“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ

“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - 4 4 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ
“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - AGL banner - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ

  ກອງປະຊຸມສຸດຍອດໜຶ່ງແລວໜຶ່ງເສັ້ນທາງ ເພື່ອການຮ່ວມມືສາກົນຄັ້ງທີ 2 ໄດ້ຈັດຂຶ້ນຢ່າງເປັນທາງການຢູ່ນະຄອນຫລວງປັກກິ່ງ ສປ ຈີນ ໃນວັນທີ 25-27 ເມສານີ້, ໂດຍມີປະມຸກລັດ ແລະ ຫົວໜ້າລັດຖະບານຈາກ 37 ປະເທດ ແລະ ຜູ້ຕາງໜ້າຈາກ 150 ປະເທດ ແລະ ເຂດແຄວ້ນເຂົ້າຮ່ວມເກືອບ 1.000 ຄົນ. ສໍາລັບ ສປປ ລາວ, ແມ່ນພະນະທ່ານ ບຸນຍັງ ວໍລະຈິດ ປະທານປະເທດ  ໄດ້ເຂົ້າຮ່ວມ.

  ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແມ່ນຂໍ້ລິເລີ່ມຂອງໂດຍທ່ານ ສີ ຈິ້ນຜິງ ປະທານປະເທດ ສປ ຈີນ ໃນປີ 2013, ໂດຍມີຄວາມຄິດມາຈາກເສັ້ນທາງສາຍໄໝບູຮານທີ່ມີປະຫວັດຍາວນານ 2 ພັນກວ່າປີ, ໃນຍຸກນັ້ນ ປະຊາຊົນໃນພາກພື້ນ ຢູເຣເຊຍ (ເຂດຕໍ່ລະຫວ່າງທະວີບອາຊີ ແລະ ເອີຣົບ) ໄດ້ຄົ້ນຫາ ແລະເປີດເສັ້ນທາງເພື່ອແລກປ່ຽນການຄ້າຂາຍ ແລະ ວັດທະນະທຳນຳກັນ, ຈົນເກີດຄວາມສີວິໄລລະຫວ່າງອາຊີ-ເອີຣົບ-ອາຟຣິກກາ ແລະ ໄດ້ກາຍມາເປັນເສັ້ນທາງສາຍໄໝ ອັນເປັນທີ່ຮັບຮູ້ໃນທົ່ວໂລກ ແລະ ເປັນເສັ້ນທາງເສີມສ້າງສັນຕິພາບ, ການຮ່ວມມື ແລະ ໄດ້ຮັບຜົນປະໂຫຍດຮ່ວມກັນ.

  ຂໍ້ລິເລີ່ມນີ້ ປະກອບດ້ວຍ 2 ໂຄງການໃຫຍ່ຄື: ແລວເສດຖະກິດເສັ້ນທາງສາຍໄໝ ແລະ ເສັ້ນທາງສາຍໄໝທາງທະເລສັດຕະວັດທີ 21. ສໍາລັບຄໍາວ່າໜຶ່ງແລວ ແມ່ນເນັ້ນການຮວມຕົວກັນຂອງຈີນກັບອາຊີກາງ, ຣັດເຊຍ ແລະ ເອີ ຣົບ, ເຊື່ອມໂຍງຈີນກັບອ່າວເປີເຊຍ, ເຂດທະເລເມດີເຕຣາເນ ຜ່ານອາຊີກາງ ແລະ ອາຊີຕາເວັນຕົກ, ເຊື່ອມຈອດຈີນກັບອາຊີຕາເວັນອອກສຽງໃຕ້ (ອາຊຽນ) ອາຊີໃຕ້ ແລະ ມະຫາສະມຸດອິນເດຍ. ຄໍາວ່າ: ໜຶ່ງເສັ້ນທາງ ແມ່ນເສັ້ນທາງທີ່ຖືກອອກແບບຕາມແຄມຝັ່ງທະເລຈີນ ໄປຫາເອີຣົບ ຜ່ານທະເລຈີນໃຕ້ ແລະ ມະຫາສະມຸດອິນເດຍ ແລະ ອີກເສັ້ນທາງໜຶ່ງແມ່ນຈາກແຄມຝັ່ງທະເລຈີນ ຜ່ານທະເລຈີນໃຕ້ໄປຫາມະຫາສະມຸດປາຊີຟິກ ແລະ ປັດຈຸບັນ, ການຮ່ວມມືໃນຂອບຂໍ້ລິເລີ່ມດັ່ງກ່າວໄດ້ກວມເອົາ 5 ຂະແໜງການໃຫຍ່ຄື: ການປະສານງານດ້ານນະໂຍບາຍ, ການເຊື່ອມໂຍງສິ່ງອຳນວຍຄວາມສະດວກ, ໂດຍສະເພາະແມ່ນການກໍ່ສ້າງພື້ນຖານໂຄງລ່າງ, ການຮ່ວມມືດ້ານການຄ້າ, ການເງິນ ແລະ ການໄປມາຫາສູ່ລະຫວ່າງປະຊາຊົນ, ໂດຍ ສປ ຈີນ ໄດ້ຮ່ວມກັບບັນດາປະເທດໃນພາກພື້ນໄດ້ສ້າງຕັ້ງທະນາຄານລົງທຶນ ເພື່ອການພັດທະນາໂຄງລ່າງພື້ນຖານອາຊີ (AIIB ) ຂຶ້ນມາ ເພື່ອຮອງຮັບການເຂົ້າເຖິງແຫລ່ງທຶນທີ່ງ່າຍກວ່າເກົ່າ. ຂະນະດຽວກັນ ກໍໄດ້ສະໜອງເງິນກູ້ໃຫ້ບັນດາປະເທດທີ່ຢູ່ລຽບໜຶ່ງແລວໜຶ່ງເສັ້ນທາງແລ້ວຫລາຍຮ້ອຍຕື້ໂດລາສະຫະລັດ. ປັດຈຸບັນ ມີ 125 ປະເທດ ແລະ ເຂດແຄວ້ນ ແລະ 29 ອົງການຈັດຕັ້ງສາກົນ ໄດ້ລົງນາມເຊັນສັນຍາຮ່ວມມືກັບຂໍ້ລິເລີ່ມນີ້ແລ້ວກວ່າ 170 ສະບັບ, ຊຶ່ງກວມຫລາຍກວ່າ 40%ຂອງລວມຍອດຜະລິດຕະພັນພາຍໃນ (GDP) ຂອງໂລກ.

  ໃນໄລຍະ 5 ປີຜ່ານມາ, ຂໍ້ລິເລີ່ມດັ່ງກ່າວໄດ້ລົງທຶນໄປແລ້ວກວ່າ 460 ຕື້ໂດລາສະຫະລັດ, ຂະນະດຽວກັນ, ມູນຄ່າການຄ້າລະຫວ່າງຈີນກັບບັນດາປະເທດລຽບຕາມໜຶ່ງແລວໜຶ່ງເສັ້ນທາງບັນລຸກວ່າ 600 ຕື້ໂດລາສະຫະລັດ ແລະ ໂຄງການທີ່ພົ້ນເດັ່ນແມ່ນ: ໂຄງການກໍ່ສ້າງທາງລົດໄຟລາວ-ຈີນ, ທາງລົດໄຟ ໄທ-ຈີນ, ທາງລົດໄຟຄວາມໄວສູງຈາກນະຄອນຫລວງຈາກາຕາ-ບັນດຸງ ອິນໂດເນເຊຍ, ທາງລົດໄຟຈາກປະເທດຮົງກາຣີ-ແຊັກບີ, ທ່າເຮືອກະວາດາ, ທ່າເຮືອ ຮຳບັນໂຕຕາ ແລະ ທ່າເຮືອກາລີຟາ ທີ່ພວມດໍາເນີນຮັບການກໍ່ສ້າງໃນປັດຈຸບັນ.

“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - Wave100S AD to Website 2020 0 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ

  ສຳລັບ, ສປປ ລາວ ເປັນປະເທດບໍ່ຕິດກັບທະເລ ກໍຍິ່ງຈະໄດ້ຮັບຜົນປະໂຫຍດຈາກຂໍ້ລິເລີ່ມນີ້ຢ່າງຫລວງຫລາຍ ເພື່ອເຊື່ອມຕໍ່ກັບພາກພື້ນ ແລະ ໂລກ ຄືດັ່ງທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ໃຫ້ສຳພາດໃນໂອກາດເຂົ້າຮ່ວມກອງປະຊຸມສຸດຍອດດັ່ງກ່າວຄັ້ງທີ 1 ເມື່ອປີ 2017 ວ່າ: “ຂໍ້ລິເລີ່ມໜຶ່ງແລວໜຶ່ງເສັ້ນທາງ ແມ່ນແທດເໝາະກັບນະໂຍບາຍຫັນປະເທດທີ່ບໍ່ມີທາງອອກສູ່ທະເລ ເປັນປະເທດເຊື່ອມຈອດກັບບັນດາປະເທດໃກ້ຄຽງ ແລະ ພາກພື້ນຂອງ ສປປ ລາວ, ໂດຍໂຄງການທາງລົດໄຟລາວ-ຈີນ ທີ່ພວມກໍ່ສ້າງໄດ້ເປັນກຸນແຈສຳຄັນໃນການປົດລ໋ອກ ເພື່ອໃຫ້ບັນລຸນະໂຍບາຍດັ່ງກ່າວຂອງ ສປປ ລາວ”.

“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ
“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ
“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ
“ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ - WhatsApp Image 2020 05 27 at 5 - “ໜຶ່ງແລວໜຶ່ງເສັ້ນທາງ” ຈະສ້າງຜົນປະໂຫຍດສູ່ໂລກ
error: Alert: Content is protected !!