ປະໂຫຍດຂອງການດື່ມນໍ້າ​ໃຫ້ຖືກວິທີ

ປະໂຫຍດຂອງການດື່ມນໍ້າ​ໃຫ້ຖືກວິທີ - advert banner 728 90 728x90 - ປະໂຫຍດຂອງການດື່ມນໍ້າ​ໃຫ້ຖືກວິທີ
ປະໂຫຍດຂອງການດື່ມນໍ້າ​ໃຫ້ຖືກວິທີ - 012404 2019 - ປະໂຫຍດຂອງການດື່ມນໍ້າ​ໃຫ້ຖືກວິທີ

    ວິທີທີີ1: ເວລາດື່ມນໍ້າ ບໍ່ຄວນຢືນດື່ມໃຫ້ນັ່ງດື່ມ ແລະ ບໍ່ຄວນດື່ມໝົດບາດດຽວ ແຕ່ຫາກໃຫ້ດື່ມເທື່ອລະນ້ອຍ. ເມື່ອນໍ້າເຂົ້າໄປໃນຮ່າງກາຍມັນຈະໄດ້ແຊກຊຶມເຂົ້າໄປຫາທຸກພາກສ່ວນອະໄວຍະວະໃນຮ່າງກາຍ. ຖ້າຢືນດື່ມ ນໍ້າກໍຈະໄຫຼລົງໄປຢູ່ເບື້ອງລຸ່ມຂອງຮ່າງກາຍໝົດ ແລະ ຈະລະເຫີຍອອກຈາກຮ່າງກາຍໄດ້ງ່າຍ, ມັນຈະຊ່ວຍປະໂຫຍດຫຍັງບໍ່ໄດ້ໃຫ້ແກ່ສຸຂະພາບຂອງຄົນເຮົາ.

ປະໂຫຍດຂອງການດື່ມນໍ້າ​ໃຫ້ຖືກວິທີ - 022404 2019 1024x576 - ປະໂຫຍດຂອງການດື່ມນໍ້າ​ໃຫ້ຖືກວິທີ

      ວິທີທີ2: ການດື່ມນໍ້າ ແລະ ການເກີດອຸບັດຕິເຫດຫຼອດເລືອດຫຼົ້ມເຫຼວໃນສະໝອງ ເວລາຄົນເຮົາຢືນ ນໍ້າຈະໄປຢູ່ເບື້ອງລຸ່ມຂອງຮ່າງກາຍ ອາດຈະເຮັດໃຫ້ຂາໄຄ່ໄດ້. ເວລານອນນໍ້າຈະກະຈາຍສະໝໍ່າສະເໝີໄປທົ່ວຮ່າງກາຍ  ເຮັດໃຫ້ໝາກໄຂ່ຫຼັງລະບາຍນໍ້າໄດ້ດີກວ່າ, ສານພິດຕ່າງໆກໍຈະຖືກຂັບຖ່າຍອອກໄປຈາກຮ່າງກາຍ.

    ສິ່ງສຳຄັນຄວນເອົາໃຈໃສ່:

– ຕື່ນຈາກນອນຕອນເຊົ້າໃຫ້ດື່ມນໍ້າ 2 ຈອກ ຈະຊ່ວຍໃຫ້ອະໄວຍະວະໃນຮ່າງກາຍເຄື່ອນໄຫວໄດ້ດີ.

– ດື່ມນໍ້າ 1 ຈອກກ່ອນຮັບປະທານອາຫານ 30 ນາທີ ຈະຊ່ວຍໃຫ້ກະເພາະຍ່ອຍອາຫານໄດ້ດີ.

– ດື່ມນໍ້າ 1 ຈອກກ່ອນອາບນໍ້າ ຈະຊ່ວຍຫລຸດຜ່ອນຄວາມດັນຂອງເລືອດ.

– ດື່ມນໍ້າ 1 ຈອກກ່ອນນອນ ຈະຊ່ວຍສະກັດກັ້ນການເກີດອຸບັດຕິເຫດຫຼອດເລືອດຫຼົ້ມເຫຼວກະທັນຫັນ.

     ຄວນດື່ມນໍ້າຕົ້ມທີ່ເຢັນແລ້ວ ຫຼື ດື່ມນໍ້າອຸ່ນ, ຄວນຫຼີກເວັ້ນດື່ມນໍ້າຮ້ອນ ຫຼື ນໍ້າເຢັນເກີນໄປ ແລະ ຄວນດື່ມໃຫ້ຖືກຕ້ອງຕາມວິທີທີ່ໄດ້ເວົ້າຂ້າງເທິງ.

     ໂດຍທົ່ວໄປແລ້ວ, ພວກເຮົາຈະເຫັນການເກີດອຸບັດຕິເຫດຫຼອດເລືອດຫຼົ້ມເຫຼວກະທັນຫັນໃນຕອນເຊົ້າເປັນສ່ວນໃຫຍ່ ເພາະຕະຫຼອດໃນຄໍ່າຄືນຮ່າງກາຍບໍ່ໄດ້ຮັບນໍ້າ ຈຶ່ງເຮັດໃຫ້ເລືອດຂຸ້ນ. ນີ້ແມ່ນສາເຫດພາໃຫ້ເກີດອຸບັດຕິເຫດຫຼອດເລືອດຫຼົ້ມເຫຼວກະທັນຫັນ.

    ໃນວັນໜຶ່ງ ເລືອດອາດຢູ່ໃນພາວະຂຸ້ນ ແລະ ຈາງສະຫຼັບກັນ.

ປະໂຫຍດຂອງການດື່ມນໍ້າ​ໃຫ້ຖືກວິທີ - lattana 1 - ປະໂຫຍດຂອງການດື່ມນໍ້າ​ໃຫ້ຖືກວິທີ
ປະໂຫຍດຂອງການດື່ມນໍ້າ​ໃຫ້ຖືກວິທີ - 1 1 - ປະໂຫຍດຂອງການດື່ມນໍ້າ​ໃຫ້ຖືກວິທີ

– ແຕ່ 4-8 ໂມງເຊົ້າ ແມ່ນຍາມເລືອດຂຸ້ນທີ່ສຸດ.

– ຫຼັງຈາກນັ້ນກໍຈະຄ່ອຍໆຈາງອອກ ຈົນເຖິງ 12 ໂມງກາງຄືນ ແມ່ນເວລາເລືອດຈາງທີ່ສຸດ.

– ຫຼັງຈາກນັ້ນ ກໍຄ່ອຍໆຂຸ້ນເຂົ້າຈົນເຖິງຕອນເຊົ້າມື້ຕໍ່ມາ ພິເສດແມ່ນແຕ່ເວລາ 4-8 ໂມງເຊົ້າ

     ຍ້ອນແນວນັ້ນ, ພວກເຮົາທຸກຄົນ ໂດຍສະເພາະຜູ້ອາຍຸສູງ, ແຕ່ລະມື້ກ່ອນຈະເຂົ້ານອນຄວນດື່ມນໍ້າ 200 ມິລີລິດ ຫຼື ປະມານ 1 ຈອກກ່ອນ, ມັນຈະຊ່ວຍໃຫ້ເລືອດຈາງໃນຕອນເຊົ້າມື້ຕໍ່ມາ.

      ຍ້ອນເຫດຜົນດັ່ງກ່າວ ບັນດາຊ່ຽວຊານການແພດຈຶ່ງແນະນຳໃຫ້ພວກເຮົາຄວນດື່ມນໍ້າຕອນຄໍ່າກ່ອນຈະເຂົ້ານອນ ເພາະຈະຊ່ວຍໃຫ້ເລືອດຈາງໃນເວລາເຮົາຕື່ນນອນຂອງຕອນເຊົ້າມື້ຕໍ່ມາ, ມັນຊ່ວຍໃຫ້ການໝູນວຽນຂອງເລືອດໄດ້ດີ ແລະ ຊ່ວຍຕ້ານການເກີດອຸບັດຕິເຫດຄວາມດັນຫຼອດເລືອດໃນມັນສະໝອງ. ອາດຈະມີຫຼາຍສາເຫດພາໃຫ້ເກີດອຸບັດຕິເຫດຄວາມດັນໃນຫຼອດເລືອດ. ເລືອດຂຸ້ນແມ່ນໜຶ່ງໃນສາເຫດເກີດອຸບັດຕິເຫດດັ່ງກ່າວ. ເຖິງຢ່າງໃດກໍດີ, ການດື່ມນໍ້າທຸກວັນກ່ອນເຂົ້ານອນຕອນຄໍ່ານັ້ນ ມີຜົນດີທີ່ສຸດຕໍ່ກັບການຕ້ານຄວາມດັນໃນຫຼອດເລືອດແບບກະທັນຫັນ

      ວິທີທີ3: ເຮັດແນວໃດຈຶ່ງຈະເອົາຊີວິດລອດໄດ້ໃນເວລາເກີດອຸບັດຕິເຫດຫົວໃຈຫຼົ້ມເຫຼວ ໃນເມື່ອເກີດອາການນີ້ ຫົວໃຈຈະເຕັ້ນຊ້າລົງ ແລະ ຈັງຫວະເຕັ້ນກໍສັບສົນ. ຫຼັງຈາກນັ້ນ ກໍຈະເກີດອາການວິນຫົວລາຍຕາຂຶ້ນມາຈົນເຖິງຂັ້ນສະຫຼົບໄດ້. ເມື່ອເກີດອາການດັ່ງກ່າວ ຄົນປ່ວຍອາດຈະຊ່ວຍຕົນເອງດ້ວຍວິທີໄອແຮງໆ  ແຕ່ວ່າກ່ອນຈະໄອ ແລະ ຫຼັງໄອແລ້ວ ໃຫ້ສູບເອົາອາກາດເຂົ້າຫາຫົວໃຈໃຫ້ເລິກ. ຜູ້ປ່ວຍເຮັດຄືວ່າທັງໄອທັງສູບເອົາອາກາດເຂົ້າຫາຫົວໃຈໄປເລື້ອຍໆຈົນເຖິງເວລາໃດຫົວໃຈກັບຄືນເຕັ້ນປົກກະຕິ ຫຼື ໄດ້ຮັບການຊ່ວຍເຫຼືອຂອງແພດໝໍແລ້ວຈຶ່ງຄ່ອຍເຊົາ. ການສູບເອົາອົກຊີເຂົ້າໃນປອດໃຫ້ເລິກໆ ແລະ ຫຼາຍເທື່ອ ຈະເພີ່ມປະລິມານອົກຊີໃນຮ່າງກາຍຫຼາຍຂຶ້ນ ແລະ ການໄອແຮງໆຫຼາຍເທື່ອ ຈະຊ່ວຍໃຫ້ເລືອດໃນຫົວໃຈໝູນວຽນໄດ້ດີກວ່າ.

      ທ່ານໝໍຄົນໜຶ່ງເຕືອນວ່າ: ຖ້າຜູ້ໃດຫາກຮູ້ບັນຫານີ້ແລ້ວ ແລະ ສົ່ງຕໍ່ໃຫ້ໃຫ້ຜູ້ອື່ນຮູ້ນຳ ກໍໝາຍຄວາມວ່າເຮົາໄດ້ຊ່ວຍກອບກູ້ເອົາຊີວິດຂອງຄົນໄວ້ໄດ້ 1 ຄົນ.

ຮຽບຮຽງ​ໂດຍ: ລູກເມືອງພວນ, ອີງຕາມ facebook An Thuong. 21/4

error: Content is protected !!