ສຕລ ກຽມຈັດຝຶກອົບຮົມຄູຝຶກລະດັບ D ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ

ສຕລ ກຽມຈັດຝຶກອົບຮົມຄູຝຶກລະດັບ d ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ - advert banner 728 90 728x90 - ສຕລ ກຽມຈັດຝຶກອົບຮົມຄູຝຶກລະດັບ D ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ

      ສະຫະພັນບານເຕະແຫ່ງຊາດລາວ ກຽມຈັດຝຶກອົບຮົມຄູຝຶກບານເຕະຂັ້ນພື້ນຖານ LFF “D” Certificate Coaching Course , ຝຶກອົບຮົມກຳມະການຕັດສິນບານເຕະຂັ້ນພື້ນຖານ ແລະ ຈັດກິດຈະກຳບານເຕະຂອງເຍົາວະຊົນ ປະຈຳປີ 2019 ເພື່ອສົ່ງເສີມພັດທະນາບັນດາຄູຝຶກກິລາບານເຕະ ແລະ ກຳມະການໃຫ້ໄດ້ທົ່ວທຸກເຂດຫ່າງໄກ ແລະ ດ້ອຍໂອກາດ, ນຳໃຊ້ການຝຶກສອນທັກສະກິລາບານເຕະຂັ້ນພື້ນຖານ ແລະ ກຳມະການຕັດສິນບານເຕະຂັ້ນພື້ນຖານໃຫ້ຖືກຕ້ອງຕາມຂັ້ນຕອນ ແລະ ມີຄວາມຄ່ອງແຄ້ວ ເພື່ອພັດທະນາບັນດາຄູຝຶກ, ພັດທະນາກຳມະການຕັດສິນ ໃຫ້ມີຄວາມສາມາດ, ມີພອນສະຫວັນທາງດ້ານກິລາບານເຕະໃຫ້ກາຍມາເປັນຄູຝຶກ ແລະ ກຳມະການ, ເພື່ອຊອກຫາເດັກນ້ອຍທີ່ມີພອນສະຫວັນໃນດ້ານກິລາບານເຕະມາເປັນນັກກິລາລຸ້ນສຶບທອດ ຈົນກາຍເປັນນັກກິລາຕົວແທນໃນຂະແຫນງການຕ່າງໆ ເພື່ອກ້າວໄປເຖິງນັກກິລາທີມຊາດໃນອະນາຄົດ.

ສຕລ ກຽມຈັດຝຶກອົບຮົມຄູຝຶກລະດັບ d ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ - new3 - ສຕລ ກຽມຈັດຝຶກອົບຮົມຄູຝຶກລະດັບ D ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ

      ການຈັດຝຶກອົບຮົມດັ່ງກ່າວແມ່ນຈະໄດ້ຈັດຂຶ້ນຢູ່ 4 ແຂວງພາກເຫນືອ ພາຍໃນເດືອນພຶດ​ສະ​ພາ ແລະ ເດືອນ​ມິ​ຖຸ​ນາ 2019 ລາຍ​ລະ​ອຽດດັ່ງ​ນີ້:  ວັນທີ 14-17 ພຶດ​ສະ​ພາ ຢູ່ແຂວງ​ອຸ​ດົມ​ໄຊ, ວັນທີ 21-24 ພຶດ​ສະ​ພາ ຢູ່ແຂວງຜົ້ງ​ສາ​ລີ, ວັນທີ 28-31 ພຶດ​ສະ​ພາ ຢູ່ແຂວງຫລວງ​ນ້ຳ​ທາ, ວັນທີ 4-7 ມິ​ຖຸ​ນາ ຢູ່ແຂວງບໍ່​ແກ້ວ.

      ສຳ​ລັບ ປີ 2019 ​ການ​ຝຶກ​ອົບ​ຮົມຄູຝຶກບານເຕະຂັ້ນພື້ນຖານ LFF “D” Certificate Coaching Course , ຝຶກອົບຮົມກຳມະການຕັດສິນບານເຕະຂັ້ນພື້ນຖານ ແລະ ຈັດກິດຈະກຳບານເຕະຂອງເຍົາວະຊົນ ແມ່ນ​ໄດ້​ຈັດ​ມາ​ແລ້ວ ຢູ່​ 2 ແຂວງ​​ຄື: ແຂວງ​ຊຽງ​ຂວາງ ແລະ ແຂ​ວງ​ຫົ​ວ​ພັນ ໃນເດືອນ​ມີ​ນາ​ຜ່ານ​ມາ, ສ່ວນ​ພາກ​ໃຕ້​ແມ່ນ​ຈະ​ຈັດ​ຢູ່ 2 ແຂວງ ຄື: ວັນທີ 19-21 ກັນຍາ ຢູ່ແຂວງເຊກອງ, ວັນທີ 23-25 ກັນຍາ ຢູ່ແຂວງອັດຕະປື.

ສຕລ ກຽມຈັດຝຶກອົບຮົມຄູຝຶກລະດັບ d ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ - lattana 1 - ສຕລ ກຽມຈັດຝຶກອົບຮົມຄູຝຶກລະດັບ D ກໍາມະການບານເຕະ ຂັ້ນພື້ນຖານຢູ່ 4 ແຂວງພາກເຫນືອ
error: Content is protected !!