ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ

ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - 967458 - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ
ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - Untitled design - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ

ໂດຍ: ທ່ຽງ​ທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ກໍດັ່ງພວກເຮົາຮັບຮູ້ນຳກັນແລ້ວວ່າ: ເນື່ອງ ຈາກສະພາບດິນຟ້າອາກາດ ມີ ການປ່ຽນແປງໄປຢ່າງໜ້າ ເປັນຫວ່ງຍ້ອນເງື່ອມມືຂອງມະນຸດເຮົາເອງຈາກການພັດທະນາຢ່າງບໍ່ມີຂອບເຂດປ່າ ໄມ້ແຫລ່ງນ້ຳຖືກ, ທຳລາຍ, ສະພາບອາຍພິດເຮືອນແກ້ວ ນັບມື້ເພີ່ມທະວີຂຶ້ນ, ອຸນຫະພູມ ຂອງໂລກຮ້ອນແຮງຂຶ້ນ ຫລາຍປະເທດປະສົບໄພ ທຳມະຊາດຢ່າງຮ້າຍແຮງ ແຜ່ນດິນໄຫວ, ພູໄຟລະເບີດ, ເກີດຄືນສື່ນາມິ, ຝົນຕົກໜັກ- ນ້ຳຖ້ວມ ແລະ ບາງແຫ່ງພັດ ເກີດສະພາບແຫ້ງແລ້ງ, ອາກາດຮ້ອນແຮງໄດ້ຂ້າຊີວິດ ຂອງຄົນເຮົາໄປເປັນຈຳນວນບໍ່ໜ້ອຍ.

ດັ່ງຢູ່ປະເທດເຮົາໃນປັດຈຸບັນ, ເຫັນວ່າ ສະພາບອາ ກາດຮ້ອນແຮງຂຶ້ນທຸຂະນະຄືນັບແຕ່ບຸນສົງການປີໃໝ່ລາວມານີ້ສະເພາະອາກາດ ຢູ່ນະຄອນຫລວງວຽງຈັນແຕ່ລະມືຈະມີອຸນຫະພູມສູງເຖິງ 39-40 ອົງສາ, ອັນເປັນຕົ້ນເຫດກໍ່ໃຫ້ເກີດອັກຄີໄພໄດ້ງ່າຍຖ້າເຮົາຂາດ ຄວາມລະມັດລະວັງໃນການ ນຳໃຊ້ຟືນໄຟສຳລັບການ ແຕ່ງຢູ່ຄົວກິນ, ກ້າວໄປເຖິງການຈຸດໄຮ່ຈຸດສວນເພື່ອທຳ ການຜະລິດຫລືການນຳໃຊ້ ໄຟຟ້າໃນຄົວເຮືອນ.

ການໃຕ້ທູບໃຕ້ທຽນກາບ ໄຫວ້ບູຊາ ແລະ ອື່ນໆ ກໍເປັນ ສິ່ງທີ່ມີຄວາມສ່ຽງກໍ່ໃຫ້ ເກີດອັກຄີໄພໄດ້ງ່າຍດັ່ງໄລ ຍະບຸນປີໃໝ່ຜ່ານມາຢູ່ ແຂວງ ຈຳປາສັກກໍ່ເກີດໄຟໄໝ້ ບ້ານຂອງປະຊາຊົນເສຍຫາຍຫລາຍສິບຫລັງ, ສົ່ງຜົນໃຫ້ປະຊາຊົນນັບຫລາຍຮ້ອຍຄົນຂາດທີ່ຢູ່ອາໄສ, ເຄື່ອງຂອງເສຍຫາຍຈົນນັບບໍ່ຖ້ວນ ແລະ ກະໂຕຢູ່ນະຄອນຫລວງວຽງຈັນເອງ ກໍ່ເກີດມີອັກຄີໄພ ຢູ່ຫລາຍແຫ່ງ, ແຕ່ໜ້າເສຍດາຍກໍ ແມ່ນກຸດຕິເກົ່າແກ່ໃນ ວັດ ທາດຫລວງເໜືອໄດ້ຖືກໄພເຜົາຜ່ານໄປໃນຊ່ວງພິບຕາ.

ເຊິ່ງທັງໝົດນີ້ກໍແມ່ນ ຍ້ອນການຂາດຄວາມມີສະ ຕິລະ ວັງໃນການນຳໃຊ້ຟືນ ໄຟນັ້ນເອງ ແລະ ພ້ອມດຽວກັນນັ້ນເບື້ອງເຈົ້າໜ້າທີ່ຜູ້ ເຮັດວຽກງານສະກັດກັ້ນ  ແລະ ມອດໄຟກໍຕ້ອງໄດ້ເພີ່ມທະວີກະກຽມລົດນ້ຳ, ເຄື່ອງມືອຸປະກອນມອດໄຟໃຫ້ພຽງພໍ ແລະ ຮັບປະກັນ, ໄປຄຽງຄູ່ກັບການຝຶກແອບເພື່ອຍົກສູງຄວາມອາດສາມາດຂອງ ພະນັກງານນັກຮົບກຳລັງມອດໄພໃຫ້ດີຂຶ້ນກວ່າເກົ່າ.

ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - Wave100S AD to Website 2020 0 - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ

ເມື່ອເຫດເກີດຂຶ້ນຢູ່ບ່ອນໃດກໍໃຫ້ຮີບຮ້ອນລົງສະກັດກັ້ນມອດໄຟທ່ວງທັນເວລາ ເພື່ອສາມາດຫລຸດຜ່ອນຄວາມເສຍຫາຍໃຫ້ໜ້ອຍທີ່ສຸດ./.

ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - 967458 - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ
(ພາບປະກອບ)
ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - WhatsApp Image 2020 05 27 at 5 - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ
ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ - WhatsApp Image 2020 05 27 at 5 - ສະພາບ​ອາກາດ​ຮ້ອນ​ແຮງ ​ໃຫ້​ລະວັງ​ອັກຄີ​ໄພ
error: Alert: ເນື້ອຫາຂ່າວມີລິຂະສິດ !!