເປັນສ່ວນໃຫຍ່, ບາງກະຊວງສະຫລອງກັນແຕ່ຂັ້ນກົມຂຶ້ນໄປຮອດຂັ້ນກະຊວງ ແລະ ຂະແໜງການຕ່າງໆຂ້າງົວ,​ຂ້າຄວາຍເປັນຂອງກັບແກ້ມຢ່າງຟູມເຟືອຍ, ຂະນະດຽວກັນກໍມີການລະເມີດຂໍ້ຫ້າມຕ່າງໆທີ່ຂັ້ນເທິງວາງອອກ ເປັນຕົ້ນການສວຍໂອກາດຂຶ້ນລາຄາອາຫານ ຫລື ສີນຄ້າອຸປະໂພກ-ບໍລິໂພກຕາມທ້ອງຕະຫລາດ, ການເກັບຄ່າຝາກລົດແພງເກີນຂອບເຂດຢູ່ຕາມວັດວາອາຮາມ ຫລື ແຫລ່ງທ່ອງທ່ຽວຕ່າງໆ, ບັນຫາອຸປະຕິເຫດບົນທ້ອງຖະໜົນ ແລະ ປາກົດການຫຍໍ້ທໍ້ອື່ນໆ ເກີດມາຢ່າງຫລວງຫລາຍ, ການປະຕິບັດມາດຕະການປະຢັດມັດທະຍັດຍັງບໍ່ເຂັ້ມງວດ ແລະ ຄຽງຄູ່ກັນນັ້ນ ການເອົາໃຈໃສ່ລົງຕິດຕາມກວດກາຂອງເຈົ້າໜ້າທີ່ຢູ່ຍັງເຮັດໄດ້ໜ້ອຍ ແລະ ບໍ່ເຂັ້ມງວດ ຈຶ່ງພາໃຫ້ໃຜຢາກເຮັດຫຍັງກໍເຮັດ, ໂດຍບໍ່ຢ້ານກົວຕໍ່ລະບຽບກົດໝາຍ ແລະ ຂໍ້ຫ້າມໃດໆ, ສິ່ງນີ້ສ່ວນໜຶ່ງກໍອາດເປັນຍ້ອນຄວາມເປັນຕົວແບບຂອງພະນັກງານລັດຖະກອນເຮົາ.

ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ - new3 - ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ
ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ - lattana 1 - ການສະຫລອງ​ປີ​ໃໝ່ມີຫລາຍອັນຕ້ອງໄດ້ເບິ່ງຄືນ
error: Content is protected !!