UN ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ

un ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ - advert banner 728 90 728x90 - UN ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ

      ລາຍ​ງານ​ຂອງ​ສະຫະ​ປະຊາ​ຊາດ ທີ່​ເປີດ​ເຜີຍ​ໃນ​ວັນ​ທີ 24 ​ເມສາ​ນີ້ ລະບຸ​ວ່າ: ພົນລະ​ເຮືອນ​ຢູ່​ອັບ​ກາ​ນິດ​ສະຖານ​ຈຳນວນ​ເພີ່ມ​ຂຶ້ນຖືກ​ສັງຫານ​ດ້ວຍຝີ​ມື​ຂອງ​ກອງ​ກຳລັງ​ອາ​ເມ​ລິ​ກາ ​ແລະ ກອງໜຸນ​ລັດຖະບານ ຫລາຍ​ກວ່າ​ກຸ່ມ​ຕາ​ລີ​ບັນ ​ແລະ ກຸ່ມ​ຕິດ​ອາວຸດ​ອື່ນໆ.

un ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ - new3 - UN ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ

      ​ເຫດ​ນອງ​ເລືອດ​ມີ​ຂຶ້ນ​ໄລຍະ​ທີ່​ອາ​ເມ​ລິ​ກາລະ​ດົມ​ໂຈມ​ຕີ​ທາງ​ອາກາດ​ຢູ່​ອັບ​ກາ​ນິດ​ສະຖານ ຂະນະ​ພະຍາຍາມ​ຊຸກ​ຍູ້​ຂໍ້​ຕົກລົງ​ສັນຕິພາບ​ກັບ​ກຸ່ມ​ຕາ​ລີ​ບັນ ​ເຊິ່ງມີ​ອິດ​ທິພົນ ​ແລະ ຄວບ​ຄຸມພື້ນທີ່​ຫລາຍ​ຂຶ້ນກວ່າ​ໄລຍະ​ຜ່ານ​ມາ ນັບ​ແຕ່​ຖືກ​ໂຄ່ນ​ລົ້ມຈາກ​ອຳນາດ​​ໃນ​ປີ 2001. ສຳນັກງານ UN ​ໃນ​ອັບ​ກາ​ນິດ​ສະຖານ ມີ​ລາຍ​ງານ​ງວດ​ໄຕ​ມາດ​ລະບຸ​ວ່າ: ​ໃນ​ໄລຍະ 3 ​ເດືອນ​ທຳ​ອິດ​ຂອງ​ປີ 2019 ປະຕິບັດ​ການ​ໂຈມ​ຕີ​ຂອງ​ກອງ​ກຳລັງ​ລັດຖະບານ​ອັບ​ກາ​ນິດ​ສະຖານ ​ແລະ ກອງ​ກຳລັງ​ຕ່າງປະ​ເທດ​ນຳ​ໂດຍ​ອາ​ເມ​ລິ​ກາ​ເປັນ​ເຫດ​ໃຫ້​ພົນລະ​ເຮືອນ​ເສຍ​ຊີວິດ​ເຖິງ 305 ຄົນ, ຂະນະ​ທີ່ ກຸ່ມ​ຕິດ​ອາວຸດ​ເຮັດ​ໃຫ້​ມີ​ຜູ້​ເສຍ​ຊີວິດ 227 ຄົນ.

      UN ລາຍ​ງານ​ວ່າ: ພົນລະ​ເຮືອນ​ສ່ວນ​ຫລາຍ​ເສຍ​ຊີວິດ​ຈາກ​ການ​ໂຈມ​ຕີ​ທາງ​ອາກາດ ​ແລະ ປະຕິບັດ​ການ​ພາກພື້ນດິນ​ຂອງ​ກອງ​ກຳລັງ​ອາ​ເມ​ລິ​ກາ ​ແລະ ອັບ​ກາ​ນິດ​ສະຖານ ​ເຊິ່ງ UN ​ເປີດ​ເຜີຍ​ວ່າ: ການ​ໂຈມ​ຕີ​ທີ່​ຜິດພາດ​ພັດ​ບໍ່​ໄດ້​ຮັບ​ການ​ລົງ​ໂທດ. ລາຍ​ງານ​ຂອງ UN ຮຽກຮ້ອງ​ໃຫ້​ກອງ​ກຳລັງ​ຮັກສາ​ຄວາມ​ໝັ້ນຄົງ​ອັບ​ກາ​ນິດ​ສະຖານ ​ແລະ ກອງ​ກຳລັງ​ສາກົນ ດຳ​ເນີນ​ການ​ສອບ​ສວນ​ຕາມ​ຂໍ້​ກ່າວ​ຫາ​ສັງຫານ​ພົນລະ​ເຮືອນ. ລາຍ​ງານ​ຜົນ​ການ​ສອບ​ສວນ ​ແລະ ຈ່າຍ​ຄ່າ​ຊົດ​ເຊີຍ​ຢ່າງ​ເໝາະ​ສົມ​ໃຫ້​ແກ່​ຄອບຄົວ​ຜູ້​ເຄາະ​ຮ້າຍ. ສຳນັກງານ UN ​ໃນ​ອັບ​ກາ​ນິດ​ສະຖານ​ເກັບ​ຂໍ້​ມູນ​ຕົວ​ເລກ​ພົນລະ​ເຮືອນ​ເສຍ​ຊີວິດ​ມາ​ແຕ່​ປີ 2009 ທ່າມກາງ​ສະຖານະ​ການ​ຄວາມ​ໝັ້ນຄົງ​ທີ່​ຊຸດ​ໂຊມ​ລົງ​ຢູ່​ອັບ​ກາ​ນິດ​ສະຖານ.

un ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ - lattana 1 - UN ເຜີຍ ພົນລະເຮືອນຖືກອາເມລິກາ ແລະ ອັບການິດສະຖານ ສັງຫານຫລາຍກວ່າກຸ່ມຕິດອາວຸດ
error: Content is protected !!