ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ

ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ - advert banner 728 90 728x90 - ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ

     ຫລັງ​ຈາກ​ອະນາຄົດ​ຂອງ ​ເອ​ແດ໊ນ ອາຊາ ປີກ ​ເຊ​ລຊີ ຍັງ​ເຕັມ​ໄປ​ດ້ວຍ​ຄວາມ​ບໍ່​ແນ່ນອນ, ຫລ້າ​ສຸດ ​ເດິ ຊັນ ລາຍ​ງານ​ວ່າ: ຣີລ ມາດຣິດ ພ້ອມ​ຈະ​ໃຫ້​ຄ່າ​ເມື່ອຍ​ຂອງ​ລາວ​ອາທິດ​ລະ 400.000 ປອນ ​ໂດຍ​ເປັນ​ເງິນ​ຫລັງ​ຫັກ​ພາສີ​​ແລ້ວ ​ແລະ ຍັງ​ຈະ​ໃຫ້​ໂບນັດ​ຈຳນວນ​ຫລາຍ​ອີກ​ຕ່າງຫາກ ຖ້າ​ລາວ​ພາ​ທີ​ມຄວ້າ​ແຊ້ມ​ໄປ​ຄອງ​ໄດ້.

ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ - new3 - ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ

     ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ​ເວທີ ລາ ລີ​ກາ ສະ​ເປ​ນ ສະ​ເໜີ​ຈະ​ໃຫ້​ຄ່າ​ເມື່ອຍ ​ເອ​ແດ໊ນ ອາຊາ ປີກ​ຄົນ​ເກັ່ງ​ຂອງ ​ເຊ​ລຊີ ​ແບບ​ຫລັງ​ຈາກ​ຫັກ​ພາສີ​ແລ້ວ​ສູງ​ເຖິງ 400.000 ປອນ​ຕໍ່​ອາທິດ.

     ອາຊາ ຕົກ​ເປັນ​ຂ່າວ​ກັບ ຣີລ ມາດຣິດ ມາ​ດົນ​ແລ້ວ ຫລັງ​ຈາກ ຣີລ ມາດຣິດ ກຳລັງ​ຕ້ອງການ​ສ້າງ​ທີ​ມຂຶ້ນມາ​ໃໝ່ ​ເພື່ອ​ກັບ​ໄປ​ເປັນ​ທີ​ມທີ່​ຍິ່ງ​ໃຫຍ່​ອີກ. ຂະນະ​ທີ່ ດາ​ວ​ເຕະ​ຊາວ​ເບ​ວຢ້ຽມ​ເວົ້າຕະຫລອດ​ວ່າ: ຣີລ ມາດຣິດ ​ເປັນ​ທີ​ມທີ່​ຕົນ​ມັກ​ແຕ່​ຕອນ​ຍັງ​ນ້ອຍ ​ແລະ ມີ​ຄວາມ​ຝັນ​ທີ່​ຈະ​ໄດ້​ໄປ​ຫລິ້ນ​ໃຫ້​ຍອດ​ທີ​ມ​ແຫ່ງ​ຖິ່ນ ຊານ​ຕິ​ອາ​ໂກ ​ເບ​ນາ​ເບ​ວ.

ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ - lattana 1 - ທຸ້ມເຕັມທີ່ ! ເປີດຄ່າເມື່ອຍ ຣີລ ມາດຣິດ ພ້ອມຈ່າຍໃຫ້ ອາຊາ

      ນອກຈາກ​ຈະ​ໄດ້​ຄ່າ​ເມື່ອຍ​ຈຳນວນ​ຫລາຍ​ແລ້ວ ອາຊາ ຈະ​ໄດ້​ໂບນັດ​ຫລາຍ​ກວ່າ 15 ລ້ານ​ປອນ ນຳ​ອີກ ຖ້າ​ລາວ​ຊ່ວຍ​ໃຫ້ ຣີລ ມາດຣິດ ຄວ້າ​ແຊ້ມພາຍ​ໃນ​ປະ​ເທດ ກັບ​ແຊ້ມລະດັບ​ທະວີບ​ເອີຣົບມາ​ຄອງ​ໄດ້ ​ໂດຍ​ທີ​ມຂອງ​ຄູ​ຝຶກ ຊີ​ເນ​ດິນ ຊີ​ດານ ພ້ອມ​ຈະ​ຍື່ນ​ຂໍ້​ສະ​ເໜີ​ຂໍຊື້ລາວ​ຢ່າງ​ເປັນ​ທາງ​ການ​ແລ້ວ ​ແລະ ຖ້າ​ໄດ້ ອາຊາ ມາ​ຮ່ວມ​ທີ​ມ​ແລ້ວນັ້ນ ຣີລ ມາດຣິດ ຈະ​ໃສ່​ຄ່າ​ຈີກ​ສັນຍາ​ເອົາ​ໄວ້​ 250 ລ້ານ​ປອນ ອີກ​.

      ​ເດິ ຊັນ ລາຍ​ງານ​ອີກ​ວ່າ: ​ເຊ​ລຊີ ຈະ​ຍອມ​ປ່ອຍ ອາຊາ ຖ້າ​ໄດ້​ຄ່າ​ຕົວ​ປະມານ 100 ລ້ານ​ປອນ ​ໂດຍ ​ເຊ​ລຊີ ບອກ​ກັບ​ຕົວ​ແທນ​ຂອງ ອາຊາ ​ແລ້ວ​ວ່າ​ຈະ​ບໍ່​ຂວາງ​ການ​ຍ້າຍ​ທີ​ມຂອງ​ລາວ​ແນ່ນອນ ​ແຕ່​ນັກ​ເຕະ​ໄວ 28 ປີ ຍັງ​ບໍ່​ຢາກ​ເຈລະຈາ​ເລື່ອງ​ການ​ຍ້າຍ​ທີ​ມ​ໃນ​ຕອນ​ນີ້ ​ເພາະ​ອາດ​ຈະ​ເຮັດ​ໃຫ້​ລາວ​ເສຍ​ສະມາທິ​ກັບ​ການ​ຊ່ວຍ​ຕົ້ນສັງກັດ​ໃນ ພຣີ​ເມຍ​ລີກ ​ແລະ ຢູຟາ ຢູ​ໂຣປາ ລີກ ​ໂດຍ​ເຊື່ອ​ກັນ​ວ່າ ຕອນ​ນີ້ ອາຊາ ​ໄດ້​ຄ່າ​ເມື່ອຍ​ຈາກ ​ເຊ​ລຊີ ອາທິດ​ລະ 200.000 ປອນ.

error: Content is protected !!