ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ?

ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ? - advert banner 728 90 728x90 - ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ?

ຫລາຍໆຄົນພາກັນເຮັດ ນອນຫລັບພັກຜ່ອນໝົດມື້ໝົດເວັນໃນມື້ພັກ ເຊິ່ງນີ້ຖືເປັນວິທີການທີ່ບໍ່ຖືກຕ້ອງ. ສຳລັບຄົນໄວເຮັດວຽກທີ່ຫັກໂຫມເຮັດວຽກໜັກແຕ່ເຊົ້າຈົນຄໍ່າໃນຊ່ວງວັນຈັນຫາວັນສຸກ ແລ້ວຄິດວ່າຈຶ່ງມາພັກຜ່ອນຊົດເຊີຍເວລາທີ່ຂາດໄປໃນມື້ພັກເສົາ – ອາທິດ ໂດຍເຂົ້າໃຈວ່າວິທີນີ້ໜ້າຈະທົດແທນການນອນທີ່ຂາດໄປລະຫ່ວາງອາທິດໄດ້ ເຊິ່ງຄວາມຈິງແລ້ວມັນຈະສາມາດນອນທົດແທນເວລາກັນໄດ້ແທ້ບໍ່ນັ້ນ ມີຜົນການສຶກສາຈາກຄະນະແພດສາດ ມະຫາວິທະຍາໄລ Johns Hopkins ຢັ້ງຢືນແລ້ວວ່າ : ການນອນບໍ່ພຽງພໍລະຫ່ວາງວັນຈັນຫາວັນສຸກ ແລະ ທ້ອນມາໄວ້ນອນຊົດເຊີຍໃນມື້ພັກວັນເສົາ – ອາທິດແທນນັ້ນບໍ່ມີປະໂຫຍດຫຍັງຕໍ່ຮ່າງກາຍ ເພາະນອກຈາກຈະບໍ່ແກ້ບັນຫາການພັກຜ່ອນບໍ່ພຽງພໍແລ້ວ ຍັງຈະເພີ່ມຄວາມສ່ຽງໃນເລື່ອງຄວາມຕຸ້ຍ, ພະຍາດເບົາຫວານ ລວມທັງຄວາມດັນເລືອດສູງ, ພະຍາດຫົວໃຈ ແລະອື່ນໆໄດ້ນຳ.

ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ? - lattana 1 - ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ?

     ນັກວິໄຈໄດ້ສຶກສາພຶດຕິກຳການນອນຊົດເຊີຍໃນຊ່ວງມື້ພັກເສົາ – ອາທິດ ແລະ ພົບວ່າກຸ່ມທີ່ນອນບໍ່ພໍລະຫ່າງວັນຈັນຫາວັນສຸກ ແລະ ພະຍາຍາມນອນຊົດເຊີຍໃນວັນເສົາ – ອາທິດນັ້ນ ມັກຈະມີບັນຫານຳ້ໜັກໂຕທີ່ເພີ່ມຂຶ້ນ ທັງນີ້ຍ້ອນເມື່ອເຮົານອນບໍ່ພໍ ຮ່າງກາຍຈະເຜົາຜານກາລໍຣີຫລາຍຂຶ້ນ ເຮັດໃຫ້ເຮົາຫິວງ່າຍ, ຫິວຕະຫລອດ ແລະ ມັກກິນອາຫານບໍ່ຖືກເວລາ.

     ນອກຈາກນັ້ນ ການນອນບໍ່ພຽງພໍຍັງສົ່ງຜົນຕໍ່ຮໍໂມນທີ່ສຳຄັນ 2 ຊະນິດໃນຮ່າງກາຍນຳ ໜຶ່ງແມ່ນຮໍໂມນ Leptinເຊິ່ງເຮັດໜ້າທີ່ຄວບຄຸມ ແລະ ຫລຸດຄວາມຢາກອາຫານ ເຊິ່ງເມື່ອເຮົານອນບໍ່ພໍ ຮໍໂມນ Leptinນີ້ຈະຫລຸດລົງ. ໃນຂະນະທີ່ຮໍໂມນອີກຊະນິດໜຶ່ງ ຄື  Ghrelin  ເຊິ່ງເພີ່ມຄວາມຢາກອາຫານຈະມີລະດັບສູງຂຶ້ນ, ແຕ່ສິ່ງສຳຄັນຕໍ່ສຸຂະພາບຫລາຍກ່ວານຳ້ໜັກໂຕ ຫລື ຮອບແອວກໍແມ່ນການນອນບໍ່ພໍ ແລະ ພະຍາຍາມຫາເວລານອນຊົດ ເຊີຍໃນມື້ພັກເສົາ – ອາທິດ ຈະສົ່ງຜົນຕໍ່ອິນຊູລິນໃນກ້າມຊີ້ນ ແລະ ຕັບ ເຊິ່ງກໍໝາຍເຖິງວ່າຮ່າງກາຍຂອງຄົນທີ່ນອນບໍ່ພໍຈະສູນເສຍຄວາມສາມາດໃນການຄວບຄຸມນຳ້ຕານໃນເລືອດ ແລະ ເພີ່ມບັນຫາຄວາມສ່ຽງຂອງການເປັນເບົາຫວານໄດ້.

     ສ່ວນຄຳເຕືອນຂອງແພດໃນເລື່ອງນີ້ກໍຄື ການນອນບໍ່ພໍ ແລະ ພະຍາຍາມນອນຊົດເຊີຍໃນມື້ພັກເສົາ – ອາທິດນັ້ນ ນອກຈາກຈະເຮັດໃຫ້ລະບົບການຍ່ອຍອາຫານຂອງຮ່າງກາຍເສຍຄວາມດຸ່ນດ່ຽງ ເຮັດໃຫ້ເກີດບັນຫານຳ້ໜັກໂຕເພີ່ມຂຶ້ນ, ມີໄຂມັນຈັບຢູ່ບໍລິເວນຮອບແອວ, ມີລະດັບຄໍເລສເຕີໂຣນທີ່ຜິດປົກກະຕິ, ມີນຳ້ຕານໃນເລືອດສູງ ແລະ ມີຄວາມດັນເລືອດສູງແລ້ວ ຍັງເພີ່ມໂອກາດສ່ຽງຕໍ່ການເປັນພະຍາດຫົວໃຈ, ສະໝອງຂາດເລືອດຫລໍ່ລ້ຽງ, ພະຍາດເບົາຫວານ, ລະບົບຍ່ອຍອາຫານ, ລະບົບຂັບຖ່າຍເຮັດວຽກຜິດປົກກະຕິ ຈົນອັນຕະລາຍເຖິງພະຍາດມະເຮັງລຳໄສ້.

 ຕໍ່ໄປນີ້ແມ່ນຄຳແນະນຳຂອງເວລາການນອນທີ່ພໍດີກັບຊ່ວງອາຍຸ ໂດຍຂໍ້ມູນຈາກມູນນິທິການນອນຫລັບແຫ່ງຊາດ ໃນສະຫະລັດອາເມລິກາ ລະບຸໄລຍະເວລາໃນການນອນຫລັບທີ່ເໝາະສົມແບ່ງຕາມອາຍຸ ດັ່ງນີ້ :

– ເດັກນ້ອຍເກີດໃໝ່ຫາອາຍຸ 3 ເດືອນ ຄວນນອນ 14 – 17 ຊົ່ວໂມງຕໍ່ມື້.

– ເດັກນ້ອຍອາຍຸ 1 – 2 ປີ ຄວນນອນ 11 – 14 ຊົ່ວໂມງຕໍ່ມື້.

– ເດັກນ້ອຍໃນໄວອະນຸບານ 3 – 5 ປີ ຄວນນອນ 10 – 13 ຊົ່ວໂມງຕໍ່ມື້.

ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ? - 1 1 - ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ?
ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ? - Tiger Head 728x90 - ເຮັດວຽກໜັກແລ້ວມາພັກຊົດເຊີຍແກ້ບັນຫາການນອນບໍ່ພໍໄດ້ແທ້ບໍ່ ?

– ເດັກນ້ອຍໄວປະຖົມອາຍຸ 6 – 13 ປີ ຄວນນອນ 9 – 11 ຊົ່ວໂມງຕໍ່ມື້.

– ໄວມັດທະຍົມ 14 – 17 ປີ ຄວນນອນ 8 – 10 ຊົ່ວໂມງຕໍ່ມື້.

– ໄວໜຸ່ມ ອາຍຸ 18 – 25 ປີ ຄວນນອນ 7 – 9 ຊົ່ວໂມງຕໍ່ມື້.

– ໄວເຮັດວຽກ ອາຍຸ 26 – 64 ປີ ຄວນນອນເທົ່າກັບຕອນໄວໜຸ່ມ.

– ໄວຜູ້ເຖົ້າ ອາຍຸ 65 ປີຂຶ້ນໄປ ຄວນນອນ 7​​ – 8 ຊົ່ວໂມງຕໍ່ມື້.

error: Content is protected !!