ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ

ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ - advert banner 728 90 728x90 - ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ

      ອົງການ​ສື່​ໄຮ້​ພົມ​ແດນ​ເປີດ​ເຜີຍ​ການຈັດ​ອັນ​ດັບ​ສິດ​ເສລີພາບ​ສື່​ໃນ 180 ປະ​ເທດ ພ້ອມ​ລະບຸ​ວ່າ: ປັດຈຸບັນ ສື່​ມວນ​ຊົນ​ໃນ​ພື້ນທີ່​ສ່ວນ​ໃຫຍ່​ຂອງ​ໂລກ ຖືກ​ຄຸກ​ຄາມ​ສິດ​ເສລີພາບ​ຫລາຍ​ຂຶ້ນ.

      ອົງ​ກອນ​ສື່​ໄຮ້​ພົມ​ແດນ ​ເປີດ​ເຜີຍ​ສະຖານະ​ການ ​ແລະ ຜົນ​ການ​ສຳ​ຫລວດ​ຈັດ​ອັນ​ດັບ​ສິດ​ເສລີພາບ​ສື່​ທົ່ວ​ໂລກ ປະຈຳ​ປີ 2019 ​ໂດຍ​ລະບຸ​ວ່າ: ປັດຈຸບັນ ສື່​ມວນ​ຊົນ​ຖືກ​ຄຸກ​ຄາມ​ສິດ​ເສລີພາບ​ຫລາຍ​ຂຶ້ນ ​ໂດຍ​ສະ​ເພາະ​ໃນ​ປະ​ເທດ​ກຸ່ມ​ສະຫະພາບ​ເອີຣົບ ​ເຊິ່ງຫລາຍ​ປະ​ເທດ​ດັດຊະນີ​ສິດ​ເສລີພາບ​ສື່​ຫລຸດ​ລົງ​ຈາກ​ປີຜ່ານມາ​ຫລາຍ​ຈຸດ. ​ເຖິງ​ຢ່າງ​ໃດ​ກໍ​ຕາມ, ສະຖານະ​ການ​ໃນ​ບາງ​ປະ​ເທດ​ພັດ​ດີ​ຂຶ້ນຢ່າງໜ້າຊື່ນຊົມ ແລະ ມີຄວາມຫວັງເພີ່ມຂຶ້ນ ເຊັ່ນຢູ່ທະວີບອາຟຣິກາ.

      ກຸ່ມ​ປະ​ເທດ 5 ອັນ​ດັບ​ທຳ​ອິດ ທີ່​ສື່​ມີ​ສິດ​ເສລີພາບ​ຫລາຍ​ທີ່​ສຸດ ຍັງ​ຢູ່​ໃນ​ເຂດ​ສະ​ແກນດີ​ເວ​ຍ ​ໂດຍ​ນອກ​ແວ ຍັງ​ຄອງ​ແຊ້ມປະ​ເທດ​ທີ່​ສື່​ມີ​ສິດ​ເສລີພາບ​ຫລາຍ​ທີ່​ສຸດ, ອັນ​ດັບ 2 ຄື ​ແຟງ​ລັງ, ອັນ​ດັບ 3 ຊູ​ແອດ, ອັນ​ດັບ 4 ​ໂຮ​ນລັງ ​ແລະ ອັນ​ດັບ 5 ດານ​ມາກ.

       ສ່ວນ​ອັງກິດ ຢູ່​ໃນ​ອັນ​ດັບ​ທີ 33, ສ.​ເກົາຫລີ ອັນ​ດັບ​ທີ 41, ອາ​ເມ​ລິ​ກາ ຢູ່​ໃນ​ອັນ​ດັບ 48 ຂອງ​ໂລກ.

ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ - 1 1 - ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ
ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ - lattana 1 - ອົງກອນສື່ໄຮ້ພົມແດນເປີດເຜີຍ ການຈັດອັນດັບສິດເສລີພາບສື່ ໃນ 180 ປະເທດທົ່ວໂລກ

      ຂະນະ​ທີ່​ປະ​ເທດ​ສະມາຊິກ​ອາ​ຊຽນ​ລ້ວນ​ຢູ່​ໃນ​ອັນ​ດັບ​ຮ້ອຍ​ກວ່າ ນຳ​ໂດຍ​ມາ​ເລ​ເຊຍ ອັນ​ດັບ​ທີ 123, ອິນ​ໂດ​ເນ​ເຊຍ ອັນ​ດັບ​ທີ 124, ຟີ​ລິບ​ປິນ ອັນ​ດັບ​ທີ 134, ສ່ວນ​ປະ​ເທດ​ໄທ ຢູ່​ໃນ​ອັນ​ດັບ​ທີ 136, ມຽນມາ ອັນ​ດັບ​ທີ 138, ກຳປູ​ເຈຍ ອັນ​ດັບ​ທີ 143, ສິງກະ​ໂປ ອັນ​ດັບ​ທີ 151, ບຣູ​ໄນ ອັນ​ດັບ​ທີ 152, ລາວ ອັນ​ດັບ​ທີ 171 ​ແລະ ຫວຽດນາມ ອັນ​ດັບ​ທີ 176.

      ສ່ວນ​ດັດຊະນີ​ເສລີພາບ​ສື່​ຢູ່ ສປປ ​ເກົາຫລີ ປີ​ນີ້ ​ເຖິງ​ວ່າ​ບໍ່​ໄດ້​ຢູ່​ໃນ​ລຳດັບ​ຕໍ່າ​ສຸດ​ຂອງ​ໂລກ​ຄື​ປີຜ່ານມາ, ​ແຕ່​ກໍ​ຢູ່​ໃນ​ລຳດັບ​​ເກືອບ​ສຸດ​ທ້າຍ ຄື​ອັນ​ດັບ​ທີ 179 ຂອງ​ໂລກ ດີກ​ວ່າ​ຕວັກ​ເມ​ນິດ​ສະຖານ ​ເຊິ່ງຢູ່​ໃນ​ອັນ​ດັບ​ທີ 180.

error: Content is protected !!