ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ

ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ - advert banner 728 90 728x90 - ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ


​ໃນ​ວັນ​ທີ 22 ​ເມສາ ນີ້, ທ່ານ ພັນ​ໂທ ຄຳ​​ເຫລັກ ​ໄຊ​ຍະ​ສິດ ຮອງ​ຫົວໜ້າກົມ​ຕຳຫລວດ​ຈະລາຈອນ ກະຊວງ​ປ້ອງ​ກັນ​ຄວາມ​ສະຫງົບ, ພ້ອມ​ດ້ວຍ ພະນັກງານ​ວິຊາ​ການ​ກົມ​ຂົນ​ສົ່ງ ​ແລະ ​ເຈົ້າໜ້າທີ່ ຈະລາຈອນ ​ແຂວງ ບໍລິ​ຄຳ​ໄຊ ​ໄດ້​ລົງ​ກວດກາ​ຈຸດ​ເກີດ​ເຫດ​ລົດ​ເມ​ປີ້ນ ຢູ່​ເຂດ​ບ້ານ ຫາດ​ຊາຍ​ຄຳ ​ເມືອງ ປາກ​ກະດິງ ​ແຂວງ ບໍລິ​ຄຳ​ໄຊ, ​ເພື່ອ​ສືບສວນ-ສອບ​ສວນ ຫາ​ສາ​ເຫດ​ຂອງ​ການ​ເກີດ​ອຸປະຕິ​ເຫດ​ດັ່ງກ່າວ, ​ເບື້ອງຕົ້ນ​ໄດ້​ຮູ້​ວ່າ: ລົດ​ເມ​​ທີ່​ເກີດ​ອຸປະຕິ​ເຫດ​ດັ່ງກ່າວ, ຂັບ​ຂີ່​ໂດຍ ທ້າວ ພັດ ອາຍຸ 35 ປີ ຢູ່​ບ້ານ ດອນໜູນ ​ເມືອງ ​ໄຊ​ທານີ ນະຄອນຫລວງ​ວຽງຈັນ, ​ໂດຍ​ໄດ້​ອອກ​ຈາກ​ສະຖານ​ນີ ຂົນ​ສົ່ງ​ໂດຍສານ​ສາຍ​ໃຕ້ ​ໃນ​ເວລາ​ປະມານ 18 ​ໂມງ ຂອງ​ວັນ​ທີ 20 ​ເມສາ, ​ເພື່ອ​ມຸ້ງໜ້າ​ໄປຍັງ ນະຄອນ​ປາກ​ເຊ, ຊຶ່ງ​ມີ​ຜູ້​ໂດຍສານ​ນັ່ງ​ມາ​ນຳ​ລົດ​ກ່ວາ 20 ຄົນ, ພ້ອມ​ດ້ວຍ​ເຄື່ອງ​ຕ່າງໆ, ພໍ​ມາ​ຮອດ​ຈຸດ​ເກີດ​ເຫດ ຍ້ອນ​ຜູ້​ຂັບ​ຂີ່ຂັບ​ລົດ​ດ້ວຍ​ຄວາມ​ໄວສູງ, ບວກ​ກັບ​ບັນທຸກ​ເຄື່ອງ​ເກີນ​ກຳນົດ ​ແລະ​ສະພາບ​ເສັ້ນທາງ​ເປັນຄື້ນ, ​ເຮັດ​ໃຫ້​ລົດ​ເສຍ​ຫລັກ​ພິກ​ປີ້ນຕົກລົງ​ຂົວ​ເຂດບ້ານ ຫາດ​ຊາຍ​ຄຳ ​ເມືອງ ປາກ​ກະດິງ, ​ເຮັດ​ໃຫ້​ມີ​ຜູ້​ເສຍ​ຊີວິດ 6 ຄົນ ​ແລະ ບາດ​ເຈັບ ຈຳ​ນວນ​ຫລາຍ, ຊຶ່ງ​ສາ​ເຫດ​ຂອງ​ການ​ເກີດ​ອຸປະຕິ​ເຫດ ​ເຈົ້າໜ້າທີ່​ກຳລັງ​ເລັ່ງສືບສວນ-ສອບ​ສວນຕື່ມ​ອີກ.

ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ - new3 - ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ

    ກົມ​ຂົນ​ສົ່ງ ກະຊວງ ​ໂຍທາ​ທິການ ​ແລະ ຂົນ​ສົ່ງ​ໃຫ້​ຮູ້​ວ່າ: ພາຍຫລັງ​ເກີດ​ເຫດການ​ດັ່ງກ່າວ ກົມ​ຂົນ​ສົ່ງ ກໍ​ໄດ້​ແຈ້ງ​ໃຫ້​ສະຖານ​ນີຂົນ​ສົ່ງ ທັງ​ສາຍ​ໃຕ້ ​ແລະ ສາຍ​ເຫນືອ ​ໃຫ້​ເພີ່ມ​ທະວີ​ເອົາ​ໃຈ​ໃສ່​ໃນ​ການ​ກວດກາ​ສະພາບ​ເຕັກ​ນິກລົດ​ໂດຍ ສານ​ແຕ່​ລະ​ຄັນ​ທີ່​ຈະ​ອອກ​ເດີນທາງ, ພ້ອມ​ນັ້ນ ກໍ​ເນັ້ນ​ໃຫ້​ມີ​ຄົນ​ຂັບ 2 ​ຄົນ ​ເພື່ອ​ສັບ​ປ່ຽນ​ເວລາ​ຂັບ​ລົດ​ທາງ​ໄກ, ເພື່ອ​ຮັບປະກັນ​ຄວາມ​ປອດ​​ໄພ​ຂອງ​ຜູ້​ໂດຍສານ.

ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ - lattana 1 - ອຸປະຕິ​ເຫດ​ລົດ​ເມ​ປີ້ນຢູ່ເຂດ​ເມືອງປາກ​ກະດິງ ຍ້ອນ​ຜູ້​ຂັບ​ຂີ່​ປະ​ໝາດ
error: Content is protected !!