​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ

​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ - advert banner 728 90 728x90 - ​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ

ໂດຍ: ຈານ​ແຫຍ່

​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ - new3 - ​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ

ປີໃໝ່ລາວປີນີ້ ຈານແຫຍ່ ສາມາດທຸບ ຫລື ທຳລາຍສະ ຖິຕິຕົນເອງໄດ້ຢ່າງຂາດລອຍເພາະສາມາດ ສຳເລັດການ ໄປ ສົງນ້ຳພະຢູ່ 10 ວັດ, ປີ ກາຍໄປໄດ້ 9 ວັດ, ປີຊືນໄດ້ 7 ວັດ, ໃຈຈິງແລ້ວປີນີ້ກໍວາງ ແຜນໃຫ້ໄດ້ 9 ວັດຕາມຄ່າ ນິຍົມ ຂອງສັງຄົມວ່າເລກ “9” ເປັນເລກມະຫາມຸງຄຸນ ເປັນຕົວເລກສູງສຸດແຕ່ໄປ ຕາມໄປກໍມ່ວນໄປນຳເພາະ ໄດ້ເຫັນແນວແປກໃໝ່.

ວັດເປັນບ່ອນສັງລວມ ທາງດ້ານຈິດໃຈຂອງຄົນ ລາວຊາວພຸດ. ສຳລັບ ຈານແຫຍ່ແລ້ວວັດເປັນຫລາຍ ກວ່ານັ້ນອີກຍ້ອນເຄີຍເປັນ  ເດັກວັດ, ອາໄສຢູ່ວັດອົງຕື້ ຫລາຍປີເພື່ອສຶກສາຮ່ຳຮຽນ.

ເລື່ອງຈຳນວນວັດ ທີ່ຕ້ອງໄປສົງພະໃຫ້ຄົບໃນບຸນ ປີໃໝ່ລາວ ຈານແຫຍ່ ບໍ່ໄດ້ ຖືໜັກຖືໜາພໍປານໃດດອກ. ຈຳນວນວັດບໍ່ສຳຄັນເທົ່າ ກັບສັດທາພາຍໃນຈິດໃຈ. ຜ່ານມາເຄີຍເວົ້າຕະຫລົກກັບພັກພວກ ວ່າ ຂໍໄປແຕ່ວັດ ດຽວກໍພໍໂທຍ! ຄືວັດ “ສົມຫວັງ” ແລ້ວກໍຈະສົມຫວັງ  ທຸກຢ່າງ. ແຕ່ເມື່ອອາຍຸທີ່ເສຍໄປ ໄດ້ເພີ່ມຈຳນວນຂຶ້ນ, ຈານແຫຍ່ກໍເລີ່ມມີທ່າອ່ຽງວ່າ, ຄວນໄປຫລາຍໆ ວັດເທົ່າ ທີ່ມີຄວາມສາມາດ, ບໍ່ຈຳເປັນ ປັກໃສແຕ່ເລກ “9” ດອກ ແລະ ກໍບໍ່ຈຳເປັນສົນໃຈແຕ່ ເລື່ອງຊື່ວັດວ່າເປັນມຸງຄຸນເຊັ່ນ ບາງຄົນບອກຈານແຫຍ່ວ່າ ຕ້ອງເລືອກໄປວັດທີ່ມີຊື່ເປັນ ມຸງຄຸນເຊັ່ນ: ວັດສົມຫວັງ,   ວັດ+ເກົ້າຍອດ (ຊີວິດຈະເປັນ ຍອດໃນ 9 ຢ່າງ!) ວັດຊຽງ ຍືນຈະມີອາຍຸຍືນ, ວັດຫາຍ ໂສກຄວາມໂສກເສົ້າຈະຫາຍໄປ, ວັດມີໄຊຈະມີແຕ່ໂຊກ ໄຊ, ວັດຊຽງແວ່ ຈະໄດ້ມີລູກ ຄ້າມາແວ່ເຮັດໃຫ້ຊື້ໄດ້ຂາຍໝານ ແລະ ຕ່າງໆ ນາໆ.

ໄປ 10 ວັດປີນີ້, ຈານແຫຍ່ ສັງເກດເຫັນຫລາຍ ຢ່າງ, ມີທັງສິ່ງທີ່ນິຍົມຊົມ ຊອບ ແລະ ສິ່ງທີ່ເຫັນວ່າ ຄວນ ໄດ້ປັບປຸງເພື່ອຄວາມປອດ  ໃສ ແລະ ສັດທາປາລະມີທຳ ເຊິ່ງແຕ່ລະວັດຄວນມີ. ຍ້ອນໜ້າເຈ້ຍຈຳກັດ ຈຶ່ງຂໍເວົ້າສະເພາະສິ່ງທີ່ບາງວັດ ຄວນເບິ່ງຄືນເພື່ອແກ້ໄຂຄື:  ຢ່າເປີດດົນຕີດັງເກີນໄປຈົນ ແຫ້ມຫູ, ສຽງເສບທຳນອງເພງຕ້ອງໃຫ້ເໝາະກັບວັດ, ຫລີກກັ້ນຈັງຫວະຮ້ອນແຮງ ແລະ ເນື້ອໃນຮັກໆໄຄ່ໆ.

ດີທີ່ສຸດຄວນເປັນສຽງ ເສບທຳນອງ-ຈັງຫວະລາວເດີມ, ຕ້ອງຈຳກັດສຽງດົນຕີ “ນຳເຂົ້າ” ເພາະຂອງລາວ ເຮົາເອງໄດ້ມີບໍ່ອຶດບໍ່ຢາກ.

ໃນທ່າມກາງບັນຫາ ວັດທະນະທຳທີ່ແປກປອມ ພວມບຸກສັງຄົມລາວພວກ ເຮົາຢູ່ນີ້ຄົນລາວໃຜໆກໍຍັງ ຝາກໃຈໄວ້ກັບວັດໃນການ ອະນຸລັກສິ່ງທີ່ເປັນຂອງລາວ ແທ້ໆສົດໆ.

​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ - lattana 1 - ​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ

ບັນຫາທີສອງ ແມ່ນການຈັດວາງ ແລະ ຕິດຕັ້ງບ່ອນ ໃຫ້ຫົດສົງເຊັ່ນ: ແທ່ນພະພຸດທະຮູບ, ຮູບປັ້ນ ທີ່ສ່ອງແສງ ເຖິງເລື່ອງລາວໃນພຸດທະນິຍາຍຕາມການເຊ່ືອຖືຂອງ ຄົນລາວນັ້ນຍັງເຫັນວ່າຊະ ຊາຍຢັງຢາຍ ບໍ່ເປັນລະບຽບ ເຮັດໃຫ້ເນື້ອທີ່ສຳລັບຍ່າງໃນ ວັດຄັບແຄບ ແລະ ແອອັດ, ມີບາງວັດຍັງຂາດການຈັດລະ ບຽບບ່ອນຈອດລົດ ເຊິ່ງຍິ່ງ ສ້າງຄວາມສັບສົນຂຶ້ນຕື່ມ.

ສຸດທ້າຍແມ່ນເລື່ອງ ການຈັດລະບຽບໃຫ້ແມ່ຄ້າ ຊາວຂາຍທີ່ນຳເຄື່ອງໄປຂາຍຢູ່ວັດ ເພື່ອປ້ອງກັນ ບໍ່ໃຫ້ມີ   “ພູຂີ້ເຫຍື້ອ” ພາຍຫລັງເລີກງານ ແລະ ຄວນເບິ່ງຮອດ ປະເພດເຄື່ອງກິນດື່ມທີ່ຂາຍ.ຈານແຫຍ່ ອະນຸຍາດໃຫ້ຂາຍພຽງແຕ່ເຄື່ອງດື່ມ ກໍພໍ ແລ້ວ, ບໍ່ຈຳເປັນຮອດປະ ເພດປີ້ງ-ຈີ່ ຂົ້ວຈືນດອກ.

10 ວັດທີ່ໄປສົງພະນັ້ນ ຈານແຫຍ່ ຂໍໃຫ້ຄະແນນດັ່ງນີ້ ດ້ານຄວາມເປັນລະບຽບ ແມ່ນວັດໜອງໄຮ, ວັດສີສະ ຫວາດ, ວັດໂພນຕ້ອງສ່ວນ ເນື້ອໃນການບັນລະຍາຍໂດຍພະສົງທີ່ເຮັດໜ້າທີ່ເປັນຈັດຕັ້ງ. ເພື່ອຊັກ ຊວນອ່ວນໃຫ້ ຄົນມີສັດທາໃນການເຮັດ ຄວາມດີນັ້ນ, ຈານແຫຍ່ ຍົກໃຫ້ວັດຈອມເພັດ, ວັດໜອງໄຮ  ແລະ ວັດສົມຫວັງ.

ພະໂຄສົກໃນວັດເຫລົ່ານີ້ ມີຝີປາກ, ເກ່ງເປັນພິເສດ. ນີ້ຄື ສິ່ງທີ່ຈານແຫຍ່ ຫິ້ວມາແຕ່ວັດທັງສິບທີ່ໄປມາເພື່ອເອົາ ມາຕ້ອນທ່ານຜູ້ອ່ານ./.

​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ - cd278458 3ab7 4e44 b242 c873d40fc37e - ​ໄປ​ສິບ​ວັດ ອັດ​ແໜ້ນ​ມາ​ດ້ວຍ​ບຸນ
(ພາບປະກອບ)
error: Content is protected !!