ສີລັງກາຊີ້ IS ອາດຢູ່ເບື້ອງຫລັງ ເຫດລະເບີດວັນອີສເຕີ

ສີລັງກາຊີ້ is ອາດຢູ່ເບື້ອງຫລັງ ເຫດລະເບີດວັນອີສເຕີ - advert banner 728 90 728x90 - ສີລັງກາຊີ້ IS ອາດຢູ່ເບື້ອງຫລັງ ເຫດລະເບີດວັນອີສເຕີ

      ນາຍົກລັດຖະມົນຕີ ຣານິລ ວິກົມ​ສິງ​ເຫ ຂອງ​ສີ​ລັງກາ ກ່າວ​ວ່າ: ຜູ້​ກໍ່​ເຫດ​ລະ​ເບີດ​ຂ້າ​ຕົວ​ຕາຍ​ໃນ​ວັນ​ອີສ​ເຕີ​ໃນ​ຫລາຍ​ຈຸດ​ຂອງ​ປະ​ເທດ ອາດ​ມີ​ການ​ເຊື່ອມ​ໂຍງ​ກັບ​ກຸ່ມ​ຕິດ​ອາວຸດ​ລັດ​ອິສລາມ (IS) ​ເຊິ່ງຄຳ​ກ່າວ​ຂອງ​ທ່ານ​ມີ​ຂຶ້ນຫລັງ​ຈາກ ກຸ່ມ IS ອອກ​ມາ​ອ້າງ​ຄວາມ​ຮັບຜິດຊອບ​ໃນ​ການ​ໂຈມ​ຕີ ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 321 ຄົນ.

ສີລັງກາຊີ້ is ອາດຢູ່ເບື້ອງຫລັງ ເຫດລະເບີດວັນອີສເຕີ - new3 - ສີລັງກາຊີ້ IS ອາດຢູ່ເບື້ອງຫລັງ ເຫດລະເບີດວັນອີສເຕີ

     ທ່ານ ວິກົມ​ສິງ​ເຫ ກ່າວ​ວ່າ: ທາງ​ການ​ກຳລັງ​ກວດ​ສອບ​ຄຳ​ກ່າວ​ອ້າງ​ຂອງ IS ​ເຊິ່ງອາດ​ຈະ​ກ່ຽວຂ້ອງ​ກັບ​ການ​ໂຈມ​ຕີຄັ້ງນີ້. ນອກຈາກ​ນີ້ ລັດຖະບານ​ສີ​ລັງກາ ຍັງ​ລະບຸ​ວ່າ: ກຸ່ມ​ມຸດ​ສະ​ລິ​ມຫົວ​ຮຸນ​ແຮງ​ໃນ​ປະ​ເທດ​ລົງມື​ໂຈມ​ຕີ​ໂບດ​ຄຣິສ ​ເພື່ອ​ແກ້​ແຄ້ນ​ເຫດການ​ຍິງ​ໃນ​ມັດສະ​ຢິດປະ​ເທດ​ນູ​ແວນ​ເຊ​ລັງ​ໃນ​ເດືອນ​ຜ່ານ​ມາ.

      ຂະນະ​ທີ່​ ເຈົ້າໜ້າ​ທີ່ລະດັບ​ສູງ​ໃນ​ກະຊວງ​ປ້ອງ​ກັນ​ປະ​ເທດ​ຂອງ​ສີ​ລັງກາ ກ່າວ​ຕໍ່​ລັດຖະສະພາ​ວ່າ: ກຸ່ມ​ກໍ່​ການ​ຮ້າຍ​ທີ່ຢູ່​ເບື້ອງຫລັງ​ມີ 2 ກຸ່ມ​ຄື: ກຸ່ມ​ແນ​ຊັນ​ແນ​ລ ທາ​ວີ​ດ ຈາ​ມັດ (NTJ) ​ແລະ ກຸ່ມ​ຈາມ​ມິ​ຢາ​ທູ ມິ​ລາ​ທູ ອິບຣາຮິມ ​ເຊິ່ງ​ເປັນ​ກຸ່ມ​ມຸດສະ​ລິ​ມຫົວ​ຮຸນ​ແຮງ​ໃນ​ປະ​ເທດ ຕ້ອງການ​ໂຈມ​ຕີ​ເພື່ອ​ແກ້​ແຄ້ນ​ເຫດການ​ທີ່​ຊາຍ​ຊາວ​ອົດ​ສະຕຣາລີ​ທີ່​ມີ​ແນວ​ຄິດ​ນິຍົມ​ຜິວ​ຂາວ​ຍິງ​ປືນ​ໃນ​ມັດສະ​ຢິດ 2 ​ແຫ່ງ​ໃນ​ເມືອງ​ໄຄ​ເຊີບ ປະ​ເທດ​ນູ​ແວນ​ເຊ​ລັງ​ໃນ​ເດືອນ​ຜ່ານ​ມາ ​ເຮັດ​ໃຫ້​ມີ​ຜູ້​ເສຍ​ຊີວິດ 50 ຄົນ.

ສີລັງກາຊີ້ is ອາດຢູ່ເບື້ອງຫລັງ ເຫດລະເບີດວັນອີສເຕີ - lattana 1 - ສີລັງກາຊີ້ IS ອາດຢູ່ເບື້ອງຫລັງ ເຫດລະເບີດວັນອີສເຕີ
error: Content is protected !!