ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ

ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ - advert banner 728 90 728x90 - ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ

ໂດຍ: ທິດກ່ຳ

ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ - new3 - ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ

ງານ​ສະຫລອງ​ສົ່ງ​ທ້າຍ​ປີ​ເກົ່າ ພສ 2561 ຕ້ອນຮັບ​ປີ​ໃໝ່ ພສ 2562 ​ໄດ້​ສຳ​ເລັດ​ເສັດ​ສິ້ນລົງ​ດ້ວຍ​ບັນຍາກາດ​ຟົດຟື້ນມ່ວນ​ຊື່ນ ​ທັງ​ມີ​ຜູ້​ຕາຍ​ຜູ້​ຍັງ. ຕາມ​ທິດ​ກ່ຳ​ວ່າ ຜ່ານ​ການສະ​ເຫລີ​ມສະຫລອງ​ໃນ​ປີ​ນີ້​ມີ​ທັງ​ຜູ້​ໄດ້​ບຸນ ​ແລະ ​ໄດ້​ບາບ.

​  ເປັນ​ຫຍັງຈຶ່ງ​ວ່າ​ແນວ​ນັ້ນ? ຍ້ອນ​ວ່າ​ໃນ​​ໄລຍະເທສະການດັ່ງກ່າວ​ມີ​ຫລາຍ​ເຂດ​ແຂວງ​ຫລາຍ​ທ້ອງ​ຖິ່ນ, ຫລາຍ​ຄອບຄົວ ​ແລະ ນັບ​ທັງ​ບຸກຄົນ​ ໄດ້​ມີ​ກິດຈະກຳ​ຂອງ​ຕົນ​ທີ່​ຫລາກຫລາຍ​ຍິ່ງ​ໃຫຍ່​ສົມຄວນ, ແຕ່​ທີ່​ສຳຄັນ​ກໍ​ແມ່ນ​ໄດ້​ເຮັດບຸນ​ສິນ​ກິນ​ທານ​ຕາມ​ຮີດຄອງ​ປະ​ເພນີ, ຜູ້​ມີ​ເງື່ອນ​ໄຂ​ກໍ​ໄດ້​ໄປ​ທ່ອງ​ທ່ຽວ​ຕ່າງປະ​ເທດ, ຜູ້​ຢູ່​ຕ່າງປະ​ເທດ ​ກໍ​ໄດ້​ກັບ​ຄືນ​ບ້ານ​ເກີດ​ເມືອງ​ນອນ​ເພື່ອ​ອວຍພອນ​ພໍ່​ແມ່, ຜູ້​ເຖົ້າຜູ້​ແກ່​, ​ຜູ້​ມີ​ບຸນຄຸນ​ຕໍ່​ບ້ານ​ເມືອງ ​ແລະ ໂດດ​ເດັ່ນ​ກໍ​ແມ່ນ​ໄດ້​ຮ່ວມ​ກັນ​ຕັກບາດ​ຢາດ​ນ້ຳ, ​ໄດ້​ຫົດສົງ​ພະ​ຕາມ​ວັດວາອາຮາມ, ​ໄດ້​ບາສີສູ່ຂວັນ, ສົມ​ໝັດ​ສົມ​ມາ​ພໍ່​ແມ່​ຜູ້​ໃຫ້​ກຳ​ເນີ​​ດ, ​ຜູ້​ມີ​ບຸນຄຸນ ​ນັ້ນຖື​ວ່າ​ເປັນ​ສິ່ງສຸດ​ຍອດ​ທີ່​ຕົນ​ປາຖະໜາ ​ແລະ ສິ່ງພິ​ເສດ​ອີກ​ອັນ​ໜຶ່ງ​ກໍ​ແມ່ນຄວາມ​ປອດ​ໄພ​ບໍ່​ມີ​ເຫດ​ຮ້າຍ​ອັນ​ໃດ​ເກີດ​ຂຶ້ນ​ແກ່​ຕົນ​ເອງ, ຄອບຄົວ, ບ້ານ​ເມືອງ​ ກໍ​ຖື​ວ່າ​ເປັນ​ສິ່ງ​ຍອດ​ຍິ່ງ​ລ້ຳ​ເລີດ ​ແລະ ທັງ​ໝົດ​ທີ່​ໄດ້​ກ່າວ​ມາ​ນີ້​ເຂົາ​ເອີ້ນວ່າ​ໄດ້​ບຸນ.

​  ແຕ່​ກົງກັນຂ້າມໄປ​ຄຽງ​ຄູ່​ກັນນັ້ນ ​ກໍຍັງ​ມີ​ຫລາຍ​ທ້ອງ​ຖິ່ນ, ຫລາຍ​ບ້ານ ​ແລະ ຫລາຍ​ຄົນ​ໄດ້​ບາບ​ເຊັ່ນ: ຖືກ​ໄຟ​ໄໝ້​ບ້ານ, ​ໄຟ​ໄໝ້​ຕະຫລາດ, ​ໄໝ້​ເຮືອນ, ​ໄໝ້​ກຸຕິ​ວິຫານ, ບາງ​ຄົນ​ກໍ​ເສຍ​ຊີວິດ​ຍ້ອນ​ອຸປະຕິ​ເຫດ, ດື່ມ​ເຫລົ້າ​ເມົາ​ເກີນ​ເຫດ, ບາງ​ຄົນ​ກໍ​ເສຍ​ຊີວິດຍິງ​ກັນ​ຕາຍ​ຂ້າ​ກັນ​ຕາຍ, ມີ​ຜູ້​ເຈັບ​ຜູ້​ເປັນ​ສາລະພັດ​ຢ່າງ​ ດັ່ງ​ທີ່​ໄດ້​ເຫັນ​ໃນ​ແຫ​ລ່ງສື່​ຕ່າງໆ.

  ທັງ​ໝົດ​ທີ່​ກ່າວ​ມາ​ນີ້​ເຂົາ​ເອີ້ນວ່າ​ພາກັນ​ໄດ້​ບາບ, ​ເມື່ອ​ຕັ້ງ​ໂຈດ​ກັນ​ວ່າ​ເປັນຫຍັງ ຈຶ່ງ​ເປັນຄື​ແນວ​ນັ້ນ? ຄຳ​ຕອບ​ໂຈດ​ມັນ​ກໍ​ມີ​ປັດ​ໄຈ​ຫລາຍ​ຢ່າງ​ນັບ​ທັງ​ສິ່ງ​ນອກ​ຕົວ​ໃນ​ຕົວ, ທັງ​ຈິດຕະສາດ, ໃສຍາ​ສາດ ​ແລະ ວິທະຍາສາດ. ຖ້າ​ເວົ້າ​ເຖິງ​ຄວາມ​ເຊື່ອ​ທີ່​ເຄີຍ​ມີ​ມາ​ແຕ່​ດຶກ​ດຳ​ບັນ​ກໍ​ຄື​ມີ​ເຄາະ​ເຂັນ​ເວນ​ຮ້າຍ, ​ເຄາະ​ປີ​ເຄາະເດືອນ, ​ເຄາະ​ມື້​ເຄາະ​ວັນ, ​ເຄາະ​ ແປ​ວ່າ​ສິ່ງ​ທີ່​ບໍ່​ດີ​ໄດ້​ກັບ​ເກີດ​ແກ່​ຕົນ​ເອງ, ບ້ານ​ເມືອງ​ຕາມກົດ​ເກນ​ແຫ່ງ​ຄວາມ​ເຊື່ອ​ຕາມ​ຕຳລາ​ໃສ​ຍາ​ສາດ, ​ໂຫຣາສາດ ​ໃນ​ສິ່ງ​ທີ່​ເບິ່ງ​ບໍ່​ເຫັນ​ຕົນເຫັນ​ໂຕ​ເອີ້ນວ່າ​ເຄາະ​ກຳ​ຕາມ​ຕົວ​ທີ່​ໂຫດຮ້າຍ​ປ່າ​ເຖື່ອນ​ສາລະພັດ​ຢ່າງ.

ຕາມ​ຫລັກ​ຂອງ​ພຸດທະ​ປັດ​ຊະ​ຍາ​ເພິ່ນ​ເອີ້ນວ່າ​ເຫດຜົນ​ຕົ້ນກຳ​ແຫ່ງ​ຊີວິດ​ຄື​ກຳ​ດີ ກຳ​ຊົ່ວ ລ້ວນ​ແລ້ວ​ແຕ່​ເກີດ​ມາ​ຈາກ​ແນວ​ຄິດ ​ແລະ ການ​ກະທຳ​ຂອງ​ເຮົາ​ເອງ​ທີ່​ຂາດ​ສະ​ຕິ​ສຳປະຊັນ​ຍະ, ​ເກີດ​ຈາກ​ຄວາມ​ໂກດ, ຄວາມ​ໂລບ​ຄວາມ​ຫລົງ​ ອັນ​ເປັນ​ປັດ​ໄຈ ​ແລະ ​ເງື່ອນ​ໄຂ​ພາ​ໃຫ້​ເກີດ​ພືດ​ຕິ​ກຳ​ຂອງ​ຊີວິດ​ໃນ​ວັດຕະສົງສານ.

ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ - lattana 1 - ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ

  ສະຫລຸບ​ແລ້ວ, ກຳ​ດີ​ກຳ​ຊົ່ວ ບຸນ​ກັບ​ບາບ ​ນັ້ນມັນ​ຂຶ້ນກັບ​ແນວ​ຄິດ ​ແລະ ການ​ກະທຳຂອງ​ເຮົາ​ເປັນ​ຫລັກ, ຄິດ​ດີ​ກໍ​ທຳ​ດີ, ຄິດ​ຊົ່ວ​ກໍ​ທຳ​ຊົ່ວ, ອັນ​ເປັນ​ຄູ່​ກຳ​ຫລື​ ຄູ່​ມາດຕະ​ເກນຂອງ​ມັນ.

  ບັນດາ​ປາກົດການ ​ແລະ ສິ່ງ​​ທີ່​ໄດ້​ຍົກ​ມາ​ຂ້າງ​ເທິງ​ນີ້ ​ແມ່ນ​ເຫດ ​ແລະ ຜົນ​ຂອງ​ການກະທຳ​ຄົນ​ເຮົາ​ທີ່​ມີ​ຢູ່​ໃນ​ສັງຄົມ, ​ໂດຍ​ສະ​ເພາະ​ແມ່ນ​ມີ​ຢູ່​ໃນ​ແວດ​ວົງ​ການ​ສະຫລອງ​ສົ່ງ​ທ້າຍປີ​ເກົ່າ 2561 ​ແລະ ຕ້ອນຮັບ​ປີ​ໃໝ່ 2562 ອັນ​ເປັນ​ປີ ຈໍ ຕໍ່​ກຸນ ຕາມ​ຕຳລາ​ທີ່​ໄດ້​ກ່າວ​ໄວ້​ໃນ​ຄຳ​ພີ ​ແລະ ກົດ​ເກນ​ຂອງ​ສັງຄົມ​ທີ່​ນັບ​ມື້ມີ​ການ​ປ່ຽນ​ແປງ​ໄປ.

​  ແນວ​ໃດ​ກໍ​ດີ, ຕາມ​ທິດ​ກ່ຳ​ວ່າ​ເພື່ອ​ກ້າວເດີນ​ໄປ​ຂ້າງ​ໜ້າ​ຂອງ​ຊີວິດ​ອາດີດມັນ​ກໍ​ຄື​ອາ​ດີດ, ອາ​ດີດ ​ທີ່​ຜ່ານ​ພົ້ນ​ໄປ​ໃນ​ປີ​ເກົ່າ​ມັນ​ເປັນ​ສິ່ງ​ທີ່​ບໍ່​ສາມາດ​ປ່ຽນ​​​​ແປງ​ໄດ້​ນັ້ນ ກໍ​ຄື​ອະນາຄົດ​ຕ້ອງ​ເກີດ​ມີ​ຈິດ​ສຳນຶກ, ມີ​ສະຕິ​ສຳ​ປະຊັນ​ຍະ​ແລ້ວ​ຈະ​ກໍ່​ໃຫ້​ເກີດ​ປັນຍາ​ນັ້ນຄື​ເສັ້ນທາງ​ໄປ​ຫາ​ເປົ້າໝາຍ, ​ຄື​ບຸນ​ກັບ​ບາບ ​ເພາະ​ທຸກ​ສິ່ງ​ຢ່າງ​ມັນ​ຂຶ້ນກັບ​ການ​ກະທຳ​ຂອງ​ເຮົາ​ເອງ​ທັງ​ນັ້ນ.

ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ - 2587 - ສະຫລອງ​ປີ​ໃໝ່​ລາວ​ມີ​ຜູ້​ໄດ້​ບຸນ​ໄດ້​ບາບ
(ພາບປະກອບ)
error: Content is protected !!