ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ

ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ - advert banner 728 90 728x90 - ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ

      ກອງ​ປະຊຸມ​ລັດຖະບານ​ປະຈຳ​ເດືອນ​ເມສາ 2019 ​ໄດ້​ຈັດ​ຂຶ້ນ​ໃນ​ວັນ​ທີ 23-24 ​ນີ້ ​​ໂດຍ​ການ​ເປັນ​ປະທານ​ຂອງ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ແລະ ກອງ​ປະຊຸມ​ໄດ້​ປຶກສາ​ຫາລື ​ແລະ ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ​ຄື: ຮັບ​ຟັງ​ລາຍ​ງານ​ຄວາມ​ຄືບ​ໜ້າການ​ແກ້​ໄຂ​ຄວາມ​ຫຍຸ້ງຍາກ​ທາງ​ດ້ານ​ເສດຖະກິດ​ມະຫາ​ພາກ, ຄົ້ນຄວ້າ​ພິຈາລະນາ​ການສະ​ເໜີ​ຂໍ​ອະນຸມັດ​ຂຸດ​ຄົ້ນ​ໄມ້​ຢູ່​ໃນ​ເຂດ​ພັດທະນາ​ໂຄງການ​ຕ່າງໆ ​ແລະ ​ເກັບ​​ເຄື່ອງ​ປ່າ​ຂອງ​ດົງ​ປະຈຳ​ປີ 2019, ການ​ປັບປຸງ​ໂຄງ​ສ້າງ​ລາຄາ​ໄຟຟ້າ, ພິຈາລະນາ​ດຳລັດ​ວ່າ​ດ້ວຍ​ການ​ປະຢັດ​ພະລັງງານ ​ແລະ ຮ່າງ​ດຳລັດ​ວ່າ​ດ້ວຍ​ຈັນ​ຍາ​ບັນ​ຂອງ​ພະນັກງານ-ລັດຖະກອນ.

ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ - new3 - ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ

      ຕໍ່ບັນຫາ​ດັ່ງກ່າວ, ທ່ານ​ນາຍົກລັດຖະມົນຕີ ​ໄດ້​ມີ​ທິດ​ຊີ້​ນຳ​ຄື: ສຳລັບ​ການ​ແກ້​ໄຂ​ຄວາມ​ຫຍຸ້ງຍາກ​ດ້ານ​ເສດຖະກິດ​ມະຫາ​ພາກ ​ແມ່ນ​ໃຫ້​ກະຊວງ​ກ່ຽວຂ້ອງ​ສືບ​ຕໍ່​ລົງ​ເລິກ​ຄົ້ນຄວ້າ​ການ​ປັບປຸງ​ນິຕິ​ກຳ​ຕ່າງໆ ​ໂດຍ​ສະ​ເພາະ​ການ​ປະຕິບັດ 8 ມາດ​ຕະການ​ຊຸກຍູ້​ເສດຖະກິດ​ຂອງ​ລັດ ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ການ​ດຳ​ເນີນ​ທຸລະ​ກິດ​ໃນ​ປະ​ເທດ, ສ່ວນ​ການ​ຂໍ​ອະນຸມັດ​ຂຸດ​ຄົ້ນ​ໄມ້, ກອງ​ປະຊຸມ​ເຫັນ​ດີ​ໃຫ້​ຂຸດ​ຄົ້ນ​ໃນ​ເຂດ​ໂຄງການ​ພັດທະນາ ​ແລະ ກໍ່ສ້າງ​ພື້ນຖານ​ໂຄງ​ລ່າງ​ທີ່​ໄດ້​ດຳ​ເນີນ​ໄປ​ແລ້ວ ​ເປັນຕົ້ນ​ແລວ​ກໍ່ສ້າງ​ເສັ້ນທາງ, ສາຍ​ສົ່ງ​ໄຟຟ້າ, ອ່າງ​ເກັບ​ນ້ຳ​ໃນ​ເຂື່ອນ ​ໂດຍ​ມອບ​ໃຫ້​ກະຊວງ​ອຸດສາຫະກຳ ​ແລະ ການ​ຄ້າ​ເປັນ​ເຈົ້າການ​ ສົມທົບ​ກັບ​ຂະ​ແໜງ​ການ​ກ່ຽວຂ້ອງ​ອື່ນໆ ​ເອົາ​ໃຈ​ໃສ່​ກວດກາ​ຄວາມ​ຖືກຕ້ອງ​ຂອງ​ຂໍ້​ມູນ​ໃຫ້​ລະອຽດ ​ເພື່ອ​ຫລີກ​ລ້ຽງ​ການ​ສວຍ​ໂອກາດ, ສອດຄ່ອງ​ຕາມ​ລະບຽບ​ກົດໝາຍ ​ແລະ ສາມາດ​ສ້າງ​ລາຍ​ຮັບ​ເຂົ້າງົບປະມານ. ສ່ວນ​ບັນຫາ​ອື່ນໆ ​ແມ່ນ​ໃຫ້​ຂະ​ແໜງ​ການ​ກ່ຽວຂ້ອງ​ນຳ​ໄປ​ປັບປຸງ​ຕາມ​ຄຳ​ເຫັນ​ຂອງ​ກອງ​ປະຊຸມ ​ເພື່ອ​ໃຫ້​ຮັບປະກັນ​ຕາມ​ລະບຽບ​ຫລັກການ ​ແລະ ຈັດຕັ້ງປະຕິບັດ​ໃຫ້​ມີ​ປະສິດທິ​ຜົນ.

ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ - lattana 1 - ລັດຖະບານ​ຕົກລົງ​ຫລາຍ​ບັນຫາ​ສຳຄັນ​ຂອງ​ຊາດ
error: Content is protected !!