ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ?

ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ? - advert banner 728 90 728x90 - ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ?

ໂດຍ: ທ່ຽງ​ທຳ

ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ? - lattana 1 - ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ?

ສະບາຍດີ, ເພື່ອນຜູ້ອ່ານ ທີ່ຮັກແພງທັງຫລາຍ, ເຖິງວ່າ ການສະເຫລີມສະຫລອງ ສົງການເຮົາປີນີ້ໄດ້ຜ່ານພົ້ນໄປດ້ວຍຄວາມສະຫງົບປອດໄພ, ຮັກສາໄດ້ຮີດຄອງປະເພນີ ແລະ ວັດທະນະທຳອັນ ດີງາມຂອງຊາດ, ສາມາດສ້າງຄວາມເບີກບານມ່ວນຊື່ນໃຫ້ແກ່ມວນຊົນ ແລະ ແຂກບ້ານແຂກເມືອງຜູ້ມາ ທ່ຽວຊົມໄດ້ເປັນຢ່າງດີ, ແຕ່ໜ້າເສຍດາຍໄປຄຽງຄູ່ກັນນັ້ນ ກໍຍັງມີຫລາຍອັນ, ຫລາຍຂໍ້ຫ້າມຂອງເຈົ້າໜ້າທີ່ ແລະ ເບື່ອງອຳນາດການປົກຄອງ ເຫັນວ່າຍັງບໍ່ສາມາດປະຕິບັດໄດ້.

ອຸປະຕິເຫດຍ້ອນນ້ຳເມົາຍັງເກີດຂຶ້ນຫລາຍ, ເຊິ່ງຕາມການເປີດເຜີຍຂອງເຈົ້າໜ້າທີ່ໃຫ້ຮູ້ວ່າ: ພຽງ 3 ມື້ຂອງປີ ໃໝ່ ທົ່ວປະເທດມີອຸປະຕິເຫດເກີດຂຶ້ນຫລາຍເຖິງ 260 ກໍລະນີ, ສົ່ງຜົນໃຫ້ມີຜູ້ເສຍຊີວິດ 28 ຄົນ, ທຽບໃສ່ໄລຍະດຽວກັນ ຂອງປີຜ່ານມາແມ່ນມີຈຳນວນເພີ່ມຂຶ້ນ, ສ່ວນຫລາຍແມ່ນຍ້ອນນ້ຳເມົາ ເຊິ່ງແມ່ນໜຶ່ງໃນຂໍ້ຫ້າມຂອງເຈົ້າໜ້າທີ່ແຕ່ກໍຍັງມີຜູ້ລະເມີດເປັນ ຈຳນວນຫລາຍ ແລະ ຕໍ່ຈາກນັ້ນກໍແມ່ນເອົາໂຕໂຍ, ໂຕະຕັ່ງອອກມາຕັ້ງວົງເຫລົ້າ, ວົງເບຍຢູ່ແຄມທາງຍັງມີຢ່າງຫລວງຫລາຍສະເພາະຢູ່ນະຄອນຫລວງວຽງຈັນອາດມີ ຢູ່ເກືອບເສັ້ນທາງແຕ່ຮ້າຍ ແຮງກວ່າໝູ່ແມ່ນເຂດເສັ້ນທາງແຄມຂອງແຕ່ປາກປ່າສັກອອກໄປຈົນຮອດທາດ ຂາວ, ຕໍ່ມາແມ່ນເສັ້ນທາງ ສາມແສນໄທ, ເສດຖາທິລາດ,ຖະໜົນສຸພານຸວົງອອກໄປຈົນຮອດສີໄຄ, ເກົ້າລ້ຽວ, ທົ່ງປົ່ງທຸກແລງຈົນເຮັດໃຫ້ ບັນດາເສັ້ນທາງດັ່ງກ່າວແອອັດໄປດ້ວຍຜູ້ຄົນ ແລະ ຖັງນ້ຳ, ພ້ອມການເປີດແທ່ງສະຫລອງກັນເຕັ້ນເຢາະ ເຕັ້ນ ຢ່ອງດ້ວຍຄວາມມືນເມົາຜູ້ ຍິງນຸ້ງນ້ອຍ, ນຸ່ງໜ່ອຍ, ນຸ່ງເຂີນ ຢ່າງຍົວະຍວນກໍມີເຕັມ ໄປເບິ່ງບໍ່ຄ່ອຍງາມຕາ ແລະ ບໍ່ແທດເໝາະກັບປະເພນີ ຂອງລາວເຮົາ.

ແຂກໄປໄທມາໃຜໆກໍ ແປກ ປະຫລາດໃຈຕໍ່ການມົວສຸມກັບວັດທະນະທຳ ແບບຕາເວັນຕົກດັ່ງກ່າວ- ແຕ່ ເບິ່ງແລ້ວບໍ່ຄ່ອຍເຫັນເຈົ້າ ໜ້າທີ່ຄົນໃດເຂົ້າມາກ່າວ ເຕືອນແນະນຳເຂົາເຈົ້າ.

ໃນຂະນະທີ່ໄດ້ມີຂໍ້ຫ້າມ ລະບຸໄວ້ແລ້ວ ແລະ ຮ້າຍແຮງກວ່ານັ້ນກໍແມ່ນການດື່ມເຫລົ້າ, ດື່ມເບຍຢ່າງບໍ່ມີເຂດ ຈຳກັດບົນຄຳຂວັນບໍ່ເມົາບໍ່ເມືອ, ບໍ່ເມົາບໍ່ເລີກບໍລາ,  ຜົວເມຍບ່າວສາວຜິດຖຽງກັນ, ອຸປະຕິເຫດເກີດຂຶ້ນ, ເຮັດໃຫ້ສັງຄົມຂາດຄວາມເປັນ ລະບຽບຮຽບຮ້ອຍ ແລະ  ຄຽງຄູ່ກັນນັ້ນກໍແມ່ນບັນຫາ ອັກຄີໄພ, ເຊິ່ງມີຂຶ້ນຫລາຍໃນຊ່ວງໄລຍະກຸດສົງການສ່ວນໜຶ່ງກໍອາດເປັນຍ້ອນການປ່ຽນແປງຂອງສະພາບດິນ ຟ້າອາກາດປາກົດວ່າຮ້ອນແຮງຂຶ້ນຫລາຍກວ່າທຸກໆ ປີຜ່ານມາ ແລະ  ບວກກັບຄວາມມີສະຕິໃນການນຳ ໃຊ້ຟືນໄຟຂອງປະຊາຊົນເຮົາຍັງເຮັດໄດ້ໜ້ອຍ, ໂດຍ ສະເພາະແມ່ນການນຳໃຊ້ໄຟຟ້າໃນຕົວເຮືອນກໍໃຫ້ເກີດໄຟຊ໋ອດ ແລະ ອື່ນໆມີຂຶ້ນ.

ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ? - 1 1 - ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ?

ໃນຂະນະທີ່ກຳລັງເຈົ້າໜ້າທີ່ ກໍໄດ້ອອກແຈ້ງການເຕືອນໃຫ້ສັງຄົມມາແລ້ວ ຫລາຍລົບຫລາຍຕ່າວ ແລະ ອີກອັນໜຶ່ງ  ທີ່ສັງຄົມສ່ອງ ແສງມາແມ່ນ ເບື້ອງລັດເຮົາປະປ່ອຍໃຫ້ພາກເອກະຊົນ ເຂົ້າໄປສຳປະທານຫາດດອນຈັນ ເພື່ອຫາລາຍໄດ້ຈາກ ການຂາຍປີ້ເຂົ້າໃຊ້ບໍລິການຕ່າງໆ ໃນຫາດຊາຍດັ່ງກ່າວ, ເຊິ່ງເປັນບ່ອນທີ່ຊາວນະຄອນຫລວງວຽງຈັນເຄີຍ ມີຄວາມໃກ້ສິດຕິດແທດກັບ ຫາດຊາຍແຫ່ງນີ້ມາຫລາຍ ເຊັ່ນຄົນແລ້ວ ພໍຮອດປີໃໝ່ ມາຊາວໜຸ່ມຍິງສາວຕ່າງ ກໍຈະໄດ້ລົງຫາດຮ່ວມກັນຕົບ ພະຍາດຊາຍຢ່າງມີຄວາມ ໝາຍສຳຄັນຊີວິດ ຂອງເຂົາ ເຈົ້າ, ແຕ່ປີນີ້ສິ່ງດັ່ງກ່າວຕ້ອງ ໄດ້ຈ່າຍເງິນກ່ອນຢ່າງໜ້ອຍ 10-20 ພັນກີບ ຈິ່ງຈະໄດ້ລົງ ໄປຫາດດັ່ງກ່າວໄດ້./.

ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ? - 25747 - ປີ​ໃໝ່​ຫລາຍ​ຂໍ້​ຫ້າມ​ເປັນ​ໂມຄະ​ຍ້ອນ​ຫຍັງ?
(ພາບປະກອບ)