ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ

ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ - advert banner 728 90 728x90 - ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ
ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ - 062404 2019 1024x683 - ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ

   1. ປັບເຂົ້າສະພາບປົກກະຕິຢ່າງໄວວາ : ຫລັງກັບຈາກການທ່ອງທ່ຽວ ເມື່ອເຖິງເຮືອນໃຫ້ຮີບເກັບມ້ຽນສິ່ງຂອງອອກຈາກກະເປົາທັນທີ, ປັບໂມງໃຫ້ຢູ່ໃນຂອບເຂດເວລາເກົ່າ, ອອກໄປຕະຫລາດ ຊື້ອາຫານ – ເຄື່ອງໃຊ້ໃຫ້ພ້ອມເຂົ້າສູ່ສະພາບປົກກະຕິ ຍິ່ງເຮົາຮູ້ສຶກເຖິງຄວາມສະດວກສະບາຍ ແລະ ຄວາມເປັນລະບຽບຮຽບຮ້ອຍໃນຊ່ວງທີ່ກັບຮອດເຮືອນຫລາຍເທົ່າໃດ ກໍຈະຍິ່ງເຮັດໃຫ້ກັບເຂົ້າສູ່ສະພາບການໃຊ້ຊີວິດປົກກະຕິເປັນເລື່ອງງ່າຍຍິ່ງຂຶ້ນເທົ່ານັ້ນ.

ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ - new3 - ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ
ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ - 052404 2019 1024x683 - ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ

     2. ຄ່ອຍໆເຂົ້າສູ່ສະພາບການເຮັດວຽກ : ຫລີກເວັ້ນການເຮັດວຽກເປັນບ້າເປັນຫລັງທັນທີທີ່ກັບມາຮອດ, ແຕ່ໃຫ້ເຮັດແບບຄ່ອຍເປັນຄ່ອຍໄປ ໂດຍເຮັດລາຍການສິ່ງທີ່ຕ້ອງເຮັດໃຫ້ສົມເຫດສົມຜົນ ຈົນສາມາດສະສາງວຽກຕ່າງໆໄດ້ຕາມກຳນົດ. ນອກຈາກນີ້, ການເລືອກກັມາເຮັດວຽກໃນຊ່ວງກາງອາທິດກໍຟັງເບິ່ງໜ້າສົນໃຈບໍ່ໜ້ອຍ ເພາະເທົ່າກັບວ່າມື້ພັກທ້າຍອາທິດຢູ່ບໍ່ໄກ.

     3. ຢ່າໝົກຢູ່ແຕ່ໃນຫ້ອງ : ໜຶ່ງໃນເຫດຜົນທີ່ເຮັດໃຫ້ການເດີນທາງນຳໄປສູ່ຄວາມສຸກໃຈນັ້ນເປັນຍ້ອນເຮົາໄດ້ໃຊ້ເວລາທ່າມກາງແສງແດດແທນການໝົກຢູ່ແຕ່ໃນຫ້ອງໝົດມື້ ແລະ ເຖິງວ່າເຮົາຈະບໍ່ສາມາດໄປຍ່າງເລາະແຄມນຳ້ໄດ້ ແຕ່ຢ່າງໜ້ອຍລອງໄປຍ່າງຫລິ້ນໄລຍະເວລາສັ້ນໆແຖວສວນສາທາລະນະໃກ້ໆຫ້ອງການມື້ລະເທື່ອກໍຍັງດີ.

     4. ເບິ່ງວ່າມີຫຍັງໃຫ້ຕັ້ງໜ້າລໍຄອຍແດ່ : ການຈົດບັນທຶກໃນປື້ມບັນທຶກປະຈຳວັນເຖິງສິ່ງດີໆທີ່ກຳລັງຈະເກີດຂຶ້ນ ເປັນວິທີໃນການຮັບມືກັບຄວາມເຊື່ອງຊຶມຫລັງຊ່ວງເທດສະການໄດ້ຢ່າງດີຫລາຍ ເຖິງວ່າສິ່ງທີ່ຕັ້ງໜ້າລໍຄອຍອາດຈະບໍ່ແມ່ນຫຍັງທີ່ຍິ່ງໃຫຍ່ ຫລື ເລີດຫລູ ເຊັ່ນ : ການໄປພັກຜ່ອນ, ເບິ່ງຮູບເງົາ ຫລື ນັດກິນເຂົ້າກັບໝູ່.

     5. ຕິດຕໍ່ກັບຄົນອ້ອມຂ້າງ : ເຖິງວ່າການເກັບໂຕຢູ່ຄົນດຽວຈະຟັງເບິ່ງໜ້າສົນໃຈ, ແຕ່ຄວາມຈິງແລ້ວການອອກໄປພົບກັບຄອບຄົວ ແລະ ໝູ່ເພື່ອນນັ້ນເປັນເລື່ອງສຳຄັນຢ່າງຍິ່ງ ເພາະຈະຊ່ວຍໃຫ້ເຮົາໄດ້ນຶກເຖິງສິ່ງທີ່ມັກເວລາຢູ່ເຮືອນ ລວມທັງຍັງຊ່ວຍໃຫ້ເຮົາກັບໄປໃຊ້ຊີວິດຕາມປົກກະຕິໄດ້ຢ່າງໄວວາ.

     6. ຢ່າລືມເບິ່ງແຍງໂຕເອງ : ພັກຜ່ອນໃຫ້ເຕັມທີ່, ກິນອາຫານທີ່ມີປະໂຫຍດ ແລະ ກັບໄປອອກກຳລັງກາຍເປັນປະຈຳຄືເກົ່າ ເຊິ່ງສິ່ງເຫລົ່ານີ້ແມ່ນສິ່ງທີ່ຜູ້ຄົນມັກຖືເບົາ, ແຕ່ພັດມີຄວາມສຳຄັນຢ່າງຍິ່ງຕໍ່ສຸຂະພາບ.

ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ - lattana 1 - ເຕັກນິກການເລີ່ມວຽກຢ່າງຫ້າວຫັນ ຮັບມືອາການເຊື່ອງຊຶມຫລັງມື້ພັກຍາວ

     7. ຈື່ຈຳ ແລະ ລະນຶກເຖິງຄວາມຊົງຈຳດີໆ : ຮັກສາຄວາມຊົງຈຳດີໆທີ່ເກີດຂື້ນໃນຊ່ວງຂອງການເດີນທາງໃຫ້ຄົງຢູ່ຕໍ່ໄປ ໂດຍບອກເລົ່າເລື່ອງລາວຊ່ວງເວລາດັ່ງກ່າວ, ເປີດຮູບ ຫລື ເອົາຮູບຖ່າຍໄປໃສ່ຂອບ.

     8. ເຮັດຫຍັງໃໝ່ໆ : ຕັ້ງເປົ້າໝາຍໃໝ່ ເຊັ່ນ : ຫາກິດຈະກຳຍາມວ່າງໃໝ່ໆເຮັດ, ຮຽນພາສາ ຫລື ເຮັດສິ່ງທີ່ເຮົາສົນໃຈຈັກໄລຍະໜຶ່ງ ໂດຍບໍ່ຈຳເປັນຕ້ອງລົງທຶນຫຍັງຫລວງຫລາຍກັບສິ່ງເຫລົ່ານີ້, ແຕ່ມັນພັດເຮັດໃຫ້ຮູ້ສຶກດີໄດ້ແນ່ນອນ.

     9. ວາງແຜນມື້ພັກຄັ້ງຕໍ່ໄປ : ໜຶ່ງໃນວິທີທີ່ດີສຸດໃນການເອົາຊະນະຄວາມເຊື່ອງຊຶມຫລັງຊ່ວງເທດສະການກໍແມ່ນການວາງແຜນທ່ອງທ່ຽວຄັ້ງຕໍ່ໄປ ເຖິງຈະເປັນແຜນການທີ່ຍັງອີກດົນກ່ວາຈະອອກເດີນທາງກໍຕາມ, ແຕ່ການວາງແຜນມື້ພັກຈະຊ່ວຍໃຫ້ເຮົາມີສິ່ງທີ່ຕັ້ງໃຈລໍຄອຍ ເຊິ່ງຜູ້ເດີນທາງເກືອບ 8 ໃນ 10 ມັກມີຄວາມສຸກກັບການໄດ້ເປີດຮູບຖ່າຍຂອງຈຸດໝາຍຕ່າງໆ ແລະ ບ່ອນພັກທີ່ງົດງາມໃນຊ່ວງກ່ອນການເດີນທາງເທື່ອນັ້ນ.

error: Content is protected !!