ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ

ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ - advert banner 728 90 728x90 - ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ

     ​ເຈົ້າໜ້າ​ທີ່​ກູ້​ໄພ​ຟີ​ລິບ​ປິນ​ເລັ່ງຄົ້ນຫາ​ຜູ້​ລອດ​ຊີວິດ​ທີ່​ຕົກ​ຄ້າງ​ຢູ່​ພາຍ​ໃຕ້​ອາຄານ​ທີ່​ພັງ​ລົງ​ມາ​ໃກ້​ນະຄອນຫລວງ​ມະນິລາ, ຫລັງ​ເກີດ​ແຜ່ນດິນ​ໄຫວ​ໃນ​ວັນ​ທີ 22 ​ເມສາ ຂະນະ​ທີ່​ຈຳນວນ​ຜູ້​ເສຍ​ຊີວິດ​ເພີ່ມ​ເປັນ 15 ຄົນ, ບາດ​ເຈັບ 81 ຄົນ.

ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ - new3 - ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ

      ​​ເຄື່ອງ​ຈັກ​ໜັກ ​ແລະ ອຸປະກອນ​ຂຸດ​ເຈາະ​ຖືກ​ລະດົມ​ເຂົ້າ​ໄປ​ດຶງ​ເສດ​ຄອນ​ກີດ​ຂອງ​ອາຄານ​ສູງ 4 ຊັ້ນ ທີ່​ເປີດ​ເປັນ​ຊຸບ​ເປີ​ມາ​ເກັດ​ໃນ​ເມືອງ​ໂພ​ແຣກ ​ເຊິ່ງພັງ​ລົງ​ມາ​ຫລັງ​ເກີດ​ແຜ່ນດິນ​ໄຫວ​ຂະ​ໜາດ 6,1 ​ເມື່ອ​ເວລາ 17:00 ​ໂມງ ວັນ​ທີ 22 ​ເມສາ ຕາມ​ເວລາ​ທ້ອງ​ຖິ່ນ ມີ​ຢ່າງ​ໜ້ອຍ 24 ຄົນ​ຍັງ​ຫາ​ບໍ່​ພົບ ​ແລະ ​ເຊື່ອ​ວ່າ​ບາງ​ຄົນ​ຍັງ​ມີ​ຊີວິດ​ຢູ່. ​ແຜ່ນດິນ​ໄຫວ​ຄັ້ງນີ້​ເກີດ​ເລິກ​ລົງ​ໄປ​ໃຕ້​ດິນພຽງ 12 ກິ​ໂລ​ແມັດ ​ແລະ ມີ​ສູນ​ກາງ​ຢູ່​ເມືອງ​ກາສຕິ​ເຍ​ໂຮ​ສ ​ແຂວງ​ຊຳ​ບາ​ເລ​ສ ຫ່າງ​ຈາກ​ນະຄອນຫລວງ​ມະນິລາ​ໄປ​ທາງ​ທິດຕາ​ເວັນ​ຕົກ​ສຽງ​ເໜືອ​ປະມານ 100 ກິ​ໂລ​ແມັດ ​ແຮງ​ສັ່ນ​ສະ​ເທືອ​ນ​ເຮັດ​ໃຫ້​ອາຄານ​ສູງ​ໃນ​ນະຄອນຫລວງ​ມະນິລາ​ສັ່ນ​ໄຫວ​ຫລາຍ​ນາທີ ​ແລະ ​ເກີດ​ຮອຍ​ແຕກ​ຂະໜາດ​ໃຫຍ່​ຕາມ​ກຳ​ແພງ. ຫລ້າ​ສຸດ ຈຳນວນ​ຜູ້​ເສຍ​ຊີວິດ​ເພີ່ມ​ເປັນ 15 ຄົນ ທັງ​ໝົດ​ຢູ່​ແຂວງ​ປຳປັງ​ກາ ​ເຊິ່ງ​ເປັນ​ຈຸດ​ເສຍ​ຫາຍ​ໜັກ​ທີ່​ສຸດ ​ແລະ ຄາດ​ວ່າ​ຈຳນວນ​ຜູ້​ເສຍ​ຊີວິດ​ຈະ​ຍັງ​ເພີ່ມ​ຂຶ້ນອີກ. ນອກຈາກ​ນີ້ ຍັງ​ມີ​ຜູ້​ບາດ​ເຈັບ 81 ຄົນ. ຟີ​ລິບ​ປິນຕັ້ງຢູ່​ເທິງ​ແນວ​ວົງ​ແຫວນ​ແຫ່ງ​ໄຟ​ໃນ​ມະຫາ​ສະໝຸດ​ປາຊີ​ຟິກ ​ເຮັດ​ໃຫ້​ສ່ຽງ​ຕໍ່​ການ​ເກີດ​ແຜ່ນດິນ​ໄຫວ.

      ສ່ວນ​ຢູ່​ປະ​ເທດ​ເມັກ​ຊິກ​ກໍ​ເກີດ​ແຜ່ນດິນ​ໄຫວ​ຂະໜາດ 5,4 ຄວາມ​ຮຸນ​ແຮງ​ປານ​ກາງ ​ຢູ່​ບໍລິ​ເວນ​ຊາຍ​ແດນ​ລະຫວ່າງ​ລັດ​ວາ​ຮາ​ກາ​ກັບ​ລັດ​ເກ​ເຣ​ໂຣ ຫ່າງ​ຈາກ​ເມືອງ​ອະ​ຄາ​ປຸ​ໂກ​ໄປ​ປະມານ 160 ກິ​ໂລ​ແມັດ ​ເລິກ​ລົງ​ໄປ​ໃຕ້​ດິນ 21,6 ກິ​ໂລ​ແມັດ ​ແຮງ​ສັ່ນ​ສະ​ເທືອ​ນຮູ້ສຶກ​ໄປ​ເຖິງ​ນະຄອນຫລວງ​ເມັກ​ຊິກ, ​ເບື້ອງຕົ້ນບໍ່​ມີ​ລາຍ​ງານ​ຄວາມ​ເສຍ​ຫາຍ ຫລື ຜູ້​ໄດ້​ຮັບ​ບາດ​ເຈັບ.

ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ - lattana 1 - ເກີດແຜ່ນດິນໄຫວຮຸນແຮງຢູ່ຟີລິບປິນ ມີຜູ້ເສຍຊີວິດແລ້ວຫລາຍກວ່າ 10 ຄົນ
error: Content is protected !!