ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ

ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ - advert banner 728 90 728x90 - ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ

ວັນທີ 19 ເມສານີ້ ມີ 76 ກໍລະນີຄົນລາວແຕ່ງງານກັບຄົນຫວຽດນາມຖືກຕ້ອງຕາມກົດໝາຍ ຢູ່ເມືອງ ດຽນບຽນ ແຂວງດຽນບຽນຟູ ສສ ຫວຽດນາມ ​ເຊິ່ງກະຊວງຍຸຕິທຳໄດ້ສົມທົບກັບອຳນາດການປົກຄອງແຂວງດັ່ງກ່າວມອບສັນຊາດໃຫ້ແກ່ເຂົາເຈົ້າຕາມລັດຖະດຳລັດຂອງປະທານປະເທດສສ ຫວຽດນາມສະບັບ ເລກທີ 520/QĐ-CTN,ລົງວັນທີ 29/3/2019.

ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ - new3 - ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ

ນີ້ແມ່ນ 76 ກໍລະນີທີ່ມີເງື່ອນໄຂພຽງພໍ ແຕ່ງງານຖືກຕ້ອງຕາມກົດໝາຍ ເຊີ່ງປັດຈຸບັນພວກເຂົາເຈົ້າ​ເຫລົ່ານັ້ນກຳລັງດຳລົງຊີວິດຢູ່ຕາມທ້ອງຖິ່ນຕ່າງໆຂອງຫວຽດນາມເຊັ່ນ: ຕາແສງແທັງເນືອ, ແທັງເຊືອງ, ແທັງຮືງ, ແທັງອານ, ປາເທີມ, ນາເຕົ້າ, ເມືອງໂປນ, ນົ້ວງາມ, ເມືອງລ້ອຍ, ນາອື, ພູຫລວງ, ແຮ່ມວງ, ຊຳມື້ນ.

ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ - lattana 1 - ຫວຽດນາມໃຫ້ສັນຊາດແກ່ຄົນລາວ 76 ຄົນທີ່ແຕ່ງງານຖືກຕ້ອງຕາມກົດໝາຍ

ສະຫາຍ ຫງວຽນກົງແຄງ ຫົວໜ້າກົມຖານະພົນລະເມືອງ ແລະ ສັນຊາດ ກະຊວງຍຸດຕິທຳຫວຽດນາມ ໄດ້ມີຄຳເຫັນໃນພິທີວ່າ: 76 ກໍລະນີທີ່ຄົນລາວແຕ່ງງານກັບຄົນຫວຽດນາມທີ່ຖືກຕ້ອງຕາມກົດໝາຍນີ້ໄດ້ກາຍເປັນພົນລະເມືອງຂອງສາທາລະນະລັດສັງຄົມນິຍົມຫວຽດນາມ. ນີ້ແມ່ນເຫດການທີ່ມີຄວາມໝາຍສຳລັບຊີວິດຂອງຄົນເຮົາ ທັງເປັນພື້ນຖານໃຫ້ແກ່ການສົມລົດທີ່ຖືກຕ້ອງຕາມກົດໝາຍກຳນົດໄວ້, ເຂົາເຈົ້າໄດ້ເຊື່ອມສານກັບການດຳລົງຊີວິດຂອງຊາວຫວຽດນາມ ແລະ ໄດ້ເຮັດໃຫ້ ຊີວິດການເປັນຢູ່ຂອງເຂົາເຈົ້າໄດ້ຮັບການປົວແປງດີຂຶ້ນເທື່ອລະກ້າວ, ລູກຫລານເກີດມາມີສິດໄດ້ຮັບການສືກກສາ, ໄດ້ຮັບການບໍລິການທາງ ດ້ານສາທາລະນະສຸກ. ພ້ອມດຽວກັນນີ້ ກໍແມ່ນຄວາມພະຍາຍາມຂອງສອງຊາດລາວ-ຫວຽດນາມໃນການຮ່ວມມືແກ້ໄຂບັນຫາສັນຊາດໃຫ້ແກ່ຜູ້ທີ່ອົບພະຍົບ ແລະ ແຕ່ງງານຖືກຕ້ອງ ຕາມລະບຽບກົດໝາຍລະຫ່ວາງສອງປະເທດ.ລູກເມືອງພວນ, https://www.goole.la, 23/4

error: Content is protected !!