37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ

37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ - advert banner 728 90 728x90 - 37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ

      ຜູ້ນຳ​ລັດຖະບານ​ຈາກ 37 ປະ​ເທດ ລວມທັງ​ສະມາຊິກ​ອາ​ຊຽນທັງ​ໝົດ, ປະທານາທິບໍດີຣັດ​ເຊຍ, ນາຍົກລັດຖະມົນຕີອີຕາລີ ​ແລະ ​​ໂອ​ຕຣິດ ກຽມ​ເຂົ້າຮ່ວມ​ກອງ​ປະຊຸມ “ໜຶ່ງ​ແລວ​ໜຶ່ງ​ເສັ້ນທາງ​ເພື່ອ​ການ​ຮ່ວມ​ມື​ສາກົນ” ຢູ່​ນະຄອນຫລວງ​ປັກ​ກິ່ງ ຂອງ ສປ ຈີນ ​ໃນ​ທ້າຍ​ເດືອນ​ນີ້.

37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ - lattana 1 - 37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ

       ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຫວັງ ອີ້ ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ຖະ​ແຫລ​ງ​ໃນ​ວັນ​ທີ 19 ​ເມສາ​ວ່າ: ປະທານາທິບໍດີ ສີ ຈິ້ນຜິ​ງ ສົ່ງ​ຈົດໝາຍ​ເຊີນ ​ແລະ ​ໄດ້​ຮັບ​ການ​ຕອບ​ຮັບ​ຈາກ​ຜູ້ນຳ​ລັດຖະບານ​ຂອງ 37 ປະ​ເທດ ​ໃນ​ການ​ເຂົ້າຮ່ວມ​ປະຊຸມ “ໜຶ່ງ​ແລວ​ໜຶ່ງ​ເສັ້ນທາງ​​ເພື່ອ​ການ​ຮ່ວມ​ມື​ສາກົນ” ​ແລະ ກອງ​ປະຊຸມ “ຂໍ້​ລິ​ເລີ່​ມໜຶ່ງ​ແລວ​ໜຶ່ງ​ເສັ້ນທາງ” ​ເຊິ່ງຈະ​ຈັດ​ຂຶ້ນ​ໃນ​ອາທິດ​ໜ້າ ​ໂດຍ​ຈະ​ແບ່ງ​ເປັນ​ກອງ​ປະຊຸມ ​ແລະ ຫາລື​ແລກປ່ຽນ​ຄວາມ​ຄິດ​ເຫັນ ລະຫວ່າງ​ເຈົ້າໜ້າ​ທີ່​ລະດັບ​ສູງ ​ໃນ​ນະຄອນຫລວງ​ປັກ​ກິ່ງ ​ແລະ ກອງ​ປະຊຸມ​ໂຕະມົນ​ລະດັບ​ຜູ້ນຳ.

     ທັງ​ນີ້, ປະ​ເທດ​ທີ່​ເຂົ້າຮ່ວມ​ກອງ​ປະຊຸມ​ລວມ​ທັງ​ຜູ້ນຳ​ຈາກ 10 ປະ​ເທດ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ແລະ ອີກ 27 ປະ​ເທດ ລວມທັງ​ປະທານາທິບໍດີ ວະ​ລາ​ດິ​ເມຍ ປູ​ຕິນ ຜູ້ນຳຣັດ​ເຊຍ, ນາຍົກລັດຖະມົນຕີ ​ເຊ​ບາສຕຽນ ຄົວ ຜູ້ນຳ​ໂອ​ຕຣິດ, ນາຍົກລັດຖະມົນຕີ ຈູ​ເຊບ​ເປ ກອນ​ເຕ ຜູ້ນຳ​ອີ​ຕາ​ລີ ​ເຊິ່ງ​ເປັນ​ສະມາຊິກ​ກຸ່ມ G7 ປະ​ເທດ​ທຳ​ອິດ​ທີ່​ລົງ​ນາມ​ຮ່ວມ​ເປັນ​ພັນທະ​ມິດ​ເສັ້ນທາງ​ສາຍ​ໄໝ​ໃໝ່, ນາຍົກລັດຖະມົນຕີ ວິກ​ເຕີ ອໍ​ບານ ຜູ້ນຳ​ຮົງ​ກາລີ ​ແລະ ນາຍົກລັດຖະມົນຕີ ອິມຣານ ຂ່າ​ນ ຜູ້ນຳ​ປາ​ກິດ​ສະຖານ. ນອກຈາກ​ນີ້ ຍັງ​ມີ​ຜູ້​ແທນ​ລະດັບ​ສູງ​ຈາກ​ລັດຖະບານ ​ແລະ ອົງການ​ສາກົນ​ອີກ​ຫລາຍ​ກວ່າ 150 ​ແຫ່ງ ທັງ​ຈາກ ສປປ ​ເກົາຫລີ, ​ເຢຍລະ​ມັນ ​ແລະ ສະຫະຣາຊະ​ອານາຈັກ ຫລາຍ​ກວ່າ 9.000 ຄົນ ​ເຂົ້າຮ່ວມ​ກອງ​ປະຊຸມ.

       ຂະນະ​ດຽວ​ກັນ, ລັດຖະບານ​ປັກ​ກິ່ງ​ເປີດ​ເຜີຍ​ມູນ​ຄ່າ​ການ​ຄ້າ​ກັບປະ​ເທດ​ທີ່​ເຂົ້າຮ່ວມ​ເປັນ​ພັນທະ​ມິດ​ໃນ​ໂຄງການ​ດັ່ງກ່າວ ​ເຊິ່ງມີ​ອີກ​ຊື່​ໜຶ່ງ​ວ່າ: ​ແຜນ​ຍຸດ​ທະ​ສາດ​ເສັ້ນທາງ​ສາຍ​ໄໝ​ແຫ່ງ​ສະຕະວັດ​ທີ 21 ວ່າ​ມີ​ປະມານ 6 ຕື້​ໂດ​ລາ​ສະຫະລັດ ລະຫວ່າງ​ປີ 2013-2018. ​ໃນ​ເວລາ​ດຽວ​ກັນ, ການ​ລົງທຶນ​ໂດຍ​ກົງ​ຈາກ​ຈີນ​ໃນ​ກຸ່ມ​ປະ​ເທດ​ເຫລົ່າ​ນີ້​ເພີ່ມ​ຂຶ້ນ​ເປັນ 80.000 ລ້ານ​ໂດ​ລາ​ສະຫະລັດ ​ໃນ​ໄລຍະ​​ເວລາ​ດຽວ​ກັນ ​ໂດຍ​ຈີນ​ລົງ​ນາມ​ຂໍ້​ຕົກລົງ​ຮ່ວມ​ກັບ 125 ປະ​ເທດ ​ແລະ ອົງການ​ສາກົນ​ອີກ 29 ​ແຫ່ງ ລວມຢ່າງ​ໜ້ອຍ 173 ສະບັບ.

37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ - Tiger Head 728x90 - 37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ
37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ - 1 1 - 37 ປະເທດກຽມຮ່ວມປະຊຸມ ໜຶ່ງແລວໜຶ່ງເສັ້ນທາງຢູ່ຈີນ
error: Content is protected !!