ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ

ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ - advert banner 728 90 728x90 - ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ເຕືອນ​ວ່າ: ຄວາມ​ກົດ​ດັນ​ຕໍ່າ​ຂອງ​ອາກາດ​ຮ້ອນ​ທີ່​ມີ​ກຳລັງ​ປານ​ກາງຫາ​ແຮງ​ຈະ​ປົກ​ຄຸມ​ຢູ່​ທຸກ​ພາກ​ຂອງ​ປະ​ເທດ​ລາວ ສົມທົບ​ກັບ​ກະ​ແສ​ລົມ​ຕາ​ເວັນ​ຕົກ​ສຽງ​ເໜືອ​ພັດ​ປົກ​ຄຸມ ​ເຊິ່ງຈະ​ເຮັດ​ໃຫ້​ອາກາດ​ຍັງ​ສືບ​ຕໍ່​ຮ້ອນ​ເອົ້າຢູ່​ທົ່ວ​ໄປ ​ແລະ ຈະ​ມີ​ຝົນ​ໝາກ​ເຫັບ​ຕົກ​ພ້ອມ​ຟ້າ​ເຫລື້ອມຢູ່​ບາງ​ທ້ອງ​ຖິ່ນ.

ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ - new3 - ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ

      ສຳລັບ​ສະພາບ​ອາກາດ​ແຕ່​ວັນ​ທີ 24 ຮອດ​ທ້າຍ​ເດືອນ​ນີ້ ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕ​າ​ເວັນ​ອອກ ​ແຂວງ​ຊຽງ​ຂວາງ ​ແລະ ຫົວພັນ ອາກາດ​ເຢັນ​ໃນ​ຕອນ​ກາງຄືນ​ຫາ​ເຊົ້າ ​ແລະ ອາກາດ​ຈະ​ຮ້ອນ​ໃນ​ຕອນ​ບ່າຍ, ພ້ອມ​ມີ​ຝົນຕົກ​ຟ້າ​ເຫລື້ອ​ມ​ໃນ​ລະດັບ​ຄ່ອຍ, ອຸນຫະພູມ​ແຕ່ 17-35 ອົງສາ, ພາກ​ເໜືອ​ດ້ານ​ຕາ​ເວັນ​ຕົກ ​ແຂວງ​ຫລວງ​ພະ​ບາງ ​ແລະ ​ໄຊ​ຍະ​ບູລີ ອາກາດ​ຈະ​ຮ້ອນ​ເອົ້າ​ໃນ​ຕອນ​ບ່າຍ ພ້ອມ​ຈະ​ມີ​ໝອກ​ແຫ້ງ​ປົກ​ຫຸມ​ໃນ​ຕອນ​ກາງ​ເວັນ ​ແລະ ຈະ​ມີ​ຝົນຕົກ​ຟ້າ​ເຫລື້ອມ​ໃນ​ລະດັບ​ຄ່ອຍ ພ້ອມ​ມີ​ລົມ​ພັດ​ແຮງ ອຸນຫະພູມ​ແຕ່ 19-40 ອົງສາ, ພາກ​ກາງ ນະຄອນຫລວງ​ວຽງ​ຈັນ, ບໍລິ​ຄຳ​ໄຊ, ຄຳ​ມ່ວນ, ສະຫວັນນະ​ເຂດ ອາກາດ​ຈະ​ຮ້ອນ​ເອົ້າ ພ້ອມ​ມີ​ໝອກ​​ແຫ້ງ​ປົກ​ຫຸມ​ໃນ​ຕອນ​ບ່າຍ​ຫາ​ຄໍ່າ ​ແລະ ຈະ​ມີ​ຝົນຕົກ​ຟ້າ​ເຫລື້ອມ​ໃນ​ລະດັບ​ຄ່ອຍ ​ແລະ ລົມ​ພັດ​ແຮງ ອຸນຫະພູມ​ແຕ່ 25-40 ອົງສາ. ສະ​ເພາະ​ແຂວງ​ໄຊ​ສົມບູນ, ​ເຂດ​ຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ອາກາດ​ເຢັນ​ໃນ​ຕອນ​ກາງຄືນ​ຫາ​ເຊົ້າ ​ແລະ ອາກາດ​ຮ້ອນ​ໃນ​ຕອນ​ບ່າຍ ຈະ​ມີ​ຝົນຕົກ​ໃນ​ລະດັບ​ຄ່ອຍ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ ອຸນຫະພູມ​ແຕ່ 16-31 ອົງສາ. ພາກ​ໃຕ້ ​ແຂວງ​ສາລະ​ວັນ, ຈຳປາ​ສັກ, ອັດ​ຕະປື, ​ເຊ​ກອງ ອາກາດ​ຈະ​ຮ້ອນ​ເອົ້າຫລາຍ ພ້ອມ​ມີ​ໝອກ​ແຫ້ງ​ປົກ​ຫຸມ​ຢູ່​ທົ່ວ​ໄປ​​ໃນຕອນ​ກາງ​ເວັນ ​ແລະ ມີ​ຝົນຕົກ​ຟ້າ​ເຫລື້ອມ​ໃນ​ລະດັບ​ຄ່ອຍ​ຫາ​ປານ​ກາງ ອຸນຫະພູມ​ແຕ່ 23-40 ອົງສາ.       ຕໍ່​ສະພາບ​ອາກາດ​ດັ່ງກ່າວ​ຈຶ່ງ​ເຕືອນ​ໃຫ້​ປະຊາຊົນ​ບັນດ​າ​ເຜົ່າ​ຈົ່ງ​ມີ​ສະຕິ​ລະວັງ​ໃນ​ການ​ເກັບ​ມ້ຽນ​ວັດຖຸ​ສິ່ງ​ຂອງ​ໃຫ້​ດີ ​ເພື່ອ​ຫລີກ​ລ້ຽງ​ຜົນ​ເສຍ​ຫາຍ​ຕາມ​ມາ ​ແລະ ​ໃຫ້​ຕິດຕາມ​ຂ່າວ​ພະຍາກອນ​ອາກາດ​​ເປັນ​ປະຈຳ.

ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ - lattana 1 - ອຸຕຸ​ເຕືອນ​ອາກາດ​ຈະ​ສືບ​ຕໍ່​ຮ້ອນ​ໄປ​ຮອດ​ທ້າຍ​ເດືອນ
error: Content is protected !!