ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ

ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ - advert banner 728 90 728x90 - ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ

      ຜົນສຳ​ຫລວດ​ ບົ່ງ​ບອກ​ວ່າ: ນັກສະ​ແດງ​ຕະ​ຫລົກ ​ໄດ້​ຮັບ​ໄຊຊະນະ​ຢ່າງ​ຫລວງຫລາຍ​ໃນ​ການ​ເລືອກ​ຕັ້ງປະທານາທິບໍດີ​ຂອງ​ອູ​ແກຣນ. ທັງ​ນີ້ ວ່າ​ທີ່​ຜູ້ນຳ​ຄົນ​ໃໝ່​ກ່າວ​ວ່າ: ຈະ​ບໍ່​ເຮັດ​ໃຫ້​ຊາວ​ອູ​ແກຣນຜິດ​ຫວັງ ພ້ອມ​ຈະ​ເຈລະຈາ​ຄວາມ​ຂັດ​ແຍ່ງ​ກັບຣັດ​ເຊຍ.

ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ - lattana 1 - ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ

       ​ການ​ເມືອງ​ອູ​ແກຣນກຳລັງ​ຈະ​ມີ​ການ​ປ່ຽນ​ແປງ​ຄັ້ງສຳຄັນ ​ເນື່ອງ​ຈາກ​ກຳລັງ​ຈະ​ມີ​ຜູ້ນຳ​ຄົນ​ໃໝ່ ​ເຊິ່ງ​ເປັນ​ນັກສະ​ແດງ​ຕະ​ຫລົກ​ທີ່​ບໍ່​ເຄີຍ​ມີ​ປະສົບ​ການ​ທາງ​ການ​ເມືອງ ​ເຂົ້າມາ​ບໍລິຫານ​ປະ​ເທດ.

      ຜົນສຳ​ຫລວດ​ຂອງ​ຫລາຍ​ບ່ອນ ພາຍຫລັງ​ການ​ເລືອກ​ຕັ້ງ​ໃນ​ວັນ​ທີ 21 ​ເມສາ ລະບຸ​ວ່າ: ທ່ານ ​ໂວ​ໂລ​ດີ​ເມຍ ​ເຊ​ເລນ​ສະ​ກີ້ ອາຍຸ 41 ປີ ​ໄດ້​ຮັບ​ໄຊຊະນະ​ເໜືອ ປະທານາທິບໍດີ ​ເປ​ໂຕຣ ​ໂປ​ໂຣ​ເຊ​ນ​ໂກ້ ​ເຈົ້າຂອງ​ຕຳ​ແໜ່​ງ ຢ່າງ​ຫລວງຫລາຍ 73 ຕໍ່ 25% ​ແລະ ທ່ານ ​ເຊ​ເລນ​ສະ​ກີ້ ກໍ​ໄດ້​ປະກາດ​ວ່າ: ຈະ​ບໍ່​ເຮັດ​ໃຫ້​ຊາວ​ອູ​ແກຣນຜິດ​ຫວັງ. ທ່ານ ​ເຊ​ເລນ​ສະ​ກີ້ ຈະ​ເຂົ້າຮັບ​ຕຳ​ແໜ່​ງທ່າມກາງ​ຄວາມ​ຂັດ​ແຍ່ງ​ກັບຣັດ​ເຊຍ ຫລັງ​ຈາກຣັດ​ເຊຍ​ລວມ​ເອົາ​ໄຄ​ຣ​ເມຍ​ເຂົ້າ​ເປັນ​ຂອງ​ຕົນ​ໃນ​ປີ 2014 ​ແລະ ສະໜັບສະໜູນ​ການ​ກໍ່​ຄວາມ​ບໍ່​ສະຫງົບ​ທາງ​ຕາ​ເວັນ​ອອກ​ຂອງ​ອູ​ແກຣນ ​ເຊິ່ງ​ໃນ​ວັນ​ທີ 21 ​ເມສາ​ນີ້ ທ່ານ​ໄດ້​ເປີດ​ເຜີຍ​ວ່າ: ມີ​ແຜນ​ຈະ​ເຈລະຈາ​ກັບຣັດ​ເຊຍ ​ໂດຍ​ການ​ສະໜັບສະໜູນ​ຂອງ​ເອີຣົບຕໍ່​ໄປ ​ແລະ ຈະ​ພະຍາຍາມ​ຊ່ວຍ​ໃຫ້​ຊາວ​ອູ​ແກຣນທີ່​ຖືກ​ຈັບ​ຢູ່ຣັດ​ເຊຍ​ໄດ້​ຮັບ​ການ​ປ່ອຍ​ຕົວ, ສ່ວນ​ທ່ານ ​ໂປ​ໂຣ​ເຊ​ນ​ໂກ້ ​ໄດ້​ຍອມຮັບ​ການ​ປະລາ​ໄຊ ​ແລະ ຢືນຢັນ​ວ່າ: ທ່ານ​ຈະ​ບໍ່​ເລີກ​ຫລິ້ນການ​ເມືອງ ​ໂດຍ​ຈະ​ເປ​ັນຝ່າຍ​ຄ້ານ​ທີ່​ແຂງ​ແກ່ນ​ໃນ​ສະພາ.

ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ - 1 1 - ໃບໜ້າໃໝ່ ! ການເມືອງອູແກຣນ ເຊເລນສະກີ ນັກສະແດງຕະຫລົກ ໄດ້ຮັບໄຊຊະນະເລືອກຕັ້ງປະທານາທິບໍດີ