ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ”

ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ” - advert banner 728 90 728x90 - ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ”

# ລູກ​ເມືອງ​ພວນ

     ​ເວັບ​ໄຊ Express ສສ ຫວຽດນາມ ​ໃຫ້​ຮູ້​ວ່າ: ນາຍົກລັດຖະມົນຕີ ຫງວຽນ ຊວນ ​ຟຸກ ຈະ​ນຳ​ຄະນະ​ຜູ້​ແທນ​ລະດັບ​ສູງ​ຂອງ​ຫວຽດນາມ ​ເຂົ້າຮ່ວມ​ກອງ​ປະຊຸມ​ຮ່ວມ​ມື “ໜຶ່ງ​ແລວ​ໜຶ່ງ​ເສັ້ນທາງ” ຄັ້ງທີ 2 ຢູ່ ສປ ຈີນ ​ແຕ່​ວັນ​ທີ 25-27 ​ເມສາ​ນີ້.

       ກະຊວງ​ການ​ຕ່າງປະ​ເທດ​ຫວຽດນາມ ​ໄດ້​ອອກ​ແຈ້ງ​ການ​ໃນ​ຕອນ​ບ່າຍ​ວັນ​ທີ 22/4 ​ໃຫ້​ຮູ້​ວ່າ: ​ໂດຍ​ຕອບ​ສະໜອງ​ຄຳ​ເຊີນ​ຂອງ ​ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດ​ຈີນ, ປະທານ​ປະ​ເທດ ​ແຫ່ງ ສາທາລະນະ​ລັດ ປະຊາຊົນ​ຈີນ ສີ ຈິ້ນຜິ​ງ, ນາຍົກລັດຖະມົນຕີ ສາທາລະນະ​ລັດ ສັງຄົມ​ນິຍົມ ຫວຽດນາມ ຫງວຽນ ຊວນ ຟຸກ ຈະ​ນຳ​ຄະນະ​ຜູ້​ແທນ​ລະດັບ​ສູງ​ຂອງ​ຕົນ​ເຂົ້າຮ່ວມ​ກອງ​ປະຊຸມ​ດັ່ງກ່າວ​ຢູ່​ປັກ​ກິ່ງ ​ແຕ່​ວັນ​ທີ 25-27/4/2019.

       ວັນ​ທີ 19/4 ສປ ຈີນ ​ໃຫ້​ຮູ້​ວ່າ: ຈະ​ມີ​ຜູ້ນຳ​ຈາກ 37 ປະ​ເທດ​ເຂົ້າຮ່ວມ ​ແລະ ຜູ້ຕາງໜ້າ​ຂອງ ສປປ ​ເກົາຫລີ ກໍ​ຈະ​ເຂົ້າຮ່ວມ​ກອງ​ປະຊຸມ​ສຸດ​ຍອດ​ໃນ​ຄັ້ງນີ້​ເຊັ່ນ​ດຽວ​ກັນ.

ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ” - 1 1 - ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ”
ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ” - lattana 1 - ນາຍົກລັດຖະມົນຕີຫວຽດນາມເຂົ້າຮ່ວມ ກອງປະຊຸມການຮ່ວມມື “ໜຶ່ງແລວໜຶ່ງເສັ້ນທາງ”

      ​ໃນ​ມື້ດຽວ​ກັນ, ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ​ໄດ້​ປະຕິ​ເສດ​ຕໍ່​ຄຳ​ວິພາກ​ວິຈານ​ກ່ຽວ​ກັບ​ການ​ອອກ​ຫົວຄິດ​ປະດິດ​ສ້າງ​ໂຄງການ​ໃຫຍ່​ຂອງ​ຈີນ. ທ່ານ​ເວົ້າວ່າ: ນີ້​ແມ່ນ​ຮູບ​ການ​ໜຶ່ງ​ຂອງ​ການ​ຮ່ວມ​ມື, ​ແມ່ນ​ພື້ນຖານ​ການ​ຮ່ວມ​ມື​ຂອງ​ບັນດາ​ປະ​ເທດ, ບໍ່​ແມ່ນ​ບັນຫາ​ການ​ເມືອງ.

      “ໜຶ່ງ​ແລວ​ໜຶ່ງ​ເສັ້ນທາງ” ​ແມ່ນ​ຫົວຄິດ​ປະດິດ​ສ້າງ​ຂອງ​ປະທານ​ປະ​ເທດ ສີ​ ຈິ້ນຜິ​ງ ​ແມ່ນ​ໂຄງການ​ລະດັບ​ໃຫຍ່, ມີ​ມູນ​ຄ່າ​ສູງ​ເຖິງ 1.000 ລ້ານ​ໂດ​ລາ​ສະຫະລັດ ລວມທັງ​ໂຄງການ​ທາງ​ທະ​ເລ, ທາງ​ລົດ​ໄຟ​ ​ແລະ ທາງບົກ ຢູ່​ໃນ​ທະວີບອາຊີ, ອາ​ຟຣິກາ ​ແລະ ​ເອີຣົບ.

     ກ່ອນ​ໜ້າ​ນີ້, ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ​ໃຫ້​ຮູ້​ວ່າ: ມີ​ທັງ​ໝົດ 126 ປະ​ເທດ ​ແລະ 29 ອົງການ​ຈັດຕັ້ງສາກົນ​ໄດ້​ລົງ​ນາມ​ຮ່ວມ​ມື “ໜຶ່ງ​ແລວໜຶ່ງ​ເສັ້ນທາງ” ກັບ​ ສປ ຈີນ ​ແລ້ວ ພາຍຫລັງ 6 ປີ​ທີ່​ມີ​ໂຄງການ​ນີ້​ອອກ​ມາ, ປະລິມານ​ການ​ແລກປ່ຽນ​ສິນຄ້າ​ລະຫວ່າງ​ຈີນ​ກັບ​ບັນດາ​ປະ​ເທດ​ທີ່​ເຂົ້າຮ່ວມ​ໄດ້​​ເພີ່ມ​ສູງ​ຂຶ້ນຫລາຍ​ກວ່າ 6.000 ຕື້​ໂດ​ລາ​ສະຫະລັດ ​ແລະ ຕົ້ນທຶນ​ການ​ລົງທຶນ​ສູງ​ກວ່າ 80 ຕື້​ໂດ​ລາ​ສະຫະລັດ.

error: Content is protected !!